السلام عليكم عايزين اى حد جرب عفشجى جامد وكويس وظبطلة الدنيا يكتبة و يقول اية اللى عملة و تكلفتة والمصنعية عشان تكون مرجع لينا كلنا
عرض للطباعة
السلام عليكم عايزين اى حد جرب عفشجى جامد وكويس وظبطلة الدنيا يكتبة و يقول اية اللى عملة و تكلفتة والمصنعية عشان تكون مرجع لينا كلنا
حماده امام فى شارع البحر الاعظم بجوار بنزينه مصر للبترول
شكرا لحضرتك والرجاء من باقى الاعضاء التفاعل لاهمية الموضوع لينا كلنا
فيه ناس تعرفهم باسم (أولاد إمام) و هما بعد القرية الفرعونية الشارع اللي علي ناصية البنزينة و تدخل فيه تقريباً تاني شارع شمال و هما أشهر من النار على العلم زي ما بيقولوا .......... فيه كمان ورشة (صابر و محمد) في عين الصيرة هتلاقيهم آخر الشارع الرئيسي يمين ...........
سماره ... أستاذ عفشه , وعنده ورشه مجهزه بالكمبيوتر لظبط الزوايا , وعنده ترصيص على سرعات عاليه
مكانه : فيصل - الطوابق , شارع الصفا والمروه ,, هو في الشارع الفرعي اللي جنب صيدليه الصفا والمروه , ورشته قبل نهايه الشارع على الشمال
بس مشكلته ان عنده الزباين بتكون كتير شويه وممكن يديك معاد تاني تروحله فيه
لكن بأمانه الراجل أمين جدا ومهذب ونضيف جدا في شغله , ومفيش مسمار بيفكه من مكانه الا لما ينضفه كويس اوي وبعدها يركبه تاني على نضافه
مصنعيته مش مبالغ فيها وسهل انك تتعامل معاه في الأمور الماديه
جربته كتيييييييييير, بس للأسف في عربيه دوجان , وطبعا انت عارف عفشه الدوجان كده كده مش مريحه
وغيرت عنده 2 مساعد امامي في اللانوس والحمد لله الدنيا زي الفل
هو بصراحه كـ فنيات في الشغل ممتااااااااز , ومن النوع اللي ممكن يبتكر حلول ويعمل تعديلات بسيطه للعفشه للحصول على اداء احسن
والميزه فيه بجد انه راجل مهذب وسهل انك تتعامل معاه في الأمور الماديه , وكمان باله طويل اوي ويحب يسمعلك جدا وانت بتقول مشكله معينه
راجل مريح يعني
محمد عواد - أخر شارع الاربعين من جنب حدايق بدر على جسر السويس , انا مش عارف هو ميكانيكي ولا عفشجي , بس هو اشتغل لي من فترة في العفشة و بصراحة شغله نضيف و معاملته كويسة , و مفروض انه شغال في توكيل من توكيلات دايو