هل ممكن اغير ميه البطاريه بالكامل بعد اكتشافى انها مش حلوه؟
لان فيه ناس قالى الميه بتتحط مره واحده بس فى عمر البطاريه
عرض للطباعة
هل ممكن اغير ميه البطاريه بالكامل بعد اكتشافى انها مش حلوه؟
لان فيه ناس قالى الميه بتتحط مره واحده بس فى عمر البطاريه
غيرها من غير ما تقلب البطاريه
لان الشوائب اللى بتبقي في قاع البطاريه بتعمل قفله بين الالواح وتبوظ البطاريه
انا فاكر مره زمان كنت غيرت المياه وغسلت البطاريه كمان وكانت زي الفل
غيرها عند اى كهربائى لانه بيبقى عنده شفاطه كده بالهوا يشفط المياه القديمه ويحطلك مياه جديده
لو البطارية قديمة وغيرت المياه بالكامل وقلبت البطارية وانت بترمي المياة يبقي عليه العوض وارميها لانها بتبوظ بمجرد القلبه لانها بتدوب الالواح اللي جواه المهرية اساسا
واذا كنت عاوز تغير ومصمم خلي الكهربائي يشفط المياة بواسطة الهيدروميتر بتعاه
ويفضي العيون وبعدين يملاها عين عين
لو البطارية عمرها سنة او اقل مثلا اقلب المياه واغسلها براحتك
وسيبها تنشف من مياه الغسيل وهى مقلوبة
بعد كده بتتملى 30 % حمض كبريتيك مركز + 70% مياه مقطره
وفيه مياه تركيز 30 % جاهزه بتكون زجاجة بلاستيك بغطاء احمر لتميزها عن المقطرة بتكون بغطاء ازرق
و تتساب تتشحن ساعة مثلا على تونجر الشحن
اما الشفاط اللى الأخوة اتكلموا عنه فهو مقياس لتحديد كثافة مياه البطارية فهو بيأخذ عينة و المؤشر فى المقاس لو جت مستوى المياه فيه عند اللون احمر يبقى التركيز عالى محتاج نخففه بمياه مقطره ولو مضبوط عند اللون الأخضر يبقى تمام ولو التركيز قليل عند اللون الأبيض يبقى محتاج نزود التركيز باضافة الحمض ارجوان اكون وضحت