السلام عليكم
انا عندي مفيش لمبة مارشديه بتنور في الفوانيس لخلفية لما برجع مارشديه ،
فكان فيه كهربائي مره قالي انه مش لاقي ساعة المارشديه و أنها مكسورة
الصراحة انا مفهمتش و حاسس أنها اشتغاله
فانا عايز اراجع الموضوع ده بنفسي في العربيه عندي ، فانا محتاج منكم تقولولي ايه الحاجات اللي أبص عليها علشان أتأكد منها ؟
لا مش اشتغالة
هى اسمها ساعة مارشدير فعلا
مكانها فين بقى يا رجالة؟
و تحديدا فى ال127؟
على حد علمى ليست ساعة ولا شىء وهى عبارة عن مفتاح ( سويتش ) وعند تحريك عصاية الفتيس فى إتجاه المارشدير يتم لمس مفتاح ( السويتش ) فتغلق الدائرة الكهربية لإنارة لمبة المارشدير فى الخلف.......
دى مش اشتغاله
هى ساعة مارشدرير
وبتبقى على الفتيس
اى سوتش او حساس بيكون على شكل صامولة الميكانيكية بيسموه ساعة
او ماكينة المرشدير وهو عبارة عن سويتش بيركب فى الفتيس والذى
يمثل جسمه الطرف السالب او الارضى وخارج من منتصفه ترمنل
تتصل بلمبة المرشدير
انا شوفت الكهربائي كان بيظبط لمبة المارشدير من تحت العربيه في عربيه 28
يا بشمهندس هو جهاز الكهربائي بيقول عليه ماتور المارش و بيركب ف الفيش عشان لما بتحرك عصاية الفتيش اتجاه المارش الجهاز بيشتغل فبينور النور الابيض اللي هو بتاع المارش و الماتور ده بتجيبه من اي حد بتاع قطع غيار الخاص بعربيتك و بيكون مكانه موجود ف الفتيش
اسمها ماكينه مرشدير ودى بتتباع ب 20 جنيه لل 127 وبتركب فى الفتيس من تحت جنب طبة زيت الفتيس على شمال العربيه واى اخدمة
السلام عليكم
انا معايا 128 1100 مو 77 معدله مش بتنور فى المارشدير الكهربائي بيقولى ان الموديل ده مالوش لمبة مارش هل هذا صحيح ام ماذا وما الحل ارجو الافاده
بصراحه مش متأكد من الحكاية دى بس عموما الموضوع ده بيعتمد على الفتيس فيه مكان لماكينة المارشدير ولا لااقتباس:
المشاركة الأصلية كتبت بواسطة wael6
هي كانت بتنور قبل كدة و لا لاء
اصل الموضوع ده حصلي في الأفيو الموكوسة بتاعتي و رجعت اشتغلت تاني لوحدها عادي يعني
فأنا ربط بين ده و بين اني كنت غاسل العربية ساعتها
هي قعدت حوالي 3 اسابيع و رجعت اشتغلت تاني
حاجة اسمها ب لغة الصنايعية ساعة مرشدير و بتكون راكبة فى الفتيس
و للتجربة
فك الساعة ووصل السلكين ببعض لو المرشدير نور يبقى العيب فى الساعة اما لو منورش يبقى العيب فى وصلات الكهرباء ..
و خد بالك و انت بتفكها عشان زيت الفتيس هيقع حاول تسد المكان ب اى حاجة ..
اقتباس:
المشاركة الأصلية كتبت بواسطة wael6
جرب تروح لكهربائى اخر وشوف هيقولك ايه
انا كان معايا عربية 132 موديل 74 وكان عادى ليها لمبة مرشدير
انا شاري العربيه لسه من شهرين وكانت كده مو77 فيات 128 معدل مش عارف وضعها اصلا من غير مارش ولا ايه ؟اقتباس:
المشاركة الأصلية كتبت بواسطة max_ziro
ثم انا ليس لدى الخبره المناسبة لحل الفتيس او اصلا انى اصل لمكان الساعه اللى حضراتكم بتقولوا عليها اعمل واروح لمين يشوفها
ارجو الافاده واسف للاطاله
فى ال 127 أفتح الكبوت على ناحية اليمتن ووجهك للعربية تحت خالص مكان ما تلاقى قربة المية بتاعت المساحات ستجد سكتين راكبين فى الفتيس ب ترامل اى ميكانيكى فيات مبتدأ حيعرف يغيرها وممكن جدا السلك بس يكون مش راكب او علية جنزرة من المية وانت بتزود مياة الرادياتيراقتباس:
المشاركة الأصلية كتبت بواسطة darkangel007
مكانها فين فى 128 وشكرا
منور يا ماكس باشا
انا معايا سيفيا 2000 مانيوال وفيها نفس العيب ده ممكن تقولي فين ساعة المارشدير دي
مكانها فين فى مو 77 128 وشكرا
متابع للاهمية
هل من مجيب
اللهم صل على محمد وعلى آله وصحبه أجمعين
احيانا الكهربائي يكون مش فاهم فيقول لك كده اهابايظة وعاوزة تتغير علشان يرح دماغه ويعمل انه فاهم
ولورحت لواحد تاي ممكن اوقي يبقي العيب سلك مش واصل مش الساعه
لذلك جرب تروح لحد تاني وثالث وماتسمعش كلام تغير الساعه وخلي بالك مصر مفيهاش علم سيارات كله ماشي بالفهلوه
وبعدين مهياش ساعه دي مجرد قطعه مستطيله او مربعه بها اطراف تلامس بس اسمها ساعه المارشيدير اسم بس يخض علي الفاضي
سيبك منه وروح لواحد تاني ممكن يعرف العيب فين
واصل الكلام انا جربته قبلك وقالووا نفس الكلام غير الساعه وفي الاخر طلع سلك واقع مش متركب كويس اهتز مع المطبات
اللي ممكن يصلحها لك عفشجي كويس فاهم في الفتيس الاوتماتيك مش كهربائي