الموضوع: أخيرا ناويت اشترى الساجا بس ليه كام سوال ياريت المساعده

السلام عليكم ورحمة الله وبركاته

انا بسلم على شباب بروتون الحلوين بعد التحيه
انا والحمد لله اقتنعت بالساجا بعد تفكير طويل وتخطيط وقرارت شرائها بس ليه كام استفسار اخير لانى مبحبش اركب عربيه الا لما اكون فاهم فيها كل حاجه على فكره الاسئله اجبارى مش اختيارى

1- استهلاك البنزين مش واضح خالص من كل اللى اشتروا الساجا ياريت يرضوا عليه يقولولى استهلاك البنزين قد ايه وياريت يكون بالمتوسط يعنى على متوسط سرعه كذه بتعمل كذه ؟؟؟

2- الماتور انا اعرف انه بيدى 120 ن . م عند 4000 لفه فى حين ان اللوجان بيعطى 124 ن . م عند 3000 لفه بصراحه انا مش فاهم ايه معنى الجمله دى وهل هى لصالح الساجا وله لصالح اللوجان

3- قطع الغيار في منها بره التوكيل وله لا ؟؟؟ لانى شايف الاسعار فى التوكيل نار وهل لو جيبت قطع غيار من بره التوكيل وطلبت من التوكيل انه يركبها هيرضى ؟؟؟

4- العربيه مش منتشره فى الشوارع خالص انا لم اراها ولا مره فى الشارع مش عارف ده عيب منى وله عيب من الشارع بس هل فيه امل فى انتشارها يعنى ومحدش يعرف الساجا عملت مبيعات قد ايه من ساعه مانزلت فى نهايه العام السابق؟؟؟

5- التكييف كويس وله يعتبر ضعيف وهل بياثر جامد على السحب فى المانيوال ؟؟؟؟

6- استيكر نايل موتورز موجود فين انا هحجز من فرع الصحراوى بيتباع هناك الاستيكر ؟؟؟

ياريت الافاده فى الاسئله دى من البروتوناويه الساجاويه الكبار

المشاركة الأصلية كتبت بواسطة orangemerc

السلام عليكم ...... أنا هرد على الجزء الفني بتاع العزم .....كل ماالموتور يدي عزم أعلى عند سرعة rpm اقل ده معناه إنه انعم ومش محتاج يتعب قوي عشان يجيب العزم ده وفي الحالة دي الصالح لموتور اللوجان .......

وعليكم السلام

انا قولت كده برضوا مهو ده تقريبا اللى بيخلى اللوجان بتنقل من 0 الى 100 فى 11.5 ثانيه والساجا بتنقل فى 13 ثانيه دى الفرق اكيد اللى لصالح اللوجان