الموضوع: اكتشفت الغش لكن ما العمل ؟؟؟

أنا كنت شارى عربيه 128 موديل 84 ومكتوب فى الرخصه موديل 84 لما روحت المرور أفحص مكنتش أعرف إنهم لازم يخدوا رشوه على العربيه علشان تترخص مهندس الفحص بصلى كده لقانى مهرشتش قالى غير شكمان العربيه وتعالا علشان كان تيربوا غيرته ورجعتله كان مستنينى أهرش بردوه مهرشتش قالى إدهن العربيه وتعالا وخدوا الرخصه وإدونى شهر سماح أدهن فيه العربيه وأروحلهم المهم دهنتها وروحتلوه قالى ديه مدهونه ديه المهم روحت مديله 20 جنيه قالى ماشى يا حبيبى وقال تمام ومضالى على الترخيص المهم قعدوا يدوروا على ورق العربيه جوه ملقوهوش !!! قالولى خلاص هنعملها ورق جديد روح لمهندس الفحص إسمه كذا كذا علشان يكتبلك ديه موديل كام قولتلوا 84 قالى لا لازم هوه اللى يقول المهم روحتله بصلى وكان عاوزنى أهرش قالى ديه موديل 83

ياعم ديه 84 قالى لاء هيه كده وطبعا عملت مشكله مش عاوز أطول عليكوا وفى الآخر علشان مهرشتش خلهالى موديل 83

والحوار ده فى مرور مدينة نصر وعملت محضر بالواقعه وطبعا معملوش حاجه كالعاده

معانى بعض الكلمات أهرش يعنى أديلوه رشوه

المشاركة الأصلية كتبت بواسطة م.محمد مختار

أذكرمرة كنت واقف مع واحد شغال في معرض سيارات و كان بيتفاخر بأنهم دفعوا فلوس للموظف في المرور ورخصوا سيارة 2006 على أنها 2008 أو 2009 مش فاكر " رغم وجود فرق واضح في الشكل الخارجي يسهل على المتابع ملاحظته" وبالفعل أحد الزبائن لم يصدق الموديل و استشهد بالنياكل القديمة وخلافه ولكنه عندما رأى الرخصة سكت (من باب: مش حنفهم اكتر من الحكومة)!!... طبعاً لم أصدق تماماً و لم أكذب تماماً... و عندما سألته عن إمكانية أن يكتشف أحدهم التزوير قال ان ذلك يتطلب ان يستخرج أحدهم الملف من ارشيف المرور وهذا ما لن يتكلف عناءه أحد غالباً... وحتى لو حدث فمن المستحيل اتهام شخص بعينه بذلك لهذا يتم هذا النوع من الغش بدون خوف كبير.. ولما قلت ان ده غش وخداع ونصب غلوش وغير الموضوع.
طبعاً هذا يفتح الباب للشك خاصة في الموديلات التي لم يتغير شكلها لسنوات عديدة مثل الفيرنا و اللانوس واللادا..
بل قرأت مرة ان أحد التوكيلات باع سيارة على أنها المويل الجديد و بعد ايام نزل الموديل الجديد وبه تعديلات واضحة... !!!
وأهلاً بك في بلاد العجائب

يظهر اننا لازم نكرر العباره المشهوره

(( ما فيش فايده ))