الموضوع: ايه اللي قلب الحال!!!!!!!!!!!!!

اتربينا من زمان واحنا فاهمين ان (ان فاتك الياباني مش هييجي تاني) وكأن الياباني شئ معصوم من الخطأ والكلام ده كان صح الي حد كبير لحد فتره قريبه ولكن الواحد فوجئ بمشاكل كتير في المنتجات اليابانيه زي السيارات مثلا مش كده وبس حتي الكاسيتات وبعض الكاميرات اليابانيه اصبح مستواها في النازل ولعل انتاج الشركه اليابانيه في الصين (موضه اليومين دول) احسن في بعض الاحيان من المنتج الياباني بالكامل( مش عارف اتغروا ولا ايه) وده عن تجربه!!!!!
نرجع للعربيات في مصر الي بتهم اعضاء المنتدي بدات بعض المشاكل تظهر في اكبر شركه سيارات في العالم(تويوتا) والي كانت مفهاش غلطه ومشاكل في توكيل نوع تاني من السيارات(ميتسوبيشي) وسيارات تانيه غاليه اوي وفي الطالع بدون اسباب(هوندا) وسيارات تانيه مجهوله لفئه كبيره من الناس(سوبارو) وسيارات لاموديلاتها ولا اسعارها مناسبه للمستهلك-من وجهه نظري الشخصيه-(دايهاتسو) !!!!!!!!!
ومن الجهه الاخري نجد ان الكوري الي كان زمان بنقول عليه (ايه الي جبرك عليه) يحتل الصداره في التصنيع والصيانه وقطع الغيار مش كده وبس, ده كمان المستوي في الطالع والتوكيلات في تحسن ملحوظ واستقرار الي حد كبير
انا مش بجقد علي الكوري لاسمح الله ولا بنقد الياباني بس كان نفسي يبقي ده وده في الطالع لخلق متغيرات في السوق
انا فعلا مش فاهم ايه الي قلب الحال
سبحان الله