الشلل الخماسي هو شلل رباعي + شلل في التفكير من كتر الغيظاقتباس:
وبعدين إيه حكاية الشلل الخماسي ده ؟؟؟؟؟؟؟
عرض للطباعة
الشلل الخماسي هو شلل رباعي + شلل في التفكير من كتر الغيظاقتباس:
وبعدين إيه حكاية الشلل الخماسي ده ؟؟؟؟؟؟؟
و الله ياجماعة أنا شايف إنكوا قاسيين جداً على بلدنا إلي متاويانا و معلمانا و محدش بص على فلسطين و السودان و العراق و غيرهم.. و الحقيقة أنا عندي رأي عارف إن أغلبكم هاتعترضوا عليه...
أنا رحت سول في كوريا و شفت النظام في الشوارع و السواقة و البني أدمين سألت جماعة كوريين هناك عن السبب قالولي إن قبل دورة الألعاب الأوليمبية كانت الدنيا مبهرجة و فوضى و عنف و الناس agressive جداً في السواقة قلتله و طب و إيه اللي حصل قالي الدولة علشان المظهر الحضاري حطت قوانين صارمة جداً للمخالفين و شجعت الناس و حطتلهم هدف قومي إنهم يظهروا بمظهر مشرف أمام العالم و قد كان و من ساعتها النظام و الإحترام لسة موجود.
و الدليل إن نفس اللي بيخلوها فوضى هنا بيسوقوا كويشش بره في قطر و الإمارات و لندن...
و ما حدش يقللي إن هي دي الشخصية المصرية لإن في لندن أو دبي الناس عامة عصبيين في السواقة من الزحمة بس في إطار النظام ما فيش فوض..
ده جانب الدولة و مش موجود عندنا... ما ننساش بقى دورنا إحنا.. حد فيكم جرب يقف في الإشارة قبل الخط الأبيض و شاف اللي واقف وراه إتضايق إزاي.... حد جرب يمشي في الصحراوي على 100 و شاف اللي طاير من جنبه و بيبصله بإحتقار إزاي ... حد طيب جرب يهدي أو يقف علشان فيه حد بيعدي الشارع على رجليه و شاف اللي وراه هيعملوا إيه...
أنا عارف إني هسمع تريقة و المدينة الفاضلة و الذي منه بس انا لما شفت الحاجات دي بره و الله الدنيا بتكون جميلة جداًَ و مش هنحس إن فيه زحمة و لا فوضى..
البلد دي تحفة لو سقت فيها الساعة 3 أو 4 الفجر و مافيش أحلى منها في العالم...بس بقى تعالى الساعة 8:30 الصبح أو 3 الصر لحد 10 بالليل بتكون...
.
.
.
.
.
.
عايزة الحرق..:)بس برضه بلدنا
النظام واحترام قوانين المرور مش طبع ممكن يكون عند ناس أة وناس لأ
يعني الناس المنظمين اللي في كوريا او قطر او السعودية او اي مكان مش احسن مننا وعاداتهم احسن من عادتنا
الموضوع هو مين اللي يطبق القانون و يجبر الناس علي احترامه
انا كنت عايش في السعودية سنة 1974
كانت فوضي مرورية وكنا بنرجع مصر في الاجازات نقول عمار يا مصر يا ام الدنيا والحضارة والمدنية
وبعدين بدأوا يشددو المخالفات بقي كسر الاشارة ب 500 ريال
لكن ظهرت فئة من الشباب لما يكسر الاشارة يوقفه العسكري يروح رامي ال500 ريال في وشه ويمشي
راحو عامين ان اللي يكسر الاشارة يتاخد المخفر ( القسم ) ويتمد علي رجلية ( ينضرب ) والامر تطور الي ان اصبح الآن يتحبس لمدة 3 ايام و العقوبة تزيد في حالة التكرار ده غير الغرامة وقدرها حوالي 900 ريال
يعني الموضوع مش انهم منظمين واحنا لأ
هما عندهم الدولة بتجبر الناس علي اتباع النظام واحنا بتوع المرورعندنا تحولو الي مناديين بيحرسو السيارات المخالفة لغاية ما صاحبها يرجع و كل سنة وانت طيب يا باشا وده طبعا علشان يعرف يأكل عياله ويعلمهم لأن مرتبه ما يكفيش يشرب بيه مية من الحنفية ( مش معدنية لا سمح الله )
وانتم طبعا شايفين وعارفين باقي المنظومة
البلد دى حلها ان المصريين يتقسموا فترتين: مصريين فترة صباحية و دول بيصحوا الصبح ينزلوا شغلهم الصبح و يرجعوا المغرب و يناموا بالليل ... و مصريين فترة مسائية و دول يبدؤوا يصحوا وقت رجوع المصريين الصباحيين من أشغالهم و ينزلوا من بيوتهم على العشاء و يروحوا شغلهم و يرجعوا منه قبل الفجر بشوية و يناموا على الشروق ...
و بكدة البلد تتوزع الزحمة فيها على جميع فترات اليوم ... و يراعى اضافة خانة تصنيف جديدة فى شهادات الميلاد بجوار النوع و الديانة و هى خانة "الفترة" و يتكتب فيها صباحى أو مسائى و لا يجوز تغييرها من الميلاد الى الوفاة ... و يراعى منع تجول "الصباحيين" بعد العاشرة مساءً و يراعى منع تجول "المسائيين" بعد السادسة صباحاً
و يراعى كذلك عند الزواج منع زواج الصباحيين بالمسائيات و العكس، حرصاً على التكافؤ الفترى (نسبةً الى التكافؤ الاجتماعى)، و يراعى كذلك ... معلش أنا شكلى خلاص بأخرف -- الظاهر انى نمت فى الاشارة كتير :)
وانا كمان و الله علشان اروح من المهندسيين لمدينة نصر او الحرفين باخد بتاع 3 ساعات وبيعيط و الله العظيم و خد عندك البنزين الي بيروح في الوقفه ديه مش بيروح ده بيطير او بيتشم باين مش عارف اعمل ايه بجد انا تعبت من الموضوع وانا ليسه كمان ناقل في الشغل الجديد الي في المهندسيين في الاول كنت في مدينة نصر و الله العظيم كانت حلوه بالنسبه ليا و الله العظيم
قلبي معاكم جميعا.... و ربنا يستر على الجميع... أنا باسوق في القاهرة من ١٩٩٠ ...إسمحولي بكام ملاحظة صغيرة
-أنا في كندا بقالي سنتين و نص.... تورنتو تحديدا ...وقت الذروة زحمة بس مفيش شدة أعصاب لان الناس محترمة.... بس خلاص
-الأخ الفاضل اللي بينصح بابدا بنفسك أولا.... للاسف يا باشا ماينفعش في القاهرة... عمري ما حانسي لما رجعت من اليابان ٢٠٠١ و كنت ماشي زي الروبوت لمدة ٣ اسابيع قافل الشباك و ببتسم للبني أدمين اللي بيشتموني عشان ماشي صح..... لحد ما مرة قدام مديرية أمن الجيزة قررت أقف عشان الاشارة قلبت أحمر و هوب سمعت زييييييء و طااااخ..... الافندي اللي ورايا لبس فيا و نزل من العربية و قعد يشتم عشان أنا وقفت مع إن التقاطع فاضي ساعتها فقت من حالة الروبوت و قلبت قاهري شمحطجي تاني
-بيتي في الرماية و كنت باروح قصر العيني مرتين في الاسبوع.... على طول على الدائري... كيلومترات و إستهلاك أكتر لكن شدة أعصاب أقل و ببعد عن المنغصات في شارع الهرم و ميدان الجيزة:mad:
- المنيل المعادي المهندسين دائري
- مصر الجديدة مرتين السبت الدنيا هادية نسبيا السواقة معقولة ... يوم التلات تاكسي لاقرب مترو و تاكسي تاني من المترو الوقت أقل و أعصابي أهدى وانا مروح ممكن أمشي للمترو و أهي رياضة
- زميل ليا في الرماية بعيد عني ب-١٠ دقايق مشي Car pooling مرة أنا و مرة هو
-أي فرصة أخد حد في طريقي و أنا مروح حتى لو ساعي باخده ثواب و صدقة و صحبة في الزحمة (و لو مش عايز أتكلم بشغل قرأن و أردد وراه و أهو كله ثواب)
مافيش حلول سحرية بس كنت باحاول على قد ما أقدر... و ربنا يستر من الشلل الخماسي و رطوبة الركبة و القعدة الطويلة ;)
مشكلة المصرى انه فهلوى... مش حيتبع النظام الا اذا كان فيه عقاب شديد... دا غير انك مش حتاخد حقك لو كنت على حق لو حصل حادث
MMamdouh
إنت عارف يا أستاذ جندى إن كلام حضرتك علمياً صح
فى ناس ساعتهم البيولوجية بتخليهم يبقوا أنشط فى الفترة الصباحية و ناس بيبقوا أنشط فى الفترة المسائية (أنا من النوع ده :))
ده مش كلامى ده كلام دكتور سيكولوجى كان قاعد بيدردش معانا
و على فكرة مش هينفع الواحد يغير الفترة اللى بيبقى نشيط فيها.......هو ممكن ينام بدرى و يصحى بدرى و يعود نفسه على كده لكن برضه مش هيبقى فى كامل تركيزه و نشاطه و أكيد جربتوها فى وقت الإمتحانات.
عشان كده بيفكروا فى أوروبا (تقريباً مش فاكر البلد) إنهم يعملوا فترة مسائية فى الشغل للناس اللى مبتعرفش تصحى بدرى.... و بكده يكونوا إستفادوا 24 ساعة يومياً بدل ما الناس كلها تشتغل نص اليوم بس.
inapplicable
حل طبعا غير عملى و فكر فيها هاتلاقى إن كل شركة محتاجة 2 موظفين فى نفس الوظيفة واحد يغطيها بليل و واحد الصبح
ده ينفع فى بعض الوظايف لكن الكل لأ و محتاجة 2 مديرين و 2 رئيس مجلس إدارة و 2 وزراء و و و و ماينفعش :)
الحل إللى ممكن يتنفذ بسهولة
هو نقل جميع المصالح و الشركات من داخل القاهرة لأماكن جديدة موزعه على مدن جديدة و موزعه بإتقان و المدن الجديدة دى يربطها بالقاهرة طرق من العيار الثقــــــــيل 5 حرات فى الإتجاه الواحد بدون خوانق ولا أعناق زجاجة
و عمل فروع من كل المصالح و الوزارات فى كل الجمهورية
و مكان كل الشركات و المصالح إللى هاتتنقل يبقى جراجات
و يتوقف منح تراخيص بناء داخل القاهرة حتى إشعار آخر
و صاحب أى أرض الحكومة تعرض عليه يا يعملها حق إنتفاع للحكومة أو ياخد بدلا منها أرض مساحتها الضعف فى مدينة جديدة و يتصرف ليه قيمة متفق عليها من الدخل إللى هايعود من الأرض دى لما تتحول لجراج
و طبعا الحكومة مش هاتابع و تنفذ الجراجات لأ تعملها حق إنتفاع لشركات كبيرة
و حلول كثير أوى من ضمنها عمل خطوط مترو تربط جميع أطراف القاهرة و عمل سلسلة من الطرق الدائرية المفتوحة و الضخمة تحيط بالقاهرة فى صورة دوائر متفرقة متتالية تغطى القاهرة من كل الجهات و تفعيل المخالفات و تظبيطها و وضع شبكة مراقبة مرورية و عمل محطة على الراديو ال FM يبث من خلالها توجيهات للطرق و السائقين
حاجات ياما بس لو حد عايز يفكر و ينفذ لكن محدش عايز
انت ما تعرفش ان معدل موت الخلايا في جسم الانسان اللي بيسهر اكتر بكتير من اللي بينام بدري
ودي حاجة علمية وصحية
شوف كل الارياف زمان مش دلوقتي تلاقيهم بينانموا بعد العشا بشوية
وكان يومهم يبدأ بعد الفجر
حاجة زي الفل
لاكن عكس النظام اللي ربنا عملهولنا ده بيادي لقتل خلايا المخ والجسم عامة بصفة اكبر
كما هو الحال مع الناس اللي بتفرض عليهم ظروفهم شغل ليل
اكيد استاذ جنيدي كان بيهرج مش بيتكلم جد
محدش هايعمل يا محمود واديك شوف حال المترو بقي ازاي لما سابتة الادارة الفرنسية
فعلا احنا شعب لازم ينقاد ما ينفعش يكون قائد نفسة
اي حاجة تولتها ادارة مصرية تتطرق اليها الفساد والفوضي
مترو الانفاق
مستشفى عين شمس التخصصي
مستشفى الهلال
وغيرة وغيرة
ونقل المالح برة البلد لازم يتم باقصي سرعة عشان البلد بدات تصاب بالشلل وكل الحلول التانية مؤقتة
اما عن المترو واضح ان هو الحل الوحيد
البراون امبارن من اكتر من 50 سنة اول ما فكر يبني مصر الجديدة اول حاجة عملها 3 خطوط مترو كهرباء نظيف يربط الضاحية بتاعتة بوسط البلد
لكن احنا اي خط مترو بنعمل في كام مليون سنة وبرضه ادارتة زي الزفت
على فكرة يا أستاذ ميمو أنا برضه متفق معاك .....الحل اللى أنا قلته ده مقلتش إنه عملى ...... أنا بس لما قريت كلام أستاذ جندى إفتكرت كلام الدكتور بتاعنا ده ..... و قلته .......فى حاجات مش هينفع فيها الشغل بالليل بس فى حاجات برضه لازم 24 ساعة زى الدكاترة مثلاً ..... هيبقى عندنا ورديات فى الشغل ليل نهار.
و أنا من رأيى إن الحل اللى إنت قلته ده عملى جداً ....... و أهو إبتدت الحكومة تنفذه .... زى حكاية القرية الذكية دى اللى نقلوا فيها رئاسة الوزراء و عقبال الباقى يا رب......
معدل موت خلايا المخ بيزيد مع الإرهاق يا أستاذ كريم .....يعنى لو زودت عدد الساعات اللى بتصحى فيها مثلاً أو حاولت تشتغل بالليل و إنت جسمك مش بيقدر يسهر بالليل أو العكس لأن ده هيؤدى للإرهاق برضه.....اقتباس:
انت ما تعرفش ان معدل موت الخلايا في جسم الانسان اللي بيسهر اكتر بكتير من اللي بينام بدري
ودي حاجة علمية وصحية
شوف كل الارياف زمان مش دلوقتي تلاقيهم بينانموا بعد العشا بشوية
وكان يومهم يبدأ بعد الفجر
حاجة زي الفل
لاكن عكس النظام اللي ربنا عملهولنا ده بيادي لقتل خلايا المخ والجسم عامة بصفة اكبر
كما هو الحال مع الناس اللي بتفرض عليهم ظروفهم شغل ليل
اكيد استاذ جنيدي كان بيهرج مش بيتكلم جد
اللى هيشتغل بالليل ده ..... هينام نفس عدد الساعات اللى المفروض ينامها (حوالى 8 ساعات) ..... و جسمه هيبقى طبيعى جداً ...... جايز حضرتك بتقدر تصحى بدرى ....يعنى من النوع بتاع الفترة الصباحية ......... لكن فى ناس تانية مبيقدروش ...... و ده كلام علمى و متأكد منه .... لأنه ببساطة كان مقرر علينا و درسناه و برضه أنا قريته فى كذا كتاب سيكولوجى .... حضرتك ممكن تدور على ما يسمى Biological Clock أو ساعة الجسم البيولوجية ..... هتلاقى إنها مش مرتبطة بساعة الوقت العادية. :)
علي فكرة يا ميمو باشا انور السادات الله يرحمة عمل اللي انت قلته دة وانشأ مدينة السادات علشان تكون العاصمة الادارية بدل القاهره ويتنقل فيها الوزارات والمصالح الحكومية وتصميمها علي هذا الاساس وفيها كل الامكانيات اللي تؤهلها لكدةاقتباس:
الحل إللى ممكن يتنفذ بسهولة
هو نقل جميع المصالح و الشركات من داخل القاهرة لأماكن جديدة موزعه على مدن جديدة و موزعه بإتقان و المدن الجديدة دى يربطها بالقاهرة طرق من العيار الثقــــــــيل 5 حرات فى الإتجاه الواحد بدون خوانق ولا أعناق زجاجة
لكن السادات مات قبل التنفيذ ... امر الله
وماتت معة المدينة والفكرة
وكل ذنب المدينة ومشاكلها ان اسمها مدينة السادات والسادات مات فماتت معه المدينة علشان اسمها علي اسمه لوكانو سموها اي اسم تاني كان زمانها ليها شنة ورنة
آآآآآآآآآآآه يا بلد
مش عارف كل التعليقات مفيهاش غير 2 فقط هم اللي لهم تحفظات على بعض الكلمات المستخدمة بس انا بسأل نفسي كل المحرقة اللي ذكرها صاحب الموضوع علشان روح في 3 ساعات ,,, ياه ده ما سبش حته في بلدنا الا لما حرقها ,,, بس انا بقى بحب البلد دي هى ملهاش دعوة بمشاكلنا ,, على فكرة اي حاجة سيئة دلوقتي سببها حاجتين الفساد و الاهمال و اللي مضيع الدنيا ان الحاجتين دول متركزين اكتر حاجة في السلطة ,, يعني اللي بيلعن سواق ميكروباص لازم قصاده يعرف ان في واحد امين شرطة بياخد منه جنيه و ما بيعملوش حاجة و قيس كده على كل حاجة
و انا واحد من الناس الاهمال و الفساد ضيع اعز الناس منى اخويا حبيبي اعز الناس الي قلبي مات تاني يوم له في الشغل هو مهندس و كان لسه متخرج مات نتيجة الاهمال احبه و اقول له يا عمور كما كنت اناديه دوما اوحشني لقاك و افتقدك و ادعو لك بالرحمة و ارجو من الله ان يعوضك عن شبابك خير و احسبك عندالله شهيدا و اقول لك انه يوم ذهبت عني انا كمان ميت حى ,, و الحمد لله الذي لا يحمد على مكروه سواه
مش عايز حد يزعل مني انا بحب الناس كلها
ربنا يصبرك انا حاسس بيكاقتباس:
و انا واحد من الناس الاهمال و الفساد ضيع اعز الناس منى اخويا حبيبي اعز الناس الي قلبي مات تاني يوم له في الشغل هو مهندس و كان لسه متخرج مات نتيجة الاهمال احبه و اقول له يا عمور كما كنت اناديه دوما اوحشني لقاك و افتقدك و ادعو لك بالرحمة و ارجو من الله ان يعوضك عن شبابك خير و احسبك عندالله شهيدا و اقول لك انه يوم ذهبت عني انا كمان ميت حى ,, و الحمد لله الذي لا يحمد على مكروه سواه
مش عايز حد يزعل مني انا بحب الناس كلها
ومن منا لم يفقد عزيز
لكن ان شاء الله ربنا يجمعنا بهم في مستقر رحمته
والله من حوالي 6 شهور مثلا ، والدي الله يرحمه كان تعبان وواخد الأشعة لدكتور يشوفها فى الخليفة المأمون ، طلعت من 6 أكتوبر ، روحت وجيت فى 6 ساعات ، طبعاً الوالد زعل جداً ، والموضوع مش بإيدي ، ما انا لو كنت رايح اسكندرية هوصل فى ساعتين ، هروح وارجع اربع ساعات ، انما 6 ساعات بجد ومعملتش حاجة ولقيت الدكتور مش موجود و روحت بخفي حنين ، وحسبي الله ونعم الوكيل فى عدم النظام وعدم الإحساس بالوقت اللى موجود فى البلد دي ، دة حتي الدائري اللى هو المفروض سريع ، اتفرج على الطلعات والنزلات ، مفيش حد ملتزم أبداً وكله بالفهلوة ، وبدل ما ياخد يمين علشان ينزل يمين ، تلاقي الدائري كله واقف وحارة بس اللى شغالة بالعافية علشان البهوات بيلفوا رأس الرجاء الصالح من على الدائري علشان يدخل النزلة قبل واحد تاني و يقف ضباط وامناء وبردو مفيش فايدة :'( ، شغلي فى الزمالك ، فى الظروف العادية بوصل الشغل فى نصف او 35 دقيقة من اكتوبر وبخرج الصبح بدري طبعاً قبل ما كله ينزل ، وانا خارج بقي ، ممكن الطريق ياخد ساعتين ونص ، وطلعات الدائري تبقي قدامك وشايفها ومفيش 200 متر ممكن تقعد تتأمل فيها ساعة عقبال ما توصل لها
البلد اللى الناس مش بتحس فيها بالوقت عمرها ما هتتقدم :(
السلام عليكم و رحمة الله و بركاته
أنا بعد ماقرأت التوبيك ده, جالى نفس الصداع اللى بيجيلى لما بتزنق بالعربية مدة طويلة فى الزحمة و المرور واقف و مش بيتحرك !!!!!!!!!, رغم أنى مش قاعد فى العربية و قاعد فى بيتنا !!!!!!!!!!!!!!
و انت ليه مش ساكن جنب شغلك أو تشتغل جنب بيتك ؟
[quote=maserati;3873694093]السلام عليكم و رحمة الله و بركاته
أنا بعد ماقرأت التوبيك ده, جالى نفس الصداع اللى بيجيلى لما بتزنق بالعربية مدة طويلة فى الزحمة و المرور واقف و مش بيتحرك !!!!!!!!!, رغم أنى مش قاعد فى العربية و قاعد فى بيتنا !!!!!!!!!!!!!![/qu
سبحان الله .. نفس اللى حسيت بية (صداع من مجرد التفكير )..
خاصا ان اليوم وقفت فى المريوطية وشارع ترسا أكتر من ساعة ونصف فى مسافة لا تتعدى 7 دقائق أو أقل ( بالتوقيت الزمنى لكوكب أخر غير الأرض ) لو الطريق كان ماشى سليم مش سمك لبن تمر هندى عكسى
من 2008 الى 2011 والمشكلة لم تحل بل إزدادت سؤاً ( هى هتتحل إمتى ؟ )
حد عندة أمل !!!!!!!!!!!!!!!!!!
انا مش هقول غير انى النهارده واخد من ميدان الرمابه لشارع العريش فى ساعتييييين !!!!!
و ماشوفتش اى حاجه غير مالوفه عن الطبيعى بتاع كل يوم .... عادى يعنى
و الله انا نفسى اقول كلمه بس مينفعش علشان متوقفش :(
المسافة بين بيتي و بين الأوتوستراد بالعربية 40 دقيقة في المتوسط
و نفس المسافة على رجليا بالفرجة على الفتارين بتاعة عباس العقاد 10 دقايق
سلوك زبالة للأسف و بيزداد سوء بعد سوء
كافة طبقات المجتمع ببتصرف تصرفات سيئة لا تنم إلا عن أهمال و تخلف و جهل.
تحس أن السرايا الصفراء فتحت أبوابها ...... و أعطوا لكل واحد عربية و قالولوا أسرح بها
تحس أن احنا مجانين على الطريق بنتصرف بجد ....... بدون العقل
بصراحة تخطيط الشوارع عندنا زى الزفت. ده أنا كرهت السواقة من الزحمة
اللهم ادم نعمتك علينا اننا خارج القاهرة
انا الدمعة حتفر من عينى (بهزر طبعا )
لما بنزل القاهرة عند كوبرى الجيش ك4.5 بتشهد واعمل زى اللى بيضرب غطظ وان خارج بحمد الله
اجمل ما في الموضوع ده
ان فيه عمالقة المنتدى القدام :-)
ناس كتير بتتعجب اني مبنزلش القاهره خالص..
ولو حاولت توصفلهم ليه وخصوصا انك متعرفش اي حاجه في القاهرة بزحمتها الي انا مش طايقها حتي لو علي رجلي
يقولولك بتبالغ
سؤال بس ...... انا قريت الموضوع كله ...... وهاعيط كمان دقيقتين :))
حبايبي الاعضاء اللي مشاويرهم 2-4-6 ساعات ديه عربيات مانيوال ولا اوتوماااااااااااااااااتيك !!!!!!
انا خلاص مبقيتش افكر في حاجة الا غلطتي اني جيبت مانيوال علي اساس اني بحب المانيوال ... وانا من سكان عين شمس و شغلي في مدينة نصر ....... وبقول ياااااااااااارب متحكمش عليا اروح المهندسين ولا حتي اعدي الناحية ديه في يوم من الايام ..... !!!!
محدش يبدل بقي ياخد المانيوال ويديني اوتماتيك بلييييييييييييييييييييييز :)))))))
او يجيبلي عروسة عنجها شقة في الارياف ....... انا راضي والله اقعد في الارياف وجنب الزريبة كمان .... اذا كان ده هايخليني اروح وارجع من الشغل واجيب غيارات العربية كلها
ده الخامس قربت ابيعه ..... مبجبهوش الا في المناسبات
ده انا حتي لسه واخد الخامس امبارح لمدة 30 ثانية بحالهم .... صورتها فيديون :)))
الموضوع محتاج قرار شجاع وجماعي بالهجرة من القاهرة لسيناء او مطروح او اي محافظة آدمية
ويا ريت نعمل مجموعة تاخد القرار ده وتنسقه مع بعضها وتطلع عائلات وأسر كاملة وتسيب القاهرة وبلاوييها للي يقدر عليها
وأعتقد البيوت والحياة هناك ارخص
والاتصالات والنت دلوقتي بيقرب البعيد
سبعاوي
اسلام شاهين
احمد انور
توت عنخ
احمد بروداريف
دموع الثلج
احمد عزت
شريف 84
د. احمد
عمرو سيات لفر
د. هشام شيكو ... توأمي العزيز
د. احمد سمير
كريم كريبتون
محمد ممدوح
تاج تيربو
اللواء حسام حسن
اسد بيجو
عماد كمال .... عمدة المصريين في السودان
د. مينا ( ميزا )
كريم منير
ميمو حفناوي
....
وآخرون :penguin4:
ايه الموضوع التحفة ده
شكرا لمن قام برفع هذا الموضوع اللي خلانا قرأنا اسماء هذه الكوكبة الرائعة من الزملاء
منهم من هم مازالو موجودين معانا
ومنهم من ترك المنتدى
ومنهم من اصبح قليل الدخول
لكن مجرد ذكر اسمائهم بيفكرني بايام جميلة
والله واحشيننا جدا ومفتقدينكم
:8_8_13:
الحل بسيط جدا
www.bayt.com
ماتخترش مصر وانت بتدور
المشكلة ان مفيش نظام ومن غير نظام تبقه فوظة وعدم النظام سببه الحكومة لو الحكومة سحبت رخصة السياقة لواحد محترمشى قوانين المرور كلو هيمشى عدل لاكن فى مصر الحكومة سيبهاالاولوية للى اقوى من التانى
وربنا يهدى
الكلام ده صحيح...بس برده ساعات طلعة اكتوبر من رمسيس بتبقي واقفة
ممكن تاخد الدائري رايح جاي وتكبر دماغك...حتي لو وقف في يوم...مش هيبقي كل يوم
ممكن كمان بديل لدائري السلام...دائري المعادي...أقصر وأخف علي العربية وخاصة إن دائري السلام بيقف قبل مخرج جسر السويس بييجي 3 كم وقت الذروة
عايز بقي نصيحة تانية ترجعلك انت...إتأخر في شغلك شوية وإتحرك قبل الفطار بأقل من ساعة وتجرب كوبري اكتوبر...انا كنت بعمل كده السنة اللي فاتت كنت بروح البيت علي اذان المغرب بالظبط ..
الطريق بياخد تقريبا بين نص ساعة الي ساعة الا ربع بس ده للتجمع الاول...والله فيه يوم اخدته في 25 دقيقة........بس ده عشان باخد مدينة نصر من ورا ناحية مصنع بيبسي واطلع الدائري من ناحية الصينية اللي فوق نفق التجمع الخامس من طريق الجيش
الحمد الله انا روحت سكنت فى الشروق و اشتريت دماغى من الزحمة و العك
من 6 أكتوبر للشيخ فضل 40 كيلو قبل محافظة المنيا = بالضبط ساعتين ونص
من 6 أكتوبر للعصافرة في اسكندرية = ساعتين
من 6 أكتوبر لمساكن شيراتون = مش اقل من 3 ساعات ونص
الرحمة من عندك يا رب
يا جماعه الموضوع من 2008
منه لله اللى رفع الموضوع بيشتت الناس