اخوانى محتاج مساعدة فى اختيار العربية

**mido_soliman** · 24-04-2010 01:46 AM

المشاركة الأصلية كتبت بواسطة blackberry

السلام عليكم

اهلا بك يا صديقي ومبروك مقدما ان شاء الله.

انا لسه مستلم من اسبوع جين 2 , 2010

1- ناشفه , بس السياره ثباتها جيد ماشاء الله, والاصوات مش بتسمع عندي على الاقل حتى الان والحمدلله وفي الطرق المكسره امشي بالراحه وتجنب الحفر انا اكلت حفره من كم يوم شعرت بها وانا اسوق لكن لم اسمع صوت بداخل السياره للامانه ولم تفقدني التحكم او التوازن.

2- التقفيل جيد, حاسس التقفيل الداخلي كانها لعبه بصراحه وخصوصا الكاسيت والداش بورد, بالاضافه ان سمعت من صديق انها بعد فترة الازرار بتقشر ياريت لو حد عنده تاكيد او نفي لهذا الامر يفيدنا به

3- انا مشيت على 120 حتى الان بشكل اقصى لانني مازلت في فترة التليين, العزل ممتاز عندي الحمدلله

4- من قال لا اعلم فقد افتى, لم اجرب المانول, لدي اوتوماتيك لان وبصراحه من وقت نزولي مصر كرهت المانوال بسبب شوارع المحروسه ونصيحتي ريح نفسك وهات اوتو تنفع في الزحمه هنا والوقوف المتكرر في كل شارع ومريحه اكتر.

5- ليس مزعج بالنسبه لي اطلاقا كما انني لا اشعر بانه مرتفع

6- والله يا صديقي اصوات التزييق والتخبيط سمعت عنها كتير هنا في المنتدى ولكنني ولله الحمدله لم اقابل او اصادف ايا منها حتى الان ولو لا قدر الله حصلت اكيد مش هاكون مبسوط ولابد لكل داء من دواء

7- بالنسبه للمكيف فهو ممتاز والحمدلله, وتاكد عند فحص السياره بتجربته وانه مشحون

بالنهايه, مبروك مقدما وافحصها جيدا وتأنى ولا تتسرع وقت الاستلام.

مع التحيه,

اشكرك ومبروك عليك وربنا يبارك لك فيها ويكفيك شرها ويعطيك خيرها

**mido_soliman** · 24-04-2010 01:56 AM

نقطة نظااااام لانى وانا بلف لفتى فى المنتدى لقيت حاجة مش ولا بووووود خالص
دلوقتى يا اخوانى انا حجيبهالكوا على بلاطة
انا معايا وحش الفيات ال 132 ال 2000 سى سى من الاخر خالص اهو قطع غيارها طبعا كلوا عارف سعرها وموجودة فين (عند السوبرماركت لان انا مسمحش حد يقول على عربيتى حاجتها عند البقال لوكال اوى بقال دى ) المهم فيمكن انا بعيد كل البعد عن قطع غيار الجديد والكلام دة كلة ولكن فى مواضيع قريتها عن قطع الغيار فى التوكيل (عز الدين الحسينى يا بيتنا لان دة اقل حاجة تتقال علية على راى سمير غانم ) بصراحة مش مسالة رخص ال 132 الذيادة عن اللزوم لالالالالالالالالا دة جشع واستغلال ونصب وحجات كتير لان العربية سعرها اساسا محطوط فى شريحة متوسطة مش غالية ومش رخيصة يعنى لما اقول ان الفانووووووس ب الف وشوية دة قريب من الالحاد بحاجة بسيطة الهم احفظنا لما اقول ان مش عارف التيل بكام يبقى بردة استهبال عالى ولا الاكصدامات الواحد تقريبا بباكو اصل دى حجات عرضا انك تغيرها لا قدر الله نتيجة لاى خبطة او حاجة ملهاش علاقة بعمر دة اللى انا اقصدة
نيجى باة لمربط الفرس لان دة هوة اللى يهمنى
بعد ما تنتهى فترة الضمان وعمل الصيانات على خير اذا ربنا كتبلى انى اجيبها هل من الممكن انى معتمدش على عز الدين ......يا بيتنا وانى الاقى قطع الغيار بنص التمن دة على الاقل برة وبجودة قريبة ولا لاء ؟؟ لان انا بصراحة بفكر بطريقة عملية اكتر دة غير ان الواحد مبيلقيش الفلوس فى الشارع(يسلام كنت اتمنى والله بس محدش معاة فلوس فى البيوت اساسا)
مستنى ارائكم واسف اذا كنت طولت عليكم ومتشكر لكل الناس اللى ببتتجاوب معايا فعلا

**M.almaghraby** · 24-04-2010 02:15 AM

يا باشا قطع الغيار موجودة برا التوكيل

الفانوس مثلا موجود تيواني ب 225 جنيه ....... :d :d

**mido_soliman** · 24-04-2010 02:20 AM

المشاركة الأصلية كتبت بواسطة dr.almaghraby

يا باشا قطع الغيار موجودة برا التوكيل

الفانوس مثلا موجود تيواني ب 225 جنيه ....... :d :d

طمنت قلبى يباشا ربنا يخليك ايوة كدة اسمع ارقام اعرف اعدها واتمنى ان باقى القطع تكون موجودة وبسعر على قد قيمتها الحقيقية واسف انى متقل عليكوا جدا بس القرار صعب لانوا مبيتكررش كتير فلازن التانى والاستفسار الكتير

**M.almaghraby** · 24-04-2010 02:25 AM

يا ريس احنا تحت امرك و متتسرعش فاتخاذ القرار و فكر براحتك خالص يا مان...... :)

اي استفسار اسال و اكيد الف من يرد عليك

**hytham** · 24-04-2010 03:32 PM

انا معايا هوندا سيفيك 1993 كاملة اوتوماتيك العربية دي مفيش بعدها باتفاق الجميع
لكن انا بستمتع جدا لما بشوف البيرسونا بالوانها
العربية ما شاء الله جميلة شكلا و موضوعا انا لسه كنت راكب امبارح نيو اكسنت 2010 اوتوماتيك
عربية سيئة جدا جدا
توكل على الله و ما تترددش انك تشتريها و استخير ربنا طبعا قبل اي شئ