اخوانى محتاج مساعدة فى اختيار العربية

**mido_soliman** · 23-04-2010 08:38 PM

طبعا دى اول مشاركة هنا بس انا متابع جيد وتقريبا قريت كل المواضيع بالنسبة لل جين 2 لانى بفكر فيها حاليا لو سمحتوا عايز اجابة على الاسئلة الى محيرانى ولفيت على القسم وبردوا فى حجات عايز تاكيد من ملاك السيارة نفسهم (علشان محدش يقولى خد لفة فى القسم دى اول مشاركة ليا مش عايزين تهريج
بسم الله نبدأ
1- العفشة جوة البلد ناشفة اوى طب ناشفة زى اية مثلا ؟بتدب جامد وبتسمع جوة ؟
2-خامات التقفيل اقل من خامات تقفيل الFRV ؟؟؟
3-هل عزل العربية من بعد ال 100 بيكون مشكلة فى كل العربيات ولا بعضها انا بتكلم على الموديل الجديد 2010 طبعا
4-ودى مهمة اوى انا كنت بفكر فى المانوال بس سمعت عن عضات فية الكلام دة اية ظروفة باة لانى فكرت فى المانوال لان فى ناس عابوا فى الاوتو عايز الراى الفاصل
5-صوت الموتور مزعج ؟ يعنى مش ححس انى شارى عربية جديدة ؟
6-اصوات التزييق دى كلها مش لو محطتش فى دماغى (دة ان حصلت لا قدر الله) وشغلت الكاسيت على صوت معقول مشحتقرفنى ؟ ولا اية ؟
7-اهم حاجة والغريب انى ملقتش مواضيع عنة خالص تقريبا التكيـــــــف اخبارة اية وفى جودة اية وفى الحر النار دة بيبقى عامل اية لان التكييف بالنسبالى مش عايزة يبقى علية كلام بالنسبة للعربية الل انا بفكر اشتريها
انا كنت بفكر فى الرينو السيمبول وبعدين كلامكوا الحلو خلانى اروح للجين ساعدونى معلش انا حطول عليكوا بس العربية مبتتجابش كل يوم وبالنسبالى بردة مش حتتغير كل يوم ولا كل 5 سنين انا من النوع الى مبيبعش :(

**eng.m7md.ali** · 23-04-2010 08:52 PM

بسم الله الرحمن الرحيم
بص ياسيدي انا مش معاية جين2 بس معاية واجا 2009 وهجوبك على كل حاجة لان كل اللي في الجين هو اللي في الواجا :

1- العفشة فعلا نشفة لانها سبور وبتوفر ثبات جامد للعربية بس هتلقيها مش مريحة زي نيو النترا مثلا
2-انا شايف ان البروتون خاماتها انضف
3-العزل مش حلو اوي ومش وحيش اوي
4-انا معاية الاوتوماتيك وزي الفل الحمد لله وانا هاري العربية شد وحرق وكيك داون ومفيش مشاكل الحمد لله وبالنسبة للمانوال هو فيه عضة بس بعض الملاك الافاضل لقولها حل
5-الصوت فعلا عالي بس ظريف
6-انا عني اصوات كتير بس لمة بشغل الكاسيت مبسمعش حاجة
7-التكييف مووووووز مووووز وجامد جدا وقوي وكل حاجة ده انا حتى بشغلو على اول درجة علشان السقعةوفي عز الحر

ارجو اكون افدتك على قد ماقديرت وربنا يوفاك و1000 مبروك مقدما وانتظر باقي الاراء

**mido_soliman** · 23-04-2010 09:07 PM

المشاركة الأصلية كتبت بواسطة felix

بسم الله الرحمن الرحيم
بص ياسيدي انا مش معاية جين2 بس معاية واجا 2009 وهجوبك على كل حاجة لان كل اللي في الجين هو اللي في الواجا :

1- العفشة فعلا نشفة لانها سبور وبتوفر ثبات جامد للعربية بس هتلقيها مش مريحة زي نيو النترا مثلا
2-انا شايف ان البروتون خاماتها انضف
3-العزل مش حلو اوي ومش وحيش اوي
4-انا معاية الاوتوماتيك وزي الفل الحمد لله وانا هاري العربية شد وحرق وكيك داون ومفيش مشاكل الحمد لله وبالنسبة للمانوال هو فيه عضة بس بعض الملاك الافاضل لقولها حل
5-الصوت فعلا عالي بس ظريف
6-انا عني اصوات كتير بس لمة بشغل الكاسيت مبسمعش حاجة
7-التكييف مووووووز مووووز وجامد جدا وقوي وكل حاجة ده انا حتى بشغلو على اول درجة علشان السقعةوفي عز الحر

ارجو اكون افدتك على قد ماقديرت وربنا يوفاك و1000 مبروك مقدما وانتظر باقي الاراء

متشكر جدا جدا مكنتش متخيل ان فى حد حيرد بالسرعة دى ومستنين باقى الاراء من اصدقاءى واخوانى فى القريب العاجل ان شاء الله

**M.almaghraby** · 23-04-2010 09:16 PM

1. اه ناشفة بس رياضية علي حق

2. نفس المستوي تقريبا

3. العزل جيد ...

4. لا لا كلمة مزعج دي لو انتا شاري 128 !!!

5. انا شايف الاتنين كويسين بس المانيوال احلي " بس مش مريح اوي يعني "

6. لا مفيش تزييق بالدرجة دي ولو ظهر عندك حاجة تتصلح

7 . التكييف جيد جدا جدا

**A. Ibrahim** · 23-04-2010 09:40 PM

اهلا بيك معانا و هحاول انقل لحضرتك خبرتي لاني كنت في نفس الموقف من سنه تقريبا.

المشاركة الأصلية كتبت بواسطة mido_soliman

طبعا دى اول مشاركة هنا بس انا متابع جيد وتقريبا قريت كل المواضيع بالنسبة لل جين 2 لانى بفكر فيها حاليا لو سمحتوا عايز اجابة على الاسئلة الى محيرانى ولفيت على القسم وبردوا فى حجات عايز تاكيد من ملاك السيارة نفسهم (علشان محدش يقولى خد لفة فى القسم دى اول مشاركة ليا مش عايزين تهريج

بسم الله نبدأ
1- العفشة جوة البلد ناشفة اوى طب ناشفة زى اية مثلا ؟بتدب جامد وبتسمع جوة ؟

العفشه مش بنعميت الياباني و لكن قريبه جدا من الالماني و خصوصا الاوكتافيا لاني جربتها

2-خامات التقفيل اقل من خامات تقفيل الFRV ؟؟؟

الخامات احسن بكتير من فرش و ابواب و تبلوه و ده عن تجربه و سهل انك تروح تتفرج و تقارن و تتطمن بنفسك

3-هل عزل العربية من بعد ال 100 بيكون مشكلة فى كل العربيات ولا بعضها انا بتكلم على الموديل الجديد 2010 طبعا

العزل لحد 200 هايل و عن تجربه اكتر من مره

4-ودى مهمة اوى انا كنت بفكر فى المانوال بس سمعت عن عضات فية الكلام دة اية ظروفة باة لانى فكرت فى المانوال لان فى ناس عابوا فى الاوتو عايز الراى الفاصل

المنول تحفه خصوصا مف الشد و الجري لان الموتور مصمم لل RPM العاليه الفتيس في الاول فيه مش عضه ولكن لانه جديد ممكن تحس بيها ولكن بعد 1000 ناعم و النقلات قريبه

الاوتو حلو و خصوصا للزحمه

5-صوت الموتور مزعج ؟ يعنى مش ححس انى شارى عربية جديدة ؟

الموتور مش مزعج هو صوتوع رياضي شويه بس مش ازعاج بس العربيه مغريه جدا في الشد و عشان كده ديما الواحد بيدوس

6-اصوات التزييق دى كلها مش لو محطتش فى دماغى (دة ان حصلت لا قدر الله) وشغلت الكاسيت على صوت معقول مشحتقرفنى ؟ ولا اية ؟ التزيق من دهر الكنبه و مش عند كل الناس و حلها سهل اما الكاست صوتوه تحفه

7-اهم حاجة والغريب انى ملقتش مواضيع عنة خالص تقريبا التكيـــــــف اخبارة اية وفى جودة اية وفى الحر النار دة بيبقى عامل اية لان التكييف بالنسبالى مش عايزة يبقى علية كلام بالنسبة للعربية الل انا بفكر اشتريها

التكيف كويس و هايل في الحر و عن تجربه

انا كنت بفكر فى الرينو السيمبول وبعدين كلامكوا الحلو خلانى اروح للجين ساعدونى معلش انا حطول عليكوا بس العربية مبتتجابش كل يوم وبالنسبالى بردة مش حتتغير كل يوم ولا كل 5 سنين انا من النوع الى مبيبعش :(

وجهت نظري ان الجين 2 احسن في
الموتور
الثبات
الامكانبات
الشكل (و ديه تختلف من واحد للتاني)
و الاهم الامان ABS EBD 2 Air bag
و تولفر قطع الغيار
اعادت البيع
اما الاعتمادي عمر ما العربيه وقفت

اما الرينو تتميز بالجودة الخامات و التقفيل (و ان كانت الجين فوق المقبوله)
و التوكيل احسن طبعا

بس بسراحه اهم ما يميز البروتون عمتا الناس الحلوه بتعتها

**khpopo** · 23-04-2010 10:21 PM

المشاركة الأصلية كتبت بواسطة A. Ibrahim

اهلا بيك معانا و هحاول انقل لحضرتك خبرتي لاني كنت في نفس الموقف من سنه تقريبا.

وجهت نظري ان الجين 2 احسن في
الموتور
الثبات
الامكانبات
الشكل (و ديه تختلف من واحد للتاني)
و الاهم الامان ABS EBD 2 Air bag
و تولفر قطع الغيار
اعادت البيع
اما الاعتمادي عمر ما العربيه وقفت

اما الرينو تتميز بالجودة الخامات و التقفيل (و ان كانت الجين فوق المقبوله)
و التوكيل احسن طبعا

بس بسراحه اهم ما يميز البروتون عمتا الناس الحلوه بتعتها

+111

مش هاتندم استخير ربنا

ربنا يوفق

**mido_soliman** · 23-04-2010 10:29 PM

يا خبرائنا مليون شكر وبيزداد تشجيعى وحبى لعربية دى وعايز اعرف حاجة كمان معلش التسارع اللى فى الموتور وعيوب بطىء التسارع على ار بى ام قليل اتعالجت ولا لاء

**Abo.Mayyam** · 23-04-2010 11:06 PM

المشاركة الأصلية كتبت بواسطة mido_soliman

يا خبرائنا مليون شكر وبيزداد تشجيعى وحبى لعربية دى وعايز اعرف حاجة كمان معلش التسارع اللى فى الموتور وعيوب بطىء التسارع على ار بى ام قليل اتعالجت ولا لاء

أنا معايا بيرسونا أوتو 2010

التسارع بسم الله ما شاء الله

والمانيوال يتفوق قليلا عن الأوتو

موضوع التسارع البطئ ده كان فى الجين لغاية 2008 بعد كده تم معالجته بفلتر IAFM

وأخيرا متنساش تستخير رب العالمين وإن شاء الله هيوفقك للخير

**mido_soliman** · 23-04-2010 11:59 PM

المشاركة الأصلية كتبت بواسطة abo.mayyam

أنا معايا بيرسونا أوتو 2010

التسارع بسم الله ما شاء الله

والمانيوال يتفوق قليلا عن الأوتو

موضوع التسارع البطئ ده كان فى الجين لغاية 2008 بعد كده تم معالجته بفلتر iafm :s_thum1[1]:

وأخيرا متنساش تستخير رب العالمين وإن شاء الله هيوفقك للخير

اشكرك شكرا جزيلا واتمنالك التوفيق

**BlackBerry** · 24-04-2010 12:32 AM

المشاركة الأصلية كتبت بواسطة mido_soliman

طبعا دى اول مشاركة هنا بس انا متابع جيد وتقريبا قريت كل المواضيع بالنسبة لل جين 2 لانى بفكر فيها حاليا لو سمحتوا عايز اجابة على الاسئلة الى محيرانى ولفيت على القسم وبردوا فى حجات عايز تاكيد من ملاك السيارة نفسهم (علشان محدش يقولى خد لفة فى القسم دى اول مشاركة ليا مش عايزين تهريج :e_braces[1]:
بسم الله نبدأ
1- العفشة جوة البلد ناشفة اوى طب ناشفة زى اية مثلا ؟بتدب جامد وبتسمع جوة ؟
2-خامات التقفيل اقل من خامات تقفيل الfrv ؟؟؟
3-هل عزل العربية من بعد ال 100 بيكون مشكلة فى كل العربيات ولا بعضها انا بتكلم على الموديل الجديد 2010 طبعا
4-ودى مهمة اوى انا كنت بفكر فى المانوال بس سمعت عن عضات فية الكلام دة اية ظروفة باة لانى فكرت فى المانوال لان فى ناس عابوا فى الاوتو عايز الراى الفاصل
5-صوت الموتور مزعج ؟ يعنى مش ححس انى شارى عربية جديدة ؟
6-اصوات التزييق دى كلها مش لو محطتش فى دماغى (دة ان حصلت لا قدر الله) وشغلت الكاسيت على صوت معقول مشحتقرفنى ؟ ولا اية ؟
7-اهم حاجة والغريب انى ملقتش مواضيع عنة خالص تقريبا التكيـــــــف اخبارة اية وفى جودة اية وفى الحر النار دة بيبقى عامل اية لان التكييف بالنسبالى مش عايزة يبقى علية كلام بالنسبة للعربية الل انا بفكر اشتريها
انا كنت بفكر فى الرينو السيمبول وبعدين كلامكوا الحلو خلانى اروح للجين ساعدونى معلش انا حطول عليكوا بس العربية مبتتجابش كل يوم وبالنسبالى بردة مش حتتغير كل يوم ولا كل 5 سنين انا من النوع الى مبيبعش :(

السلام عليكم

اهلا بك يا صديقي ومبروك مقدما ان شاء الله.

انا لسه مستلم من اسبوع جين 2 , 2010

1- ناشفه , بس السياره ثباتها جيد ماشاء الله, والاصوات مش بتسمع عندي على الاقل حتى الان والحمدلله وفي الطرق المكسره امشي بالراحه وتجنب الحفر انا اكلت حفره من كم يوم شعرت بها وانا اسوق لكن لم اسمع صوت بداخل السياره للامانه ولم تفقدني التحكم او التوازن.

2- التقفيل جيد, حاسس التقفيل الداخلي كانها لعبه بصراحه وخصوصا الكاسيت والداش بورد, بالاضافه ان سمعت من صديق انها بعد فترة الازرار بتقشر ياريت لو حد عنده تاكيد او نفي لهذا الامر يفيدنا به

3- انا مشيت على 120 حتى الان بشكل اقصى لانني مازلت في فترة التليين, العزل ممتاز عندي الحمدلله

4- من قال لا اعلم فقد افتى, لم اجرب المانول, لدي اوتوماتيك لان وبصراحه من وقت نزولي مصر كرهت المانوال بسبب شوارع المحروسه ونصيحتي ريح نفسك وهات اوتو تنفع في الزحمه هنا والوقوف المتكرر في كل شارع ومريحه اكتر.

5- ليس مزعج بالنسبه لي اطلاقا كما انني لا اشعر بانه مرتفع

6- والله يا صديقي اصوات التزييق والتخبيط سمعت عنها كتير هنا في المنتدى ولكنني ولله الحمدله لم اقابل او اصادف ايا منها حتى الان ولو لا قدر الله حصلت اكيد مش هاكون مبسوط ولابد لكل داء من دواء

7- بالنسبه للمكيف فهو ممتاز والحمدلله, وتاكد عند فحص السياره بتجربته وانه مشحون

بالنهايه, مبروك مقدما وافحصها جيدا وتأنى ولا تتسرع وقت الاستلام.

مع التحيه,

الموضوع: اخوانى محتاج مساعدة فى اختيار العربية

LinkBack

أدوات الموضوع

عرض

-

-

-

-

-

المواضيع المتشابهه

محتاج مساعدة فى اختيار جى ام

محتاج مساعدة في اختيار سوند سيستم !!!!

محتاج مساعدة في اختيار سوند سيستم !!!!

يا اخوانى محتاج مساعدة فى قطعة غيار اصلية

الكلمات الدلالية لهذا الموضوع

المفضلات

المفضلات

ضوابط المشاركة