الي ملاك بروتون , ايه الموقف المناسب تجاه التوكيل ,, هام جدا جدا

السلام عليكم ورحمة الله وبركاته

مساء الخير يا جماعة


الموضوع انا عامله عشان ناخد موقف و نشوف .... هل حقنا متاخد ولا ايه؟؟


الي حصل ان في معلومات شبه موكدة من اكتر من واحد ..... علي ان الضمان عالطنابير ينتهي عند 30 الف كيلو !!! * * * :I_angr1[1]:

معقولة؟؟ هوا مش المفروض ان العربية ليها ضمان شامل 60 الف ولا ايه؟؟

ولا عشان التيل التعبان الي بيركبوه؟؟؟ ولا ايه السبب؟؟

للعلم هذه تاني سابقة للتوكيل الكريم مع موضوع الضمان.... اول سابقة كانت اقناع الناس ان الضمان علي الموتور والفتيس 5 سنين او 100 الف كيلو

ومع السؤال..... تبخر الضمان و قالوا مفيش الكلام دا!!!!!!!:O_stupid[1]:




ايه العمل؟؟؟ ولو انا غلطان ... ياريت..... حد يصححلي:8954[1]:

ياريت أيمن باشا يتكرم ويشوفلنا الخبر اليقين من التوكيل

عشان لو كده بجد يبقى عيب كبير قوى.... :khd:

رأيي مبدئيا أيمن يحاول يتكلم مع التوكيل ويتأكد من المعلومتين ويوضح أعتراض الناس عليهم منفعش يبقى نجمع نفسنا ونعمل مقابلة كبيرة يكون فيها المهندس أمر ونفهمه إن النظام دا مش هينفع أو نجمع نفسنا ونروح التوكيل
منفعش يبقى شكوى جماعية لحماية المستهلك

الموضوع الاول بتاع المتور فهو اكيد 100% الضمان 60 الف كليو بس او 3 سنين على المتور مش 100 الف او 5 سنين زى ما مكتوب فى الكتلوج واتكلمنا الف مرة فى الموضوع دة وبصراحة مفيش حد اجابى اخد خطوة ويبقا الوضع كما هو علية
النقظة التانية بتاعت الطنابير لازم على اقل اتصال هاتفى للمهندس امر للتوضيح الامر بخصوص الطنابير
يعنى نتاكد الاول وبعد كدا نشوف هنقدر نجيب حقنا ازى

متابع باهتمام...العربيه مش كملت اسبوع ولسه مش رخصت لو كدا هاروح ارجعها لو كل شويه حاجه ها تتاكل من الضمان يبقى ملهاش لازمه بقى ومعاكم يا شباب في اي حاجه

ياريت ايمن يكلم الناس هناك و يتكلم معاهم فالموضوع دا.......

ياريت نحاول نحافظ علي حقنا فالضمان الي احنا دافعين عشانه جزء من تمن العربية...... بالطرق الودية

اي اقتراحات تانية؟

بص انا مبحبش اخد موقف هجومي على طول بس لو الموضوع ده صحيح يبقى لامفر وهما اللي حيجبوا لنفسهم ...

في انتظار تأكيد ايمن على الموضوع ده ولو مكنش كده
يبقى الحل هنا..

http://www.nilemotors.net/Nile/69441-a.html

متابع ومشارك بأى مجهود مطلوب ان شاء الله

انا مع اننا نتفق على يوم ننزل فيه التوكيل نقابل احد المسؤولين الكبار نتكلم فى المشكلتين دول فعلا ونوجدلهم حل نهائى
واذا ماكنش يبئا على حماية المستهلك وده حقنا طبعا

يا جماعه انا شايف بردو ان فو كمان مشكلتين اساسيتين جدا
هما استهلاك الوقود العالى فى بعض العربيات ومشكلة علبة الدريكسيون او السكترا بردو فى بعض العربيات
لاحظو معايا التفاوت الغريب فى الاستهلاك بين عربيات بروتون فى الموضوعين دول
1- http://www.nilemotors.net/Nile/121028-2.html
2- http://www.nilemotors.net/Nile/20056-2.html

وبردو الموضوع ده عن الاسكترا
http://www.nilemotors.net/Nile/79486-a.html

اعتقد الحاجات دى مهمه جدا
لان دى مشاكل فى العفشه سواء التيل والطنابير او السكاترا وعلبة الدريكسيوم وبدو الاستهلاك وضمان ال 10000 او ال 5 سنين

الحاجات دى لازم بجد مايتسكتش عليها ونتكلم فيها مع المسئولين

وااسف انى دخلت حاجات تانيه فى الموضوع لكن انا شايفها مش اقل اهميه خالص عن الضمان ولازم نشوفلها حل بردو

مومو

بعد اذنك بس

لما نلاقي حل الاول لموضوع الضمان نبقي نشوف المشاكل دي واحدة واحدة

لان دي مشاكل معروفة من زمان و التوكيل بيحل معظمها واالي يقدر عليه........

لكن الضمان دا موضوع مبدا !!

اقتباس:

---

المشاركة الأصلية كتبت بواسطة dr.almaghraby

مومو

بعد اذنك بس

لما نلاقي حل الاول لموضوع الضمان نبقي نشوف المشاكل دي واحدة واحدة

لان دي مشاكل معروفة من زمان و التوكيل بيحل معظمها واالي يقدر عليه........

لكن الضمان دا موضوع مبدا !!

---

اوك يا دوكتور
خلاص انسو الاستهلاك والاسكترا
فعلا خلينا الاول فى الضمان الاهم

ده اهم من العربيه الضمان و بعدين جاي علي حاجه فيها عيوب صناعه و يلغي الضمان عليها

اسمحولى ارد فى القسم الى بحبه و متابعه من زمان اوى :
ضمان اى عربيه مش شرط بروتون او اى موديل تانى بيكون على المحرك و الفتيس اقصى مده زمنيه او كيلو متر
مثال : الرينو ضمانها 3 سنوات او 100 الف على المحرك و الفتيس اما باقى اجزاء السياره فتتفاوت المده الزمنيه او الكيلو متر حسب نوع القطعه
يعنى المساعدين ضمانهم 20000 الف فقط
كذلك تيل الفرامل و الطنابير و قواعد الموتور
و تقبلو تحياتى

اقتباس:

---

يعنى المساعدين ضمانهم 20000 الف فقط
كذلك تيل الفرامل و الطنابير و قواعد الموتور

---

متشكرين يا باشا و منور القسم والله

حضرتك متاكد من الموضوع دا؟؟

وهل هوا مكتوب فعقد العربية او موجود بشكل رسمي

لان احنا عندنا المفروض 60 الف للعربية كلها

و منورنا

لا يا جماعة ضمان العربية شامل و ليس مجزأ و إلا يبقى كده غش تجارى يعنى أشترى عربية مثلاً و يقولوا ضمانها 100000 كم أو 3 سنوات و بعد ما أشترى أروح بمشكلة فى الطنابير بعد 25000 كم مثلاً يقولوا لا ده ضمانه عدى إزاى و بالمبدأ يبقى توضح صراحة مدد الضمان على كل مكونات السيارة يعنى مثلاً كلنا لما بنشترى أى عربية بنلاقى ضمان سنة للبطارية و زيه للكاسيت يبقى نكمل باقى مكونات السيارة بصراحة بدون مفاجأت

The warranty conditions of every manufacturer are provided with each new car and if you read through, you will know what is covered and what is not. Additionally, for some items like the battery or tyres, there may also be separate warranties and ........s will also be provided.

Basically, factory warranties will not cover wear and tear items, ie those items which will wear out under normal usage like brake pads, fan belts, bulbs, spark plugs etc.

اقتباس:

---

المشاركة الأصلية كتبت بواسطة dr.almaghraby

متشكرين يا باشا و منور القسم والله

حضرتك متاكد من الموضوع دا؟؟

وهل هوا مكتوب فعقد العربية او موجود بشكل رسمي

لان احنا عندنا المفروض 60 الف للعربية كلها

و منورنا

---

القسم منور بأصحابه
بصراحه ده الى موجود فى الرينو
و الهونداى ليا اصحاب معاهم نفس القصه

اقتباس:

---

المشاركة الأصلية كتبت بواسطة mohamed1979

اسمحولى ارد فى القسم الى بحبه و متابعه من زمان اوى :
ضمان اى عربيه مش شرط بروتون او اى موديل تانى بيكون على المحرك و الفتيس اقصى مده زمنيه او كيلو متر
مثال : الرينو ضمانها 3 سنوات او 100 الف على المحرك و الفتيس اما باقى اجزاء السياره فتتفاوت المده الزمنيه او الكيلو متر حسب نوع القطعه
يعنى المساعدين ضمانهم 20000 الف فقط
كذلك تيل الفرامل و الطنابير و قواعد الموتور
و تقبلو تحياتى

---

يا ريت المساعدين ضمانهم 20 ألف كم ...

انا شفت مشكلة عضو مع الرينو لوجان (هنا في المنتدى) و اكتشف ان المساعد لازم يتغير و طلع الضمان على المساعد 3 اشهر فقط !!

ايوا 3 اشهر

و الموضوع :
http://www.nilemotors.net/Nile/138081-5000.html

طيب دلوقتي عايزين نحدد ميعاد و نروح نحاول نحل الموضوع دا

طيب اعمل موضوع استفتاء لمعاد
وحدد 3 ايام مثلا منهم سبت وخميس عشان الناس تبئا فاضيه (وطبعا الجمعه اجازه فى عز العرب)

شوف مثلا اعمل الخميس الجاى او السبت او الخميس اللى بعده وشوف اراء الناس
وان شاء الله نتجمع ونروح فى اقرب وقت

:thumbsup::S_thum1[1]:

يكون زي ما يكون...
لكن عدم ذكر ذلك ((صراحةً)) قبل الشراء غـــش تجــــاري ونصب !!!

:dontudear: :dontudear:


---------------------
ممنوع الكتابه باللون الاحمر حيث انه مخصص للمداخلات الاداريه فقط, تم تغيير اللون
برجاء قراءه قواعد المنتدى

مشرف القسم , ب8
1:06am - 26/4/2010

انا معاكوا يا جماعه
لو فى حاجه بره الضمان او مده الضمان بتعها مختلف لازم التوكيل يوضح ده للعميل و هو بيتعاقد على العربيه
مش بمزاجه هو
لما يلافى انه هيلاقى مشاكل من اى قطعه فى العربيه يصحا من النوم و يشيلها من الضمان
انا معتقدش ان فى اى حاجه زى دى مذكوره فى الاوراق بتاعه العربيه و لا اتقالتلى و انا بستلم

متابع بكل اسف و حسره
و كان نفسي الجين تكون معايا علشان اجي معاكم و اساهم وياكم
و عايز اقترح اقتراح لعل و عسي
بغض النظر عن الضمان و عز العرب
لأن مش حاسه مهتم بالعربيات البروتون
و خساره فيه التوكيل ده
هل ممكن تغيرو الطنابير بطنابير عربيه تانيه؟
و بكده تقدرو تركبو التيل اللي بيركب للعربيه التانيه دي و بكده تتحررو من قبضه اونكل عز
و في حل تاني حربي للضغط او تهديد اونكل عز
بس هيكون نفس فكره شمشون
و انا مش هاقترحه الا لو لقيت الكلام مش جايب معاه نتيجه
الله يعينكم

ها يا رجالة أيه أخر الأخبار

اخر الاخبار ان المفروض نتجمع في يوم معين ووقت معين و نروح التوكيل و نشوف حل نهائي للموضوع دا.....


تمام كدا؟

اقترحوا يوم محدد يا جماعه بلاش الكلام من غير فعل

يص الطنابير من الحاجات اللي لازم الضمان يغطيها لو فيها عيوب صناعه مدة الضمان و طبعا مع الاخذ في الاعتبار التيل و الصيانات و الاستخدام
و لكن لو فيه حاجه من دول اتلاعب فيها الضمان مش هيغطي
و ممكن ترجع لل م/ امر

اما لو يأست خالص عندك حماية المستهلك و انا شاء الله خير

ها سخننا وهدينا كالعاده ولا ايه؟؟؟؟؟؟؟؟؟؟؟

-----------------------------

لقد خالفت القاعده 13 , ولزم توجيه انذار لك غير مصاحب بوقف
برجاء قراءة قواعد المنتدى

مشرف القسم , ب8
29/4/2010 - 7:16am

بجد المعامله في كل مكان يخص عز العرب زفت
بكلم واحد في الصيانه الساعه8 يرد بكل رخامه انته بتتصل دلوقتي ليه
اتصل بفرع البيع يقولي كلمني كمان ساعه وبرضه بكل رخامه
موش عارف ممكن نعمل ايه

اقتباس:

---

كلم واحد في الصيانه الساعه8 يرد بكل رخامه انته بتتصل دلوقتي ليه

---

هههههههههههههههههههههههه ههههههههههههههههههههههههه ههههههههه

جامدة اوي دي ههههههههههههههههههه

والله انا لو مكانك كنت قليت ادبي عليه

انا حجزت Saga AT من توكيل عز العرب فرع العجوزة والي الان لم استلم

ورحت هناك امبارح 20-5-2010 عشان استلم قالي زادت الف جنيه والاستلام يوم الثلاثاء 25-5-2010

مع العلم اني حاجز يوم 29-3-2010 يعني قبل الزيادة

وكان سعر الاتوماتيك منها 68900 جنيه

وطبعا ده استعباط منهم عشان اللي حجز علي السعر القديم لا يطبق عليه الزيادة التي قدرها 1000 جنيه ابتداء من يوم 13-4-2010

ياتري نرجع لمين في الشكوي ديه

اضافة الي عدم وجود تخفيض لعملاء نايل موتورز زي ما المنتدي بيقول

شكرا للمساعدة

أنا أتكلمت في موضوع الضمان ده من زمان, وقولت جااااااااااااي يا جماعة إحنا إتنصب علينا في موضوع ضمان الخمس سنين أو 100 ألف علي الموتور و الفتيس, وقولت لازم ناخد موقف, وكان رد الأخوة الأفاضل (لما نعدي ال60 ألف ونبقي نشوف.....!!!!!),
وأنا احد دلوقتي محتفظ بالبروشور كمستند عشان أنا مش ناوي أسيب حقي, واللي مش ناوي زي حالاتي يقولي ونقوم نعمل حاجة, أما السلبية اللي إحنا كلنا فيها دي والله هي جيبانا ورا...... أنا والله قرفت.

انا معاك فى اى حاجه

شوف انت مقرر تعمل ايه و نتقابل وننفذ انا وانت ان شاء الله

انا فاضى سبت وثلاثاء وخميس