معلش ياجماعه نسيت اقول حاجه بالإضافه لكل اللي قولته عن تجربتي
انا عملت الموضوع ده والعربيه كانت بارده تماماً , واظن ان ده الافضل من لما تكون سخنه
عرض للطباعة
معلش ياجماعه نسيت اقول حاجه بالإضافه لكل اللي قولته عن تجربتي
انا عملت الموضوع ده والعربيه كانت بارده تماماً , واظن ان ده الافضل من لما تكون سخنه
شوية الجاز اللى بيبقوا فى الأول .. بيبقوا مهمين جدآ لانهم بيملوا على ذوبان بقايا الشحوم والزيت اللى بيبقول على الفتيس و غطاء التكيهات والكلام دا كلو... اناعملتها قبل كدة والحمد لله كله تمام.. ممكن تقروا تجربتى والرابط فى التوقيع
طيب وأيه رأيك يا أ/محمد الشامى..؟؟
والله تجربه مفيده جدا ومطمئنه للقلوب ولو لاحظت هتلاقيني عندك في تالت مشاركه بقولك ( ربنا يطمن قلبك ) :S_thum1[1]:
بس انا عايزك بقه المره الجايه تحاول تعملها بإيدك وبنفسك وانا متأكد انك هتطلع نتيجه احسن من البنزينه :E_braces[1]:
لانك هتعملها براحتك واحسن من الراجل بتاع البنزينه بمراحل , لانها عربيتك وهتعملها بمزاج , لكن بتاع البنزينه هتلاقيه عايز يخلص من العربيه عشان يشوف غيرك :E_braces[1]:
بصراحه انا استمتعت وانا بغسل حوض المكنه بنفسي :E_braces[1]: وبجد العربيه فاقت بعدها , متفهمش ازاي
انا شايف ان الفوم دة اختراع دلع على الاخر ولا يصلح الا لتنظيف مكنة نظيفة اصلا... من غير جاز عمر ما الشحوم و الزيوت حتذوب و لو على النضافة الصح انت عايز كارتونة مليناة علب فوم من دة مش علبة واحدة
MMamdouh
ربنا يعينك يا باشا على الحياه والمشوار الطويل ده
انا كمان والله زي حالاتك كده , بس انا احيانا بيصادف اني يوم الاجازه بكون موجود في 6 اكتوبر , وانت عارف ان الجو هناك هادي ويشجع الواحد على اي حاجه تخص صيانه العربيه , وعشان كده لما بكون هناك بستغلها فرصه عشان اعتني بالعربيه شويه
ربنا يعينك ويعيننا جميعاً
طيب المفروض كل اد اى تغسيل الماتور او الحوض كلو
والمناطق اللى بيجى منها الاضرار فى الحوض زاى اى ؟
وتتغسل عادى بمية وصابون ولا مية بجاز ولا اى النظام؟
والفيديو جميل ياباشا وياريت يبقى عربيتنا تبقى كدة بالنظافة دى
حسب الإستخدام , يعني لو استخدامك يومي للعربيه فممكن تغسل الحوض كل 6 شهور مثلا , لانه كتر الغسيل مش حلو , وعندنا مقوله بتقول "الشئ لو زاد عن حده انقلب لضده"
الدينامو , البوبينه , الحساسات , واي شئ اخر تشك ان ممكن يؤدي لضرر
انت المفروض تقسم عمليه التنضيف على مراحل
المرحله الاولى : ترش الجاز ببخاخه على الاماكن اللي فيها تراكم للشحوم والزيوت والأوساخ
مثال (علبه زيت الباور - عقربه الفتيس - زيت الفرامل )
المرحله التانيه : غسيل بالميا والصابون السائل (بريل هو الأفضل) وممكن تكرر عمليه الغسل كذا مره
المرحله التالته : الغسل بميا عاديه خالص كذا مره للتخلص من رواسب الجاز والصابون , مع تكرار العمليه
المرحله الرابعه : نفخ حوض المكنه بـ بلاور منزلي او كمبريسور إن وجد
المرحله الخامسه : على اد ما تقدر تنشف الأماكن العلويه من الحوض والمكنه من والمناطق القريبه ليك , لغايه لما تحس ان مفيش تراكم للميا موجود في اي مكان سواء على المكنه نفسها او الحوض
لو نفذت الخمس خطوات دي بصبر وبتأني , هتاخد نتيجه 100% واحسن من البنزين ومراكز العنايه بالسيارات كمان
بالتوفيق ان شاء الله