الموضوع: الصيانة الدورية بعد الوصول لثانى مئوية

الحمد لله اليوم كنت رايح اغير الزيت واشيك على النوبيرا وتم الاتى
1-تغيير زيت بالزيت المعتاد زيت مصر 10000 ودة المفروض يقعد 10000 انا بنزلة كل 3000 او 4000 بالكتير+تغيير الفلتر سعر الزيت ب 80 والفلتر 12
2-تغيير فلتر التكييف حيث انة لم يتم تغييرة من اكثر من سنتين سعرة 45 جنية
3-كان زيت الفرامل ناقص فكشفنا على التيل لقينا التيل تمام فبع البحث والتفحيص والتمحيص وجد ان هناك تسرييب فى زيت الفرامل من طقم الاصلاح بتاع الفرامل وتم تركييب طقم اصلاح فرامل جديد ب 15 جنية وبالمرة غيرت زيت فرامل موبيل دوت 4 ب23 للاتنين علبة سعر العلبة 11.5
4-تم عمل رجلاش للفرامل الخلفة وحل الطمبورتين الخلفيتين وتم مسحهم فالمخرطة لوجود شفة ناحية الخارج حتى يتم اخذ رجلاش الفرامل بسهولة ودى اتكلفت 8 جنية
5-نظافة الفلاتر بنزيين وهواء وغسل الموتور بالنزين (لعم وجود جاز)ثم بالربسوو البريل ثم بالمياة عند الميكانيكى بردة
6-الكشف على السيارة بالكمبيوتر لكى يطمان قلبى
7- جبت كام افيز بدل كوليهات دورة المياة يعنى ركبو جمب الكوليهات الاصلية للتاكيد على ان دورة المياة سليمة ولتجنب اى تسريب(بزود مياة كل اسبوعين يجى نص لتر مياة)
8- الكشف على البوجيهات حيث انة وجد احمرار على البوجية الاول وكان عند الميكانيكى شك ان العربية عاوزة طقم شمبر ولمى سالنى على سحب السيارة قلتلة حلو تمام التمام فك باقى البوجيهات وقالى ان ممكن يكون من البنزين وان باقى البوجيهات سليمة
نيجى للكبيرة وهية مصنعية الشغل الى فوق من الساعة 3.3 العصر الى الساعة 9 تفتكرو كام
40 جنية بس ودة علشان الميكانيكى مابينى وبينة صداقة وعلاقة طيبة طبعا بالاضافة لشوية فكة بقشيش للصبيان
بالمناسبة الميكانيكى قالى ان فية زيت التعاون اس جى وشكرلى فية اوى وانة ممكن يقعد 2500 وسعرة 55 جنية تقريبا
هناك استفسار لما طلبت من الميكانيكى انة ينفخ بالهوا مواسير الزيت بتاعت الفرامل الواصلة بكل عجلة الاول وبعد كدة يحط الزيت التانى رفض بشة وقالى ولا حتى على مسوليتى انا قلتلة لية قالى ان ممكن المواسير تتسد او يفضل هواء داخل المواسير يبوظ الفرامل هل الكلام دة صح ولا غلط ولدرجة انة كان عاوز يحط الزيت الى نزل من الماستر تانى ومجبش زيت جديد انا طبعا مكنتش غيرت زيت الفرامل ابدا فرفضت ورحت اشتريت زيت موبيل دوت 4 من النزينة والفرامل الحمدلله بقت تمام عن الاول يعنى تحسن بنسبة كبيرة جدا وملحوظة

الف شكر لكل من ساهم بالرد وعبال الجميع صيانة ال 200000 بدون مشاكل ان شاء الله