حد موافق علي المبدا ده
ياريت ياجماعه اعرف ايه رأيكم
وهل ممكن توافق عليه في يوم من الايام
ام انت من صاحب القياده بتاعت ..... !
:);):confused::mad:
عرض للطباعة
حد موافق علي المبدا ده
ياريت ياجماعه اعرف ايه رأيكم
وهل ممكن توافق عليه في يوم من الايام
ام انت من صاحب القياده بتاعت ..... !
:);):confused::mad:
أوافقك تماما في المبدأ ده.....زمان كنت من النوع البيلاقي أي ممكان فاضي فالطريق أمشي فيه بسرعة و خلاص...سواء يمين شمال أي حاجة المهم امشي بسرعة...بس اكتشفت انها حاجة ملهاش اي لازمة و عكننة و عفرتة علي الفاضي...
و الي زادني اقتناع بكده ان العربيات اللي تعد تمشي بسرعة حواليك و تلاقيهم واخدين الطريق كله غرز و 140-160...بيوصلوا معاك في نفس الوقت...يبقي ايه لازمة حرقة الدم و تعريض حياتاك و حياة الناس لخطر..
لا طبعاًَ أمشى اسرع توصل اسرع ده اكيد طبعا بس خد بالك لتتخبط اسرع
لو بصيت شوية بس اقدام بتاع 200 او 300 متر هتلاقى ان الطريق اكيد واقف ...كلة محصل بعضة ...مفيش فايدة.... مفيش فايدة
معلش بس ده طبعا كلام مش منطقي خالص بالذات في الزحمة
يعني تخيل لو مسلكتش نفسك وانجزت والاشاره اللي بتقف نص ساعه تقف فيها مرتين عشان ملحقتهاش وكله مستعجل وعدي من قدامك
لو طريق مفتوح يبقى الارقام والوقت هما اللي يتكلمو يعني بدل ما اروح اسكندريه مثلا في ساعتين لا تبقى ساعه وربع(يبقى كسبت وقت)
نصيحه اخيره لو مش مستعجل يبقى خليك كوول عشان الجري ده بيشد الاعصاب وبيخلي الواحد متنشن وسمعت ان الاعصاب بتبوظ واعصاب الجسم كله وده بيأثر على حاجات مهمه في الواحد
بس مين يسمع الكلام بقى (بقول لنفسي)
ممكن نخليها امشي بالعقل توصل بسرعة
يعني ممكن الواحد يجري بس مش غرز و غتاتة على الناس و الهبل ده
اوافق على (امشى بالعقل توصل بسرعه)
والله مسحوبه من 3 اسابيع و مش لاقيها
فيه طرق تستحمل 120 يعنى الواحد يجرى برضو بالعقل
بس على العموم انا ماشى بالرخصة التانيه .............. تحيا مصر .... هههههه
ياجماعة الفكرة في السرعة هي المتعة أكتر من التوفير في الوقت
وبعدين طريق زي طريق الغردقة أكيد لو مشيت فيه بسرعة حتوصل بدري
لأ بص هو ممكن نقول امشي براحة توصل إن شاء الله و امشي بسرعة ممكن توصل؛ و ممكن لأ
مثل انجليزى :
"if u want 2 finish first , first u have 2 finish"
سرعة معقولة + التزام + عدم غتاتة و رزالة و قلة أدب على الناس التانية في الطريق
=
وصول آمن + وصول سريع + توفير بنزين + توفير حرقة أعصابك + عمر أطول لقطع غيار المحرك
-------------------------------
أما الناس اللي بتعمل غرز
حسبي الله و نعم الوكيل فيهم
و أدعي عليهم ليل نهار بالعذاب في جهنم
مع الشياطين اللي راكباهم و قلة الأدب اللي هما عايشين فيها
و مرة أخرى
إلى جهنم و بئس المصير إن شاء الله
بسبب الأخطار اللي بيحطوا الناس فيها
الله ينور عليك يا د.احمد ...و خد عندك المخاطر و الصعوبات اللى هاتقبلها فجأة
1-عوائق خفية (مطب-بلاعة ماسورة ضاربة -....) مفيش طرق اصلاً دى خطوط على الارض لونها رمادى مش اسود حتى
2-ناس بتعدى من نص الشارع ولا على بالها و تبصلك بصة (يا متهور ..!!!)
3-واحد راكن طلع فجأة فى نص الشارع (بيظبط نفسة بس !!!)
4-واحد خد يو ترن (ملاكى بس هو حاسس انة ساحب مقطورة )
5-رادار داخل المدينة (هى ناقصة !!!)
6-واحد ماشى بضهرة (عشان زهق من الاول و التانى !!!)
و خد عندك............................... و نبقى نتقابل عند اول لعبكة اشارة جاية .
اظن الكلام دة محتاج مراجعه ,,لان السرعه المقننه لكل طريق هى فعلا المناسبه له
وده مش لانى بدعى المثاليه ،،ولكن الموضوع ده محسوب هندسيا لكل طريق ولكل مكان فى الطريق
يعنى تخيل ان كل الناس ماشيه بسرعة 100 للملاكى و70 للترلا على القاهرة -الاسكندريه الصحراوى
ممكن متلاقيش حوادث خالص إلا للناس اللى بتحب تنام وهيا ماشيه بس، واكيد حادثتهم هتبقى مش كارثه زى اللى بنشوفها.
عموما الطريق الصحراوى هاتترفع سرعته ل 120 بعد سنتين ان شاء الله وعلى مراحل
لسة شايف المقولة دي مكتوبة في يافطة عالدائري و فكرت فيها و لقيت اني مؤيد ليها فعلا
اصل الطريق بيقف في الاخر بيقف .. ملهاش حل .. ببقي بس لحقت الوقوف من الاول !
وتنشنة علي الفاضي و تعرض نفسك و العربية للخطر .. و في الاخر بتوصل بدري 5 دقايق ولا حاجة .. و علي ايه
يعني اوصل متأخر كام دقيقة ولا اعمل حادثة تبوظلي حياتي كلها
غير كدة فيه ناس بتستغبي و هي بتسلك نفسها في الاشارات و بتوقف الطريق كله .. لا مشي ولا مشي غيره
لو كل واحد التزم بحارته و بسرعة مناسبة للطريق و الكثافة المرورية الموجودة اثناء سيره كلنا هنوصل بسرعة
اسرع ببطء
او
تعجل ببطء
مبداء غلط طبعاً ..
امشي براحه توصل سليم ( احتمال الخطاء 10% )
امشي بسرعه توصل بسرعه يا ماتوصلش ..
كده الصح :d :d
والله عندك حق بس تقول لمين مفيش فايده
السلام عليكم ورحمة الله وبركاته،،،
أنا عارف ناس كتير بيجروا بالعربيه عشان عنهم ثقه جامده أوي في سواقتهم وأنا فعلاً مقتنع بمهارتهم الشديده في السواقه لكن دايما أنصحهم وأقول إن في عيوب كتيره مش بتبان في العربيه إلا على السرعات العاليه أوي، ولو لا قدر الله حصل حاجه مش متوقعه هايكون الزمن المتاح لتدارك الموقف قصير جدا وقد يحدث ما لا يحمد عقباه.
ممكن يحصل حاجه في الكاوتش ولا في العفشه تخلي العربيه تخرج عن السيطره تماما.
أكيد كلنا ساعات بنستجيب لرغبة السرعه بس أنا عن نفسي لما أحس إني بدأت أنسى نفسي بافكر في كام حاجه كده، باتخيل لو حصل حاجه لا قدر الله أنا ممكن أكون سبب في تعاسة أسره كامله سواء أسرتي أو أسرة أي حد أنا تسببت في أذاه. وبافكر برضه إني ممكن أضر نفسي جامد.
يا جماعه بلدنا مش بتاعت جري عشان طرقنا مش طرق جري وعربياتنا أي كلام معظمها والعربيه اللي بتجري ما بتقفش :)
وأكيد طبعا جهل معظمنا الشديد بقواعد السواقه بيخلي حوادث كتير تحصل بسبب الجهل أو الغباء في السواقه وسوء التقدير
وفي النهايه طبعا كلنا عارفين إن الواحد لا قدر الله لو جراله حادثه فأكيد الإسعاف هاييجي بعد أما أكون خلصت
بلدنا مش بتاعت جري
ربنا يسترها معانا جميعا وآسف للإطاله
مشكلة السرعة البطيئة الواحد إنه بياخد وقت أطول في الطريق يعني إحتمالات تعمله مع الميكروباصات والنقل كتير يعني زيادة إحتمالات خربشات ، تعويرات، خبطات (العربية مش أنا )... المهم مفيش مرة العربية إتخبطت فيها من الجانب إلا لما ببقى ماشي براحة وبعدي من ميكروباص وهوب مرة وحدة تطأ في دمغه إنه يرح رامي علي وانتوا طبعا عارفين الباقي... بس من الواضح إن أنا إلي ببقى غلطان علشان تجرأت و حاولت اني أعد منه ....
المهم أنا ماشي بمبدأ على حسب الطريق بسوق.... فاضي بمشي بسرعة معقولة... زحمة بالراحة و بالمسايسة ... يعني الواحد ماينفعش يفضل ماشي على طول بطيء و بردو ماينفعش يفضل ماشي على طول بسرعة
و بتجنب الميكروباصات والنقل يا إما ب- accelerate عشان أخلص منه يا إما بسيبه يعدي عشان ميفضالش لازق في العربية
أنا بسوق تقريبا من ٦ شهور بس في المدة دي اتعلمت حاجات كتير قوي ... كفاية الأتوستراد بميكروباصاته بنقله...حاجة تقرف