حاجة غريبة حصلت معايا فى العربية !
السلام عليكم .. الاخوة الفضلاء
عادة لما بكون مش هاخرج بالعربية لمدة كام يوم بحاول أدورها لمدة 5 - 10 دقائق كل يومين أو ثلاثة علشان البطارية متنامش.
أنا بكون راكن العربية فى الجراج وطبعا ببقى سايب باب الجراج مفتوح أثناء العملية دى
لكن فى مرة كنت قافل الجراج من جوة وبعمل شوية شغل فيه وقلت بالمرة أدور العربية
بعد التدوير أربع أو خمس مرات والعربية متشتغلش بابتدى ازود سنة بنزين مع الدوارة لغاية ما العربية دارت.
المهم بعد خمس أو سبع دقايق كنت شامم ريحة بنزين لا تطاق وحسيت انى هتخنق رحت مبطل العربية
لكن الشىء الغريب اللى حصل بعد ما فصلت الكونتاكت حسيت ان العربية بتترجرج وصوتها على عن الأول لما كانت دايرة وفضلت على الوضع ده حوالى 30 ثانية
أنا بصراحة خفت أدورها تانى وقلت استشيركم الأول يمكن تفيدونى ايه باظبط اللى حصل
وشكرا
