الموضوع: الساجا الى اين؟؟؟؟!!!!!!تخفيض75%ع اسعار قطع غيار اللوجان

:b4_237:

المشاركة الأصلية كتبت بواسطة col. Eng. Khaled

يا باشا لا سمح الله و تنقطع إيدي إذا كان ده قصدي :n_no[1]: ، الفكرة مش أكتر من تصحيح معلومة

إحنا الحمد لله كلنا أكتر من أخوة

اهلا بيك تنور ياباشا فى اى وقت
ربنا يوفق

المشاركة الأصلية كتبت بواسطة Galilioz

كويس انك لحقت نفسك انا كنت بجيب ناس عشان تتعامل مع الغرباء :b4_556:

يانهار أبيض

يا باشا العقيد خالد ده أستاذنا ويشرفنا فى أى وقت وبجد من الناس المحترمين فى نايل موتورز

أهلا بيك با سيادة العقيد ونسعج بوجود حضرتك معانا

eng.geo
الشاهين ال 1400 عزمها100 نيوتن عند 2900 لفه
واقصى قدره 78 حصان عند 5500 لفه
الدوجان 1600 عزمها 122 نيوتن عند 2900 لفه
واقصى قدره 87 حصان عند 5500 لفه
يعنى ارقامها مشابهه جدا للوجان (ارقام فقط لانها جر خلفى و تسارعها بطىء)

بالنسبه للى تحت الخط قصدى ان الموتور اداءه مش عالى على عدد اللفات الكبير
يعنى موتور طبيعته مش رياضيه زى الساجا يعنى يديك اداء افضل على الواطى لكن تيجى تحرق ماتلاقيش اداء عالى
بعكس الساجا و مواتير الكامبرو عامة

بالنسبه للمنحنى ممكن حضرتك تورينى منحنى العزم والقدره للوجان
اكيد اقل بكتير عند 6000 لفه فى القدره من الساجا ال 94 حصان وده بيفرق جامد فى القياده الرياضيه

بالنسبه لخروج العزم بدرى دى ميزه وعيب
واضحه جدا فى الفيرنا مثلا اللى الناس كلها ساقوها وعارفينها
تسارع عالى جدا تحت ال 100 وعلى الrpm الواطى وبيقل بعد ال 100

نقطة الاستهلاك انا مش متأكد منها لانى لا املك الساجا
واكيد انت كمان نفس الكلام فى اللوجان

بالنسبه لموتور اللوجان فعلا مافيش عربيه فى العالم 2010 وبالمواصفات الغريبه دى
فى الوقت اللى فيات بتعمل موتور 1400 120 حصان
اللوجان نزلت 1600 و 90 حصان (قمة التخلف الزمنى)
وان كان سعرها ال (40000 جنيه) مكافئ لها فعلا
لكن للاسف بعد النصب بئا 56 الف جنيه و 65 الف جنيه

واقدر اقولك فى النهايه الارقام مش كل حاجه لان لو كده العربيات الصينى تكسب فى كل حاجه
والتجربه خير دليل
وياريت تجرب قيادة الساجا وتشوف عزمها الفعلى وقدرتها
وشكرا على المناقشه

المشاركة الأصلية كتبت بواسطة momopersona

eng.geo
الشاهين ال 1400 عزمها100 نيوتن عند 2900 لفه
واقصى قدره 78 حصان عند 5500 لفه
الدوجان 1600 عزمها 122 نيوتن عند 2900 لفه
واقصى قدره 87 حصان عند 5500 لفه
يعنى ارقامها مشابهه جدا للوجان (ارقام فقط لانها جر خلفى و تسارعها بطىء)
تعليقي بمثال
ايه رأيك في ال golf GTD ؟
معتبره رياضي ولا لأ ؟
علي العموم هو بيخرج 350 نيوتن متر عند 2500 لفة وطبعا معروف مواتير الجولف عاملة أيه بعد ال100 وزي ما شرحت الفكرة وهي ان العزم بعد ال 2500 في الجولف هيبقي تقريبا ثابت يعني لو في عربية تانية بتخرج عزم أقل علي عدد دورات اعلي يبقي الجولف هتظبطها لأنها هتكون مخرجه عزمها علي عدد أقل وعند تساوي عدد الدورات يصبح برده الجولف أعلي والعزم بيترجم لتسارع

بالنسبه للى تحت الخط قصدى ان الموتور اداءه مش عالى على عدد اللفات الكبير
يعنى موتور طبيعته مش رياضيه زى الساجا يعنى يديك اداء افضل على الواطى لكن تيجى تحرق ماتلاقيش اداء عالى
بعكس الساجا و مواتير الكامبرو عامة
المواتير الرياضية مش ده فكرتها
بالنسبه للمنحنى ممكن حضرتك تورينى منحنى العزم والقدره للوجان
اكيد اقل بكتير عند 6000 لفه فى القدره من الساجا ال 94 حصان وده بيفرق جامد فى القياده الرياضيه
لا
أنا معنديش المنحني ولكن بالأرقام ممكن ترسمه
بالنسبه لخروج العزم بدرى دى ميزه وعيب
واضحه جدا فى الفيرنا مثلا اللى الناس كلها ساقوها وعارفينها
تسارع عالى جدا تحت ال 100 وعلى الrpm الواطى وبيقل بعد ال 100
العيب في الفيرنا هو ال Drag coefficient
وهو برده اللي مأثر علي ثباهتها
نقطة الاستهلاك انا مش متأكد منها لانى لا املك الساجا
واكيد انت كمان نفس الكلام فى اللوجان
مش لازم عشان اعرف استهلاك عربية تكون معايا
أمال المنتدي فايدته أيه !!!!!!!
بالنسبه لموتور اللوجان فعلا مافيش عربيه فى العالم 2010 وبالمواصفات الغريبه دى
فى الوقت اللى فيات بتعمل موتور 1400 120 حصان
اللوجان نزلت 1600 و 90 حصان (قمة التخلف الزمنى)
وان كان سعرها ال (40000 جنيه) مكافئ لها فعلا
لكن للاسف بعد النصب بئا 56 الف جنيه و 65 الف جنيه
نقطة الموتور فعلا عندك حق بس هو مش موتور حديث
هو موتور ميجان 1 اللي كان أول أصدار ليها في 1999
ولكن برده تفوق علي موتور حديث
بالنسبة للسعر فهو نصب
واقدر اقولك فى النهايه الارقام مش كل حاجه لان لو كده العربيات الصينى تكسب فى كل حاجه
والتجربه خير دليل
ما ده اللي قلته في أول مشاركة
مش الأرقام
التجربة هي الدليل
ونتائج التجربه هي العمر والتسارع والأستهلاك ( اللوجان كسبت فهم ) لو عايز تتأكد أقري الكلام تاني
وياريت تجرب قيادة الساجا وتشوف عزمها الفعلى وقدرتها
وشكرا على المناقشه
ان شاء الله أجربها وهي عاجباني علي فكرة وعربيات بروتون كلها عجباني
وشكرا ليك جدا علي سعة صدرك

على العموم كل موتور وليه طبيعته
يعنى فى فعلا زى موتور الجولف بيطلع عزم عالى على عدد لفات قليل
وفى موتور زى المواتير المايفيك بتطلع عزم على عدد لفات عالى
وكل واحد وليه اسلوب جريه وطبيعته الخاصه ومميزاته وعيوبه

وانا رأيى ان اهم حاجه اسلوب القياده يكون متوافق مع طبيعة الموتور

يعنى مثلا لما اركب الساجا احاول اخلى نفسى فى rpm بين 4000 و 6000
عشان استفاد بأقوى عزم وقدره
وطبيعى لما هانقل عند 6 هاتنزل ل 4.2 مثلا فكده هابئا مستهلك ال 120 نيوتن وباستغل ال94 حصان (الا لو المنحنى بينزل فى جزء)
وبردو لما اركب اللوجان انقل على 5.5 عشان اكتر من كده مش هاخد قوه زياده وهابئا بردو فى انسب منطقه فيه وهى من 3 ل5.5
وفى الحاله دى مش هاتفرق مراكز تجميع العزم والقدره
انما اللى هايفرق قوة العزم بالنيوتن والقدره بالحصان فقط + باقى العوامل من وزن والات جر و.....

صح الكلام ده يا باشمهندس؟؟؟