الساجا الى اين؟؟؟؟!!!!!!تخفيض75%ع اسعار قطع غيار اللوجان

**mo7hamedemad** · 24-04-2010 01:30 AM

اية الاخبار يا ساجاااااااوية؟
انا انهاردة روحت توكيل رينو مع واحد صاحبى كان مقتنع جدا بالساجا وراح بس التوكيل عشان يشوف العربية ويقنع نفسة اكتر بالساجا وهناك حصلت المفاجئة
دى مش بس مفاجئة دى كانت صدمة بالنسبالى اللوجان نزلت اسعار قطع غيارها 50% وعلى بعض القطع 75%

ولما صاحبى عرف كدة من غير تفكير بص على قطع غيار الساجا لقاها بقت فوق اللوجان بكتيييييييييييييييييييييي ييييير

فشترى اللوجان

دة مثال هيتكرر كتير الفترة القادمة اذا توكيل بروتون منزلش اسعار قطع الغيار ع العربية الى اساسا سعرها اقتصادى
لازم الاسعار دى تنزل ولو منزلتش يبقى البقاء لله على الساجا واللوجان هتاكل الجو

**mido_soliman** · 24-04-2010 01:42 AM

معاك فى كل كلمة ومن اسباب ان اللوجان اسعارها رخصت انها دخلت فى مشروع التاكسى وعلى فكرة على الرغم انى صرفت النظر عنها الا انى معجب جدا بالسياسة التسويقية الجديدة من التوكيل وخصوصا فى العربية دى وبيتهيالى ان دى بداية اتمنى ان توكيل عز يحزو حزوها لان الناس دلوقتى بدات تروح لرينو كماركة محترمة مش عربيات سحرا اسعارها ناااار وانا شايف ان العربية دى وبكل اسف حتقضى على الساجا تماما فى المنافسة والسبب التوكيـــــــــــــــــــ ـــــــــل بتاع عز الدين الحسينى يا بيتنا :(

**M.almaghraby** · 24-04-2010 02:50 AM

ههههههههههههههههههههههههه

حلوة عزالدين الحسيني دي ههههههههههههههههههههههههه ه

**momopersona** · 24-04-2010 03:25 AM

يلا خليه يلبسها بئا هههههههههه
الصراحه الله يكون فى عون اللى اشتروا الساجا
حاجه تنرفز بجد عز ده

**mido_soliman** · 24-04-2010 04:13 AM

المشاركة الأصلية كتبت بواسطة momopersona

يلا خليه يلبسها بئا هههههههههه
الصراحه الله يكون فى عون اللى اشتروا الساجا
حاجه تنرفز بجد عز ده

النهاردة حصلت حاجة استفذتنى انا شخصيا مع انى مش مالكى الساجا كنت اعد بتفرج على اوتو موتو لانى بحب اتابع سوق العربيات وكدة من باب الفضول والاسئلة والاجوبة اللى تحت فى التول بار دى المهم واحد سال عن عيوب ومميزات الساجا وتنصح بالشراء ولا لاء الكونترول رد علية اول حاجة قناة اوتو موتو ترحب بك ولا تنصح بشراءها بدون ابداء اى اسباب قلت فى سيرى ياعم هية ناقاك انت كمان العربية دى اتشركت حتبقى انت واللوجان وعز الدين ايبك

**momopersona** · 24-04-2010 04:20 AM

المشاركة الأصلية كتبت بواسطة mido_soliman

النهاردة حصلت حاجة استفذتنى انا شخصيا مع انى مش مالكى الساجا كنت اعد بتفرج على اوتو موتو لانى بحب اتابع سوق العربيات وكدة من باب الفضول والاسئلة والاجوبة اللى تحت فى التول بار دى المهم واحد سال عن عيوب ومميزات الساجا وتنصح بالشراء ولا لاء الكونترول رد علية اول حاجة قناة اوتو موتو ترحب بك ولا تنصح بشراءها بدون ابداء اى اسباب قلت فى سيرى ياعم هية ناقاك انت كمان العربية دى اتشركت حتبقى انت واللوجان وعز الدين ايبك :i_angr1[1]::i_angr1[1]::i_angr1[1]::i_angr1[1]:

ههههههههههههههههههه
انا الصراحه اللى بيسألنى عليها بردو بقولو ماتشتريهاش خليك فى اللوجان
بالرغم انى عارف انها افضل كعربيه
لكن الصراحه ابعد عن عز وغنيله
ده انا بالبرسونا اللى كلها مزايا وسعرها قليل على فئتها بكتير وكل ده وقربت اكرهها بسببه امال اللى راكب ساجا احساسه ايه وفى عربيات محترمه زى اللوجان والفيرنا والبى واى دى والاسبرانزا وبنفس السعر

بجد صعب ان الواحد يخاطر فى الساجا دلوائتى

**powerofhelll** · 24-04-2010 10:47 AM

مع احترامي لكل الاراء الساجا عربيه ممتازه حتي الان مشكلة ارتفاع اسعار قطع الغيار هتتحل مع الوقت و متنساش ان اللوجان بقالها اكتر من سنه و نص في السوق

**nab!l** · 24-04-2010 10:50 AM

كمان شكل اللوجان احلى بالنسبه لى

**abdoumahros** · 24-04-2010 08:16 PM

السلام عليكم
اولا الرينو عربيه كويسه لكن موش احسن من الساجا
الساجا احسن بكتير من ناحيه المواصفات الفنيه والكماليات وخصوصا الموتور 94 حصان 1300cc بينما الرينو 90 حصان و1600 وده لان موتور اللوجان هوا موتور
الميجان موديل 1994 والاهم من كده لو رجعتوا بالزمن ورا شويه لما الجين 2 نزلت برضوا قطع الغيار كانت غاليه ومع ذلك العربيه انتشرت وقطع الغيار رخصت واصبحت في كل المحلات علشان كده اعتقد مافيش داعي من القلق من موضوع قطع الغيار بكره اكيد هاترخص واللوجان اول مانزلت قطع غيارها كانت غاليه
واخيرا بقا الساجا اشيك بكتير من اللوجان

**khaledstorm** · 24-04-2010 09:16 PM

المشاركة الأصلية كتبت بواسطة abdoumahros

السلام عليكم
اولا الرينو عربيه كويسه لكن موش احسن من الساجا
الساجا احسن بكتير من ناحيه المواصفات الفنيه والكماليات وخصوصا الموتور 94 حصان 1300cc بينما الرينو 90 حصان و1600 وده لان موتور اللوجان هوا موتور
الميجان موديل 1994 والاهم من كده لو رجعتوا بالزمن ورا شويه لما الجين 2 نزلت برضوا قطع الغيار كانت غاليه ومع ذلك العربيه انتشرت وقطع الغيار رخصت واصبحت في كل المحلات علشان كده اعتقد مافيش داعي من القلق من موضوع قطع الغيار بكره اكيد هاترخص واللوجان اول مانزلت قطع غيارها كانت غاليه
واخيرا بقا الساجا اشيك بكتير من اللوجان

+1

انا حاجز ساجا ومستقر عليها تماما الحمد لله

الموضوع: الساجا الى اين؟؟؟؟!!!!!!تخفيض75%ع اسعار قطع غيار اللوجان

LinkBack

أدوات الموضوع

عرض

-

-

-

-

-

المواضيع المتشابهه

اسعار قطع غيار الساجا ومقارنتها باللوجان.....

اسعار قطع غيار اللوجان دلوقتى ؟؟؟؟

اسعار قطع غيار اللوجان

اسعار قطع غيار اللوجان نزلت النص

ما هو اسعار قطع غيار اللوجان المغربى؟

الكلمات الدلالية لهذا الموضوع

المفضلات

المفضلات

ضوابط المشاركة