الموضوع: !!!!يا جماعه حد يدينى حل لمشكلتى ؟!!؟

كده السبيكة الله يرحمها وعلى فكرة موضوع خراطة الكرنك مبينفعش او بمعني اصح مبينفعش في البلد ديه في العربيات ديه الأفضل لو الكرنك اتلحس انك تجيب كرنك استيراد يكون تمام وممكن تركب السبيكه بتاعته او تجيبله طقم سبيكة استاندر اصلي

او بمعني اصح مبينفعش في البلد ديه

فعلا

الخراطين معظمهم عندنا مجرد أسم

ولا يلتزمون بالأصول الهندسيه عند تنفيذ أعمال الخراطه

وعن تجربه فى أفضل أماكن الخراطه ب ج م ع

ورشة تستا وتونى بجسر السويس

هو حضرتك بتشتغل أيه الأول لو سمحت ..........؟

،

معتقدش يا بشمهندس !!!

حضرتك بتسألنى بشتغل ايه عشان قولت مجرد رأى أو أعتقاد ف الموضوع ..؟؟



طب عموما يا باشا

أنا محامى إستئناف وماجستير فى القانون

،
ودا طبعا ال بيتطلب سفرى كتير !!

_

كده السبيكة الله يرحمها وعلى فكرة موضوع خراطة الكرنك مبينفعش او بمعني اصح مبينفعش في البلد ديه في العربيات ديه

انا معاك طبعا .. وهو إشمعنا دى ال عايزنها صح ف البلد دى !!

بس انا عندى الموتور شغال 10/10 وصوتة مظبوط جدا كمان
بس قلقى من اللمبة ال مش عارف خطورتها !؟؟؟

حضرتك بتسألنى بشتغل ايه عشان قولت مجرد رأى أو أعتقاد ف الموضوع ..؟؟

تشرفنا بيك ياباشا

وفعلا أنا بأسالك لهدف فى نفسى
زى شغل المحامين برضه

___________________

وحثبتلك أن شغل الخراطه مشكوك فيه بالأدله والبراهين

1- أنت قلت أن اللمبه كانت بتنور برضه قبل أعمال الخراطه لركب الكرنك

2- برضه قلت أن مازال العيب مستمر بعد أعمال الخراطه وعملت كل المطلوب من حوليات ( تغيير طلمبة زيت - نظافة مصفه - تغيير ساعه - تغيير زيت مرتين .....يعنى مخليتش حاجه )

طيب أيه اللى حصل فى القضيه البسيطه دى

1- اللمبه كانت بتنور معاك علشان الخلوص بين السبايك والركب بتاعة الكرنك كبير
وضغط الزيت نازل ........( قبل أعمال الخراطه )

2- نفس الوضع حاليا معاك على السرعه البطيئه .....( بعد أعمال الخراطه )

يبقى ماتفسير هذا هندسيا

البيه الخراط ( قلل الله من أمثاله )

خرط فعلا بس كان واصل بالخلوص لأكبر حد مسموح بيه كأصل هندسى ومعديه كمان بنسبه بسيطه

علشان كده الزيت بيهرب من الخلوص الكبير ده مع السرعه البطيئه
بيسيل يعنى

ومع تزويد السرعه ممكن ميلحقش الزيت يهرب من الخلوص

لأسس معينه فى نظريات التزييت لللكراسى عامة ( زى كراسى عمود الكرنك )


كده من وجهة نظرى القضيه محسومه

والمتهم هنا هو الخراط

وممكن كمان نشيك على حدس قاضى المحكمه

وهو أنك تحط زيت شنبر مثلا مع الزيت الحالى
بهدف تزويد اللزوجه قليلا ( على أساس التجربه )

لو فعلا راحت الظاهره دى وطفت اللمبه مع السرعات البطيئه

يبقى كلامى لا يحتمل النقض

وعزرا ليس هذا غرورا منى
ولكن لابد من تحليل جميع أطراف القضيه كما تعلم بصفة حضرتك محامى

لكى نستطيع من الوصول ووضع اليد على حقائق الأمور

فى حاجه كانت حصلت معايا من حوالى 3 شهور بس مش عارف هى ليها علاقه بالموضوع ولا لأ ..!


كنت مسافر وتقريبا خرطوم مياه اتقطع ، صفا المياه كلها

وسخنت العربيه جدا ومخدتش بالى لأنى كنت بجرى غير والحراره فوق الاحمر !!

العربيه طفت ودخنت جامد ومردتش تدور تانى

تسمع صوت المارش بيلف ع الفاضى !!

المهم غيرت جوان وش سلندر وكوستبنات و الخراطيم طبعا ،،

العربيه بءت تمام

فهل السخونه ال حصلت دى من فتره تكون ليها علاقه مثلا ..!؟؟؟؟؟

فيه برضه ملحوظه مش بطاله

أحتمال لو الموضوع بتاع السخونه ده كان حصل بعد شغل الخراطه

يكون ده أثر على ركب الكرنك والسبايك لطعت شويه بسبب السخونه على الركب
وعملت عليها زى صنفره وبالتالى أتسع الخلوص شويه

(على أساس أن الخراط كان واصل بالخلوص للحد الأقصى المسموح بيه ...وده غلط طبعا
المفروض يكون قريب بقدر الأمكان من الحد الأدنى المسموح بيه كخلوص بين الركب والسبايك

وده اللى أتعمل معايا فى ورشة تستا وتونى بجسر السويس

خرطوللى كرنكين على أقصى سماح مسموح بيه وعملت معاهم مشكله فعلا لأن ده مش صح فنيا )

بس اللى خلانى معلقش على النقطه دى وأهتم بيها أوى

أنك بتقول العيب موجود من قبل وبعد أعمال الخراطه

يعنى السخونه وقفشان السبايك الى حد ما

بعيد عن التهمه بتاعة اللمبه الى حد ما

تشرفنا بيك ياباشا

لأ العفو طبعا ..دحنا ال لينا الشرف

،

وفعلا أنا بأسالك لهدف فى نفسى

أنا بئوول كدا برضو !
_

على فكره يا باشا قبل موضوع السخونة دا وجوان وش السلندر ، مكنش عندى المشكله دى نهائى

لكن انا بعد الحصل دا

كنت ف مره مسافر وكنت مستعجل فكنت "حارق جامد " فلاحظت إن اللمبه " بتشعر " ع السلانسيه ودى كانت اول مره

وبءت
بعد اى حرق جامد تشعر

يعنى كانت احيانا ومش على طول كمان

بس طول منا ماشى عادى مفيش مشكله خالص


_


اصدرت المحكمه امراً بإحالة الموضوع الى الخبير المختص

لتوضيح الصوره و لإبداء اراءً قاطعه فى موضوع الدعوى

والإجابه عن بعض التساؤلات ؟



1- ما هى درجه خطورة هذه المشكله .. " يعنى هل مثلا ممكن تجيب أجل الموتور ف أى لحظة " ؟


2- كيفيه التأكد من ان سبب المشكله .. الخلوص ؟

وهل زيت الشنبر هو الفيصل لحل اللغز ؟


3- وإذا كانت بالفعل المشلكه ف موضوع الخلوص
ما هو الحل ؟؟


_

" كيف ننقذ حياة المجنى عليه " ؟؟؟؟

على فكره يا باشا قبل موضوع السخونة دا وجوان وش السلندر ، مكنش عندى المشكله دى نهائى

طيب نعمل أستئناف تانى لعل وعسى نلاقى ثغره تانيه فى تحليل أبعاد القضيه

_ موضوع السخونيه ده قبل ولا بعد الخراطه لأن النقطه دى مبهمه شويه ...........؟

لأنا أنا برضه مش عارف ألم أطراف موضوع السخونيه ده كويس

لأنك مش طارح النقطه دى كويس أمام لجنة المحلفين ( زى مابتقولوا )

1- ما هى درجه خطورة هذه المشكله .. " يعنى هل مثلا ممكن تجيب أجل الموتور ف أى لحظة " ؟

لازم نعرف بالضبط الأول
عيب اللمبه ده راجع لسبب كهربى ولا بسبب الخراطه

لأن أنا شايف القضيه من الممكن أن تتخذ طريق آخر

وبءت
بعد اى حرق جامد تشعر

بس طول منا ماشى عادى مفيش مشكله خالص

بسبب النقطه دى

لأن الحرق معناه زيادة سرعه

فوارد تكون حاجه فى دايرة أنذار ضغط الزيت فيها عيب

( ضفيره ملمسه - أهتزاز فيشة ساعة الزيت - أهتزاز الفيشه اللى رايحه للأنذار بتاع اللمبه بالتابلوه )

2- كيفيه التأكد من ان سبب المشكله .. الخلوص ؟

وهل زيت الشنبر هو الفيصل لحل اللغز ؟

نعم حاليا مفيش قدامنا غير تزويد لزوجة الزيت للأطمئنان على عملية الخراطه

اللمبه طفت مع الحرق والزيت لزج عن المقنن .....يبقى الخراطه هى السبب فعلا

ومش مهم أما نعمل المناوره دى على سبيل التشييك فقط

3- وإذا كانت بالفعل المشلكه ف موضوع الخلوص
ما هو الحل ؟؟

نسيب القرار هنا شويه لحين وضع اليد على الحقيقه الخفيه الى حد ما

طيب بأقولك أيه يا مصطفى بيه

كلمنى على الرقم ده أو ده

علشان ندردش شويه مع بعض بخصوص الموضوع ده

علشان ناخد راحتنا فى الدردشه شويه


0128383281
0143933118