!!!!يا جماعه حد يدينى حل لمشكلتى ؟!!؟

**mostafaartec** · 24-04-2010 02:22 AM

بسم الله الرحمن الرحيم

المشكلة :

هى ان لمبه الزيت بتنور ع السلانسيه !!

التفاصيل :

لمبة الزيت بتور ع السلانسيه
ف
كنت مسافر ومره واحده سمعت تخبيط ف الموتور ف وقفت على طول

باختصار !! طلعت سبيكه ،الخراط عملنا سبيكه وركبناها وكله تمام

شغلنا العربيه ولينت وكلة تمام لغايت دلوقتى

وفجاْه !!

بدأت تنور تانى ع السلانسيه "بس بعد ممشى بيها شويه"

بصو بءى

غيرت :

اولا الزيت ..متحلتش المشكله

ثانيا فلتر الزبت ..برضو

ثالثا ساعة الزيت ..مفيش فايده

رابعا طلمبه زيت جديده ..برضو لا حياة لمن تنادى

مفيييييييييش فايده بجد انا صرفت كتير وتعبت كتير وبجد اتخنقت !!

معلومه : الميكانيكى عشان يغير الطلمبه أعد يومين شغال فيها
فك يعتبر ثلاثة ارباع الموتور وركبه تانى

انا مش عارف دا طبيعى يعنى !!؟؟

بيقولى .. انها موجوده ف مكان لازم كل دا يتفك

_

انا عربيتى دايو ليجانزا ... معنديش مشكله ف اى حاجه غير لمبة الزيت

صوت الموتور مظبوط وكله تمام

_

رجاء الاهتمام ولكم جزيل الشكر !!!

**romeo_6887** · 24-04-2010 02:46 AM

مش عارف و الله بس احنا زملاء في العربيات الدايو ( معايا جوليت مطلعه عين اهلي و صرفت عليها دم قلبي و مش ماشيه عدل برضه )

**mostafaartec** · 24-04-2010 02:52 AM

ربنا يعينك ويعينا جميعا !!!

**human** · 24-04-2010 02:55 AM

شوفت كهربائى؟
يمكن حاجه ملمسه

**mostafaartec** · 24-04-2010 03:15 AM

كهربائى !!!!؟؟

مفكرتش خالص ف الموضوع ده !!

**aYaBooY** · 24-04-2010 03:21 AM

اولا ممكن يكون سلك ملمس وهوسبب المشكلة
ثانيا ممكن يكون عيب تقسيمة او مشكلة بتسبب نقص ضغط الزيت على السلانسيه
ثالثا ممكن يكون السلانسيه عندك واطى قوي و محتاج ظبط

**samirayad** · 24-04-2010 12:39 PM

باختصار !! طلعت سبيكه ،الخراط عملنا سبيكه وركبناها وكله تمام

غير نوعية الزيت لزيت لزوجته أتقل على الساخن من اللى عندك حاليا

وليكن موبيل xhp 20w50

وجرب الوضع الجديد

لأن ممكن يكون شغل الكرنك مش مظبوط شويه

والبيه الخراط
أكل وحف شويه من ركب عمود الكرنك وقريب من أكبر سماح مسموح به للخلوص بين بطن السبايك وركب الكرنك

وأنا شاكك فى النقطه الفنيه دى بنسبه كبيره

________________________________

ولو تغيير الزيت مجبش نتيجه برضه

المفروض تكون مطمن أن الميكانيكى نضف مصفة الزيت كويس

وراكبه كويس بوصلاتها على مدخل طلمبة الزيت الجديده

يمكن تكون بتاخد هواء من أى نقطه فى خط السحب
دا لو كانت المصفه تمام وكان منضفها قبل كده

**mostafaartec** · 24-04-2010 08:37 PM

والبيه الخراط
أكل وحف شويه من ركب عمود الكرنك وقريب من أكبر سماح مسموح به للخلوص بين بطن السبايك وركب الكرنك

معتقدش يا بشمهندس !!!

لأن المشكله اصلا كانت موجوده قبل ميحصل موضوع السبيكه دا !!

_

نضف مصفة الزيت كويس

لأ .. نضفها فعلا !!

_

فى حاجه كانت حصلت معايا من حوالى 3 شهور بس مش عارف هى ليها علاقه بالموضوع ولا لأ ..!

كنت مسافر وتقريبا خرطوم مياه اتقطع ، صفا المياه كلها

وسخنت العربيه جدا ومخدتش بالى لأنى كنت بجرى غير والحراره فوق الاحمر !!

العربيه طفت ودخنت جامد ومردتش تدور تانى

تسمع صوت المارش بيلف ع الفاضى !!

المهم غيرت جوان وش سلندر وكوستبنات و الخراطيم طبعا ،،

العربيه بءت تمام

فهل السخونه ال حصلت دى من فتره تكون ليها علاقه مثلا ..!؟؟؟؟؟

**samirayad** · 24-04-2010 10:43 PM

طيب أنت بتستعمل زيت لزوجته عامله أيه ونوعه أيه

**mostafaartec** · 25-04-2010 03:20 AM

المشاركة الأصلية كتبت بواسطة samirayad

طيب أنت بتستعمل زيت لزوجته عامله أيه ونوعه أيه

بص يا بشمهندس

انا

غيرت الزيت كله مرتين وممشتش لسه بيها

مره بعد السبيكه

ومره بعد الطلمبه

هو زيت كالتكس من بنزينة توتال تقريبا ب 68 جنيه

انما معرفش درجة لزوجته ايه ..!!

_

فى حد قالى انها احتمال كبير طالما العربيه سخنت منك يبئى طقم شمبر ..!!

هل دا احتمال جائز !!؟؟؟

ويكون الشمبر دا هو البوظ السبيكه كمان ؟؟؟؟؟؟