ربنا يشفيك
عن تجربه مع والدى ووالدتى
دكتور محمد ابراهيم مستشفى النزهه الدولى
دا استشارى كبير اوى
واللى بيعمل العمليه دكتور بنفس المستشفى اسمه احمد شعير اكتر من ممتاز
عرض للطباعة
ربنا يشفيك
عن تجربه مع والدى ووالدتى
دكتور محمد ابراهيم مستشفى النزهه الدولى
دا استشارى كبير اوى
واللى بيعمل العمليه دكتور بنفس المستشفى اسمه احمد شعير اكتر من ممتاز
دي تكلفة العين الواحدة
المستشفى دى عاملها المرحوم الدكتور المفتى رائد طب العيون فى مصر ليس غرضها الربح و اغلب الدكاترة الى فيها باثمان رمزية تخليد لذكراة
و الدكتور دة واحد من الدكاترة الموجودين بس هو من المتميزين جدا فى التخصص دة
اتصل بالمستشفى و انت تعرف مواعيدة
و اظن هو يوم الاثنين و الثلاثاء بيبقى موجود يوم الظهر و يوم مساء بس اسف مش فاكر المواعيد بالضبط
انصحك تشوفهم و تراجع التكاليف بعد الكشف لان التكلفة الى قلت ليك عليها من اكثر من ثلاث سنوات و اظن انها اقل دلوقتى
و تكلفة الكشف تقريبا على قد الذاكرة من 20 الى 30 جنية
وربنا يشفى مرضانا
و الف سلامة
و اى خدمة انا موجود
شكرا يا جماعة علي ردودكم و ربنا يخليكم
لسه بردو محدش اتكلم عن مغربي ...
حد جربه ؟
الف سلامة و يا رب العملية تكون ناجحة ان شاء الله
يا تري في اي اقتراحات تانية ؟
ربنا يشفيه و يقوم بسلامه
أخى العزيز..
لتوضيح بعض النقط فهناك طريقتين لأزالة المياه البيضاء :
* الطريقة التقليدية ، و فيها يتم عمل جرح حوالى 13 مم و منه يتم استخراج نواة العدسة ثم يتم شفط القشرة الخارجية لها ، و بعدها يتم زرع عدسة (صلبة) داخل العين ثم يتم خياطة الجرح ، و يتم وضع غيار للعين و تكون المتابعة يومية لعدة ايام ثم اسبوعية ، و يكون رفع الغيار بعد 3 أو 4 أيام ، و تكون النظارة المؤقتة بعد شهر ، و يمكن للمريض النزول لعمله بعد 3 اسابيع أو شهر مثلا ، و النظارة النهائية بعد 6 شهور.
* طريقة التفتيت بالموجات فوق الصوتية (و تسمى Phaco-emulsification و تعرف خطأ عند الناس باسم ازالة المياه البيضاء بالليزر) و فيها يتم عمل جرح 2-3 مم يتم ادخال جهاز التفتيت منه و يقوم الجهاز بتحويل نواة العدسة الصلبة الى مادة شبيهة بالمستحلب و يتم شفطها ثم شفط القشرة ، و بعدها من نفس الجرح الصغير يتم حقن عدسة لينة ملفوفة حول نفسها (زى ساندوتش الشاورمة اللبنانى) و تنفرد بداخل العين ، و بذلك تكون العملية قد انتهت... و يتم وضع الغيار لمدة يوم واحد أو يومين , تتم المتابعة يوميا ثم اسبوعيا ، و يمكن للمريض ممارسة حياته الطبيعية بعد اسبوع ، و مواعيد النظارات مثل السابقة ..
الطريقة الأولى يمكن اجراؤها مع اى مياه بيضاء.
الطريقة الثانية تستلزم ان تكون المياه البيضاء مبكرة نوعا ما و ان تكون حالة القرنية جيدة لتجنب حدوث مضاعفات لا قدر الله (بدون الخوض فى التفاصيل).
الطريقة الثانية أسهل و افضل للمريض عادة
الطريقة الثانية أغلى و ذلك لأستعمال جهاز خاص و زرع عدسة من نوع خاص.
و بالتالى السعر يتحدد أولا حسب الطريقة المستخدمة ، ثم حسب المستشفى التى ستجرى بها الجراحة ثانيا (درجة الفندقة فى المستشفى).
أرجو أكون وضحت طبيعة العملية لتوضيح أسباب التفاوت فى الأسعار.
و فى انتظار أى استفسار أو سؤال.
و تحياتى
جزاكم الله خيرا يا دكتور شريف
يا ريت تبعتلي ارقامك و عنواينك في اسرع وقت عشان والدي تعب منها جدا