أرجو الافاده من خبراء المنتدي
السلام عليكم ورحمة الله وبركاته.
عربيتي تمبرا 1400 موديل 91 كربراتير واسبراتير الكتروني.
غيرت مشط الاسبراتير للمره الثالثه من شهرين تقريبا وكان شغال كويس لكن لاحظت من اسبوع ان العربيه اوقات تبقي فايقه وصوتها ناعم واوقات لأ وامبارح سقفت علي التالت في مطلع كوبري مع اني كنت علي سرعة اخر الغيار التاني واول التالت..
المشكله التانيه اني لما اركن وابطل العربيه بتقعد تترج شويه قبل ما تبطل.. اعتقد ان ده معناه ان العربيه فيها كهربه زياده..
غيرت ضبط الاسبراتير بلفه في اتجاه عقارب الساعه فلاحظت ان الموتور صوته بيهدي واتاكدت بعد كده ان استجابه الاكسراتير سريعه وان العربيه مبتسقفش لما ازود عدد لفات الموتور فجاه وهي واقفه ( زي ما الميكانيكيه بيعملو ).. العربيه بدأ عزمها يزيد بسيط لكن لما ببطل بتترج يمكن اكتر من الاول..
السؤال: هل لما الموتور صوته يهدي مع لف الاسبراتير ده معناه اني بوطي الكهربه؟ ولو ده صحيح ليه العربيه لسه بتترج بعد التبطيل شويه؟