ارجو المساعده هل من الممكن ان اجرى بالسيراتو من غير خوف

**dmx6_6** · 24-04-2010 07:38 PM

السلام عليكم

يا باشا انا من راي الشخصي انك تتوكل على الله اولا وبعد كده لما تيجي تشد شد بس مش في اي منطقه والا اي شارع شد في مناطق انتا عارفها وعارف نظافه شوارعها وباردو هانبهك انك لاما تيجي تشد شد في المعقول و بعقل باردو وفي المعقول وانتا اكيد عارف حدود المعقول ايه ! وربنا يسترها معاك ومعانا كلنا

**yasserelsayad** · 24-04-2010 08:55 PM

ياريت كمان متجريش غير فى الاماكن الفاضية شوية او فى اوقات متأخرة عشان متضيقش الناس
اللى بتسوق حوليك

**NoRmAl** · 24-04-2010 09:45 PM

المشاركة الأصلية كتبت بواسطة dmx6_6

السلام عليكم

يا باشا انا من راي الشخصي انك تتوكل على الله اولا وبعد كده لما تيجي تشد شد بس مش في اي منطقه والا اي شارع شد في مناطق انتا عارفها وعارف نظافه شوارعها وباردو هانبهك انك لاما تيجي تشد شد في المعقول و بعقل باردو وفي المعقول وانتا اكيد عارف حدود المعقول ايه ! وربنا يسترها معاك ومعانا كلنا :s_thum1[1]:

المشاركة الأصلية كتبت بواسطة yasserelsayad

ياريت كمان متجريش غير فى الاماكن الفاضية شوية او فى اوقات متأخرة عشان متضيقش الناس
اللى بتسوق حوليك

+1
وأنت بتجرى..أستمتع
متحطش فى بالك أنك بتجرى علشان تثبت شىء
ولا تنفى شىء آخر
ولا علشان تقلنا أنا طلعت من كذا ولا كذا علم عليه
شد كأنك بتشد شيشه :)
شعشع يعنى ومتشلش فى نفسك :)

**ashrafkhtab** · 24-04-2010 09:57 PM

[QUOTE=NoRmAl;3872589681]+1
وأنت بتجرى..أستمتع
متحطش فى بالك أنك بتجرى علشان تثبت شىء
ولا تنفى شىء آخر
ولا علشان تقلنا أنا طلعت من كذا ولا كذا علم عليه
شد كأنك بتشد شيشه :)
شعشع يعنى ومتشلش فى نفسك :)[/QUOTEه

هههههههههههه بس انا مش بعرف اشد شيشا بس شكرا على ردك الجميل

**waleedelpiloot** · 25-04-2010 03:08 AM

بص يا باسا انا كمان معيا جنط 16 اول ما جبتها لحد صيانة ال1000 كنت حاسس انى لبست فى السيراتو دى لان اول ما اجى اجرى بيها عند ال110 كدة القى العربية بقت هواة قلت بس انا كدة لبست فى 120 الف جنية

بس الحمدالله دلوقتى بعد صيانة ال1000 اقدر اقوللك عييييييييييش بلسيراتو وما تخفش ابدااااااااا وشد بيها واجرى هتلاقة زى الفل
بس زى ما قلتللك اهم حاجة تكون عملت صيانة ال1000 وكان اظبط العجل على 32 نيتروجين وادعيلى يا معلم

**M.Akef** · 25-04-2010 04:22 PM

المشاركة الأصلية كتبت بواسطة ashrafkhtab

شكرا على ردودكم الجميله وانا ان شاء الله هجرب شد بكره مع لانسر 1600 اوتوماتيك و فيرنا 1600 اوتوماتيك ربنا يستر

:e_braces[1]:

علي فكره يا اشرف انا 1.3 مش 1.6 و بردو هطلع منك حتي لو انت راكب لومبورجين

و زي ما بقول لك ديما يا شرف لو فاتك الالماني الحق اليباني:b4_237:

**Cutevampire** · 27-04-2010 12:20 PM

معلش هاقولك كلمتين عكس الناس
بلاش الشد و الجري اللي ملوش لازمة .. لا بالسيراتو و لا غيرها
كمية الحوادث اللي بتحصل كل يوم بقت كتير قوي
و ربنا يحفظنا كلنا

**Ahmed Samy** · 27-04-2010 02:57 PM

بص

أنا اللي اتقلب على المشاية :)

و العربية اللي في أول شارع الترعة من جيهان دي مشرية من مصر من التأمين (وشكلها بتاعة أخونا غازي لأنها نفس الصور تقريبا)

العربية على الطريق زي الفل ...بجد ماتخافش بس ده حسب سواقتك طبعا ...سوق زي ما بتسوق العربية مش هاتقصر معاك .

و جوه البلد طبعا عادي .

أنا تقلبت علشان خدت نقرة و كنت بفاديها

بس سيبك من كل ده .......................

نصيحة لله

ماتجريش ...مش مستاهلة

مش لازم العربية هي اللي تستنقص ...
الطريق بيستنقص
الناس اللي حواليك بتستنقص

يعنى هي نصيحة

**darkangel007** · 27-04-2010 03:38 PM

الى عاوز يجرى باى عربية هيعرف يجرى بيها
الكلام كلة على السواق!
اتمكن من العربية اوى و اعرف تمامها و امشى على عجلتيـــن حتى بعد كدة
و كلة طبعا فى حدود المعقول :)