رد مع اقتباس
انتا تانى يبتاع السخونيه المهم ههههههههههه
عربيتك لما جيبت بيها 160 كم / ساعه كان rpm كام انتا فهمنى
و ليه سخنت على السرعه العاليه ده المفروض انى هى متسخنش علشان
الهواء بيعمل تبريد للموتور مع السرعه العاليه حتى لو الجو حر شويه
انتا بس قولى rpm كان كام و انا اقولك مناسب و له فى حاجه مش مظبوطه سكودا دى عشرة عمرى
انا سافرت بسكودا فورمان موديل 1994 على طريق شرم الشيخ و ده طريق مفتوح و كنت جايب 160 كم /ساعه على rpm 4500 و مشيت بيها يجى ساعتين على السرعه دى تقريبا
و العربيه مؤشره تحت 90 درجه و المروحه مشتغليتش خالص لانى انا عامل مبيان لما المروحه تشتغل اعرف و لو ماشتغليتش اعرف علشان السرعه و الهوا كان بيبراده اه و الله ما بضحك عليك
كليمنى و انا ان شاء الله هيفيدك 0126880055 م / احمد سيد
النتائج 1 إلى 10 من 24
-
LinkBack
LinkBack URL
About LinkBacks- Bookmark & Share
- Tweet this thread
-
رقم العضوية : 64290
تاريخ التسجيل : 06Mar2010
المشاركات : 73
النوع : ذكر
الاقامة : Cairo
السيارة: Skoda Octavia A4
السيارة[2]: Skoda Felicia
دراجة بخارية: No
الحالة :
هل الفيليشيا سريعة ؟؟ جبت بيها كام ؟؟ -
انشر الموضوع فى : hasad">السلام عليكم
دة موضوع بقى انا عايز افتحه عشان افتح نفس الناس للفيليشيا
عشان انا اتكلمت عن السخونية و عيوب الفيليشيا فبحاول برضه ابص على الجانب الايجابي في العربيه
ماهو مش معقولة كله ضرب ضرب ضرب . . . مافيش شتيمة و لا ايه ؟
انا من المعجبين بالفيليشيا رغم عيبها بخصوص السخونية لاني ببساطة تأقلمت مع العيب دة و مافيش مانع انك تتعايش مع عيوب عربيتك اذا كانت هي عربية محترمة في الاساس فانا عن نفسي بيعجبني موتور الفيليشيا كقوة رغم انه خشن و صوته عالي و خشونته دي اساسا ترجع لسير الكاتينا الحديد و للعلم يعني من رأيي كدة احسن لان السير الحديد دة رغم غباءه في الصوت بس امان شوية لانه مش بيتقطع فجأه و بسرعة زي السير الكاوتش دة غير انه بيدي مؤشرات انه ناوي على الغدر ههههههههه بس من ناحيه تانيه لو لا قدر الله انقطع بيبهدل الدنيا لانه حديد , انا اقصد يعني ان عمره اطول بكتير من السير الكاوتش
نيجي للسرعة . . . انا عن نفسي جبت بيها 160 و بصراحه ماقدرتش استمر على السرعه دي لانه كان خطر على الموتور جدا و الدليل ان الحراره ارتفعت و دة معناه انه في حمل و جهد و ضغط على الموتور دة غير انه اساسا في الكتالوج مكتوب انه اقصى سرعه 145 كيلو في الساعه يعني انا مش لازم اتخطى السرعه دي لانها مش مضمونة
طالما اتكتب في الكتالوج سرعه معينه كحد اقصى فدي السرعه اللي المصنع يضمنهالك و يضمن ان موتورك يستحملها , انا ماكدبش عليكو قولت اجرب و بصراحة العربيه كانت فايقة اوي و حاطط لها 92 و منضف الكربراتير و حاطط مية خضرا و مروق المسائل هههههههه و ماكنتش ساعتها مركب تكييف و كمان الطريق كان نازل شوية فجت على الطبطاب
فقولت مابدهاش فقرصت بسرعه 160 و كان ممكن تجيب لغايه 170 لاني ماكنتش دايس على اخر البنزين بس مع الاسف الطريق كان بدأ يبقى زحمة شوية فمعرفتش اجيب اكتر من كدة
و انا مارضتش اكرر المحاولة لما الطريق اتفتح تاني لاني خوفت اوي على موتور العربيه لان صوتة كان عالي و انا على 160 و دة طبيعي لانه في الاول و في الاخر انا عربيتي 1300 سي سي
بجد العربيه كانت طلقة رصاص و ثابته و حتى لما بيكون في غرز خفيفه بتبقى لذيذة لكن الغرز القريبة و اللي الكيرف بتاعها كبير اكيد ممكن تبقى خطر
طبعا في ناس بماركات تانيه جابت اعلى من كدة بكتير بس انا بتكلم عن تجربتي مع الفيليشيا فقط و للعلم عربيتي موديل 95 يعني اول ما قالوا يا فيليشيا و اكيد الموديلات اللي بعد كدة افضل بس دي تجربتي مع حبيبة قلبي اللي مغلباني بس بحبها
فانت جبت بالفيليشيا كام ؟؟
-
رقم العضوية : 58964
تاريخ التسجيل : 15Jan2010
المشاركات : 3,927
النوع : ذكر
الاقامة : سـكـــــودا فورمان 1994
السيارة: سكـودافليشيا 1996
السيارة[2]: سـكــــودا كومبى 1996
دراجة بخارية: سكـــودا فابيا 2002
الحالة :
-
-
رقم العضوية : 50214
تاريخ التسجيل : 17Oct2009
المشاركات : 836
النوع : ذكر
الاقامة : المقطم
السيارة: صني 2011 ex
السيارة[2]: صني 2013 ex
دراجة بخارية: لا يوجد
الحالة :
-
انا معايا فورمان واحيانا فعلا بتسخن على السرعة العالية بس مش قادر اوصل للمشكلة ومبترضاش تعدي 135 كم او بالكتير 140
المشاركة الأصلية كتبت بواسطة engahmedsayed
-
رقم العضوية : 25539
تاريخ التسجيل : 18Nov2008
المشاركات : 4,742
النوع : ذكر
الاقامة : el-obour
السيارة: bmw e46 330
السيارة[2]: Mercedes c200 kompressor
دراجة بخارية: no
الحالة :
-
ياباشا الفلشيا عربية عشرة على عشرة بجد ومشكلة السخونية فى ناس بتغير المروحة باكبر وبتتحل عندهم المشاكل
انما العربية بجد تحفة ثبات جيد جدا بالنسبة لفئتها
تسارع جيد جدا بالنسبة لفئتها وايضا سرعة قصوة جيدة جدا
وقطع غيارها متوفرة لكنها غالية سنة عن باقى اخواتها[rmade]http://www7.0zz0.com/2014/09/24/17/941743282.jpg[/rmade]
-
رقم العضوية : 14494
تاريخ التسجيل : 10Jul2008
المشاركات : 1,075
النوع : ذكر
الاقامة : اسكندرية
السيارة: لا يوجد
السيارة[2]: سكودا فيليشيا
دراجة بخارية: لا يوجد
الحالة :
-
انا بتسخن معايا فى السلانسيه اكتر من السرعات العالية
وعموما انا ما حاولتش معاها بعد 130 وكانت ثابتة جدا وممتازة وكان الار بى ام 3000 وكانت قابلة لحد 160 بس الطيب احسن لان وش السلندر بتاع الفيليشيا غدار عملها معايا فى طريق اسكندرية رشيد الفجر والجو برد والهوا المقابل ساقع جدا لكن العربية سخنت برضومصر تستحق الخير
-
رقم العضوية : 54009
تاريخ التسجيل : 27Nov2009
المشاركات : 52
النوع : ذكر
الاقامة : القاهرة
السيارة: دايو نوبيرا 2006
السيارة[2]: سكودا فليشيا
الحالة :
-
ماكنتش ساعتها مركب تكييف
فانت جبت بالفيليشيا كام ؟؟[/QUOTE]
أنا جبت بالعربية 135 سرعة والحمد لله الثابت دى الفل
ومارضتشى ازود عن كده
وبمناسبة التكييف هل راكبت تكييف
هل هو جديد أو استيراد
وهل كويس ولا أيه
وسكرا لانى لسه بفكرة فى موضوع تركيب تكييف
-
رقم العضوية : 1435
تاريخ التسجيل : 14Jul2007
المشاركات : 14,773
النوع : ذكر
الاقامة : مصر
السيارة: لا
السيارة[2]: اوبترا
الحالة :
-
آخر حاجة 140 كم وبالفعل السخونة بتزيد ,,, بس أهم حاجة السحب بتاعها ممتاز ومش متخاذل بالذات في التجاوز
-
رقم العضوية : 58964
تاريخ التسجيل : 15Jan2010
المشاركات : 3,927
النوع : ذكر
الاقامة : سـكـــــودا فورمان 1994
السيارة: سكـودافليشيا 1996
السيارة[2]: سـكــــودا كومبى 1996
دراجة بخارية: سكـــودا فابيا 2002
الحالة :
-
المشاركة الأصلية كتبت بواسطة seqoia
كويس انى هى بتجيب 140 كم / ساعه على rpm كام و بتسخن يبقى فى حاجه بسيطه عندك نصيحه الفورمان بتيبقى مروحه بس على الرداتير حاول هات راكب المروحه على قميص و هتدعيلى
المشاركة الأصلية كتبت بواسطة Fadi Ezzat
ممكن تكون المروحه ضعيفه و عايزه تتغير و الافضل تكون مروحه بقميص هتبرد حلووووو
المشاركة الأصلية كتبت بواسطة zyadahmed
جبت معاك 130 كم / ساعه على rpm 3000 كويس قوووووى و كانت بتسخن معاك يبقى فى حاجه فى دوراة التبريد او التزيييت بدليل انتا بتقول كان الجووو ساقع و برد فى حاجه مش مظبوطه جابت وش السليندر
أنا جبت بالعربية 135 سرعة والحمد لله الثابت دى الفل المشاركة الأصلية كتبت بواسطة Ashrafkmn
ماكنتش ساعتها مركب تكييف
فانت جبت بالفيليشيا كام ؟؟
ومارضتشى ازود عن كده
وبمناسبة التكييف هل راكبت تكييف
هل هو جديد أو استيراد
وهل كويس ولا أيه
وسكرا لانى لسه بفكرة فى موضوع تركيب تكييف
[/QUOTE]
انصحك بلاش لانو التكييف ده فى حاجه الناس متعرفهاش لو العربيه جاى بالتكييف بتيبقى معمول حسابه ازاى الموتور والتكييف بيبقى مصممين على بعض بمعنى انو لو حضرتك
واقف و الموتور داير على السلانسيه فيه اوبشن يعمل ايه فى حالة التكييف و هو شغال بيسند الموتور يعنى بيعلى البنزين شويه و فا التبيريد بتاعه بيبقى اقووووى اما لو التكييف مش شغال هتلاقى الموتور على سرعاته الطبيبعه العاديه علشان كده بيقولك التكييف بياكل بنزين عارفة المشاركة الأصلية كتبت بواسطة د.محمود صلاح
سخونه بردك يا دكتور فى مشكله فى حاجه مش مظبوطه عندك
انا قلى عاوز اقوله لحضرتكم و عن دراسه كهندسة ميكانيكا و تجربه فاعليه مع العربيه سواء الفورمان 1994 او الفليشيا1996 للمدة 6 سنين انو فى حاجه مش مظبوطه عندكم مع العلم المفروض انو هى مع السرعات العاليه بتبرد ذاتى بالهواء المندفع عكس السير
و انا متبرع للاعضاء بعرض المشكله عليا و مناقشاتها و انا على اتم الاستعداد للمساعده كاستشاره
او اعمله انا بنفسى كفنيا و ده موبيلى اتصلو بيا فى اى وقت
0126880055 م / احمد سيد
-
رقم العضوية : 306
تاريخ التسجيل : 28Apr2007
المشاركات : 3,303
النوع : ذكر
الاقامة : Cairo
السيارة: فورد فوكاس
السيارة[2]: سيينا - سبيرانزا
الحالة :
-
فعلاً مع ازدياد السرعة بتقل الحرارة وتقريباً ممكن المروحة ما تشتغلش لأن الهواء المقابل هو اللي بيبرد
بالنسبة للسرعة كانت 160 في طريق منحدر قليلاً على أربي إم 4500
والعادي بتاعها معايا 120 على أر بي إم بعد الـ 3000 بشوية
-
رقم العضوية : 64290
تاريخ التسجيل : 06Mar2010
المشاركات : 73
النوع : ذكر
الاقامة : Cairo
السيارة: Skoda Octavia A4
السيارة[2]: Skoda Felicia
دراجة بخارية: No
الحالة :
-
hasad">على فكره العربيه الفليشيا جميلة اوي بس في دايما مشكله بتسبب السخونة عند ناس كتير اوي و دايما في شىء يجنن الواحد بخصوص السخونة دي , لدرجه انه و الله في ميكانيكي قالي هي العربيه كدة و السخونة بتاعتها دي هي الطبيعي بتاعها هههههههههههه الراجل يأس من سخونة العربيه و سلم نمر مع انه بجد كان ميكانيكي في التوكيل و راجل ايديه تتلف في حرير و ميكانيكي متخصص اسكودا فقط
هو عموما واضح ان مشكله السخونية مع الجري بسرعات عاليه بالعربيه يا إما :
1- تاكيهات عايزة تتظبط
2- مشكله في الرادياتير زي انسداد جزئي مثلا فبتالي مع الجري المفروض دورة المياة تتحرك بسرعه فمع الانسداد الجزئي في الرادياتير المياة حركتها بتقل في الوقت اللي الموتور محتاج دورة سريعه عشان يبرد
3- مشكله في وش السلندر و الكل اكيد عارف ان في حاجه اسمها مسافه محسوبة بالمليميتر كارتفاع لوش السلندر و دة اللي بيخلينا نحدد هانحط جوان او اتنين لما نيجي نغير وش السلندر و دة بيأثر اوي على سحب العربيه و بالتالي سخونتها
انا شخصيا بعتقد ان السببين الاولانيين هم المسؤلين عن سخونة العربيه على السرعات عاليه و شكرا
المواضيع المتشابهه
-
صوت ونة فى الفيليشيا
بواسطة YHYAKOTB في المنتدى قسم خاص بسيارات سكودا فيفوريت وسكودا فليشيامشاركات: 11آخر مشاركة: 16-12-2012, 12:06 AM -
رحلة سريعة هتعرف بيها حجمك الحقيقى وسط العالم
بواسطة د.أحمد السعيد في المنتدى المنتــــــدى الاجتمــاعىمشاركات: 5آخر مشاركة: 17-01-2012, 05:27 AM -
مقارنة سريعة بين شاشات (بلازما، إل سي دي، إل إي دي) اقرأ المزيد : مقارنة سريعة بين ش
بواسطة Ahmed Selim في المنتدى المنتــــــدى الاجتمــاعىمشاركات: 12آخر مشاركة: 07-06-2011, 02:07 PM -
عاجل و مهم لأصحاب الفيليشيا فقط حل مشكلة الفيليشيا نهائيا
بواسطة hanyalashkr في المنتدى قسم خاص بسيارات سكودا فيفوريت وسكودا فليشيامشاركات: 1آخر مشاركة: 17-06-2009, 03:15 PM -
هو بيع الفيليشيا صعب كدة لية؟؟
بواسطة harban في المنتدى قسم خاص بسيارات سكودا فيفوريت وسكودا فليشيامشاركات: 8آخر مشاركة: 24-08-2008, 03:42 PM
الكلمات الدلالية لهذا الموضوع
ضوابط المشاركة
Content Relevant URLs by vBSEO 3.6.0 PL2
المفضلات