الموضوع: حد يعرف ازاي ادخل سيارة مستعملة لمصر حتي لو هتدخل تقطيع

ياباشا انا شخصيا مجرب الموضوع
والعربيه كانت اقوى من العاديه لان الشاسيه مش بيتلحم نص على نص لا طبعا
ده بيحط علبه تجمع النصين ويخرم ويركب مسامير فولاذ وجريده صلب وبعدين يلحم
يعنى حاجه كدة زى الشريحه والمسامير بتاعه العظام
ووانت بتبيعها بتقول بصراحه وطبعا الفاهم مبيفصلش فى جنيه
لانها احدث وكدة بقت اقوى
العربيه الى انا بتكلم عليها كانت 4*4 كمان وزى الفل ووقفت بنص تمن الجديدة واتباعت بسعر كويس واعرف ناس بيعملوها هنا فى مصر بس على حسب العربيه الى بتقع فى ايدهم وتكون شغاله برة كويس ووالله بيجيبوها بدوساتها واريالها مش ناقصة غير علبه المناديل والمعطر
وفى فى عزبه شلبى بيعملوها بس ملهمش دعوة بالعربيه الاصليه انت تيجيبها وبيشترى منك القديمه من 600 : 1000 جنيه
بالنسبه للتقطيع بيبقى نص امامى وخلفى والسقف بالقوايم لوحده
وبالنسبه للمرور ومباحث الاموال العامه مفيش اى حاجة
انت جددت شاسيه زى ال 127 لما الكرتيرة بتتاكل بتدق الرقم فى الفخدة بس
والموتور بورقه الجديد والافراج الجمركى
المشكلة والقضيه لو انت جبت عربيه تربتيك وعملت الفيلم ده.. اه كدة كلبوش علطول

دي صور عربيتي الله يرحمها قبل ما اسافر من كام سنه، وكنت مغير لها نصف أمامي كامل بالموتور، اللحام كان من تحت الكراسي الأمامية ومنتصف الزجاج الأمامي. اتخن صنايعية معرفوش انها راكب لها نص.(طبعا الصور دي كانت بعد عملية التغيير وواضح ان الحادث لم يؤثر على اللحام اطلاقا)
على فكرة في عربيات مرسيدس وبي ام كتيييييير جدا منتشرة في السوق والناس بتشتري وتفحص وميعرفوش انها متجمعة.







وده فيديو بيبين كنت بعاملها ازاي ، وعمرها ما اشتكت

[youtube]http://www.youtube.com/watch?v=EaKiHPI3-l0[/youtube]

شكرا يا جماعة علي ردودكو وتفاعلكو معايا
وعلي فكرة انا بردو جربت موضوع التقطيع ده ومشوفتش منه مشاكل بس انا كان معايا اوبل فكترا وغيرت نص وراني من بعد الكنبة تقريبا بيكون من بعد القايم اللي في النص ومشوفتش منها مشاكل وانا لو حاسس الموضوع فيه خطر علي حد ماكنتش فكرت فيه اصلا
عموما مش هو ده اللي انا عايز اعمله انا بفكر مثلا اشتري 5 عربيات من اوروبا اوبعتهم مصر وابيعهم قطع غيار انا مش عايز اجمعهم ولا حاجة
والعربية اللي اختارتها غالبا هتكون اوبل فكترا لان سعرها كويس وشوفت منها حالات كويسة واسعارها كويسة بردو

فانتو ايه رايكو في الفكرة دي يعني مثلا اوبل فكتر 97 هتكون في حدود 1500 يورو وبتكون حالتها كويسة جدا وطبعا ممكن اجيب سعر اقل من كده فانا واخد الموضوع بيزنس مثلا 5 عربيات مع بعض بحيث اوفر شوية في الشحن

انتو ايه رايكو في الفكرة دي اكمل فيها انا بحاول ادرسها من كل الجهات بس النقطة اللي بحاول اعرفها دلوقتي هدخل العربيات مصر ازاي وبعد كده هعمل لفة علي بتوع العربيات التقطيع واشوف هيخدوها بكام واشوف مصاريف الشحن ولو لاقيت فيها مكسب كويس اكمل واديني مستني رايكو معايا !

المشاركة الأصلية كتبت بواسطة w-m-a

فى طريقه متبعه فى مصر
بتجيب عربيه موديل قديم تكون مدمرة بس فيها نمر وتستورد الموديل الاحدث بس نفس التفاصيل وتقطع رقم الشاسيه وتلحمه فى العربيه الاستيراد بعد تجميعها لأن القانون لازم تكون مقطعه ثلاث قطع نصين وقشرة سقف وبدون كاوتش
وتستورد موتور وتركبه وتعمل اجراءات استبدال الموتور
وترخص
عن تجربه

انت ممكن تعمل الكلام دا بدون ما تقطع العربية الجديدة
الطريقة بتتعمل انك تدخل العربية اللي انت عاوزها تريبتك ( العربيات اللي بتعلق نمر جمرك ) و طبعا الموضوع دا هيحتاج حد ثقة يكون في الخارج ينزل العربية تريبتك باسمه و بعد ا العربية تنزل تجيب عربية من زيها بالظبط و طبعا تكون حالتها تعابنة عشان تبقي رخيصة و ممكن تكون عربية حادثة يعني بتشتري ورق
وبعد كدا بتنقل ارقام الشاسييه و المتور من العربية القديمة للجديدة و يا اما بتطلع القديمة من الجمرك و تخلص الليله
او انك بتعمل محضر بحادثة للعربية دا عشان الجمرك و تتكهن العربية و خلااااااااص


طبعا انا ما جربتش الكلام دا بس سمعت بيه