عن ليبيا والجزائر و البلطجة

بعيدا عن الاداء الفني لماتش امبارح و دفاع الاهلي المهلهل اللي بقي شوارع مفتوحه

هو في إيه ؟ ليه كل ماتش مع فريق من دوله عربيه الموضوع بقي كدة شغب و حدف طوب و بهدله علشان ايه يعني الاهلي ادي الفريق التعبان دة امبارح هديه عمرة انه يكسب الاهلي و هما معندهومشي الف باء كورة عايزين ايه تاني يعني الناس حدفت وائل جمعه و بركات بالطوب و الاهلي خسران 2-0 امال لو كان حقق النتيجه الطبيعيه انه يكسب الفريق دة فرق هدفين علي الاقل كانوا عملوا ايه


يعني هي مصر عملت ايه فيهم انا اتعاملت مع ليبيين و جزائريين قبل كدة و ناس في منتهي الادب و الاحترام امال الناس اللي بتعمل كدة مننين

بقي كل ماتش مع دوله عربيه (شقيقه) هم كبير و الفريق اللي بيسافر هناك لازم يتبهدل يعني لازم يتبهدل كسب او خسر الموضوع بقي زيادة اوي و متكرر

الاهلي في 2008 خد بطوله افريقيا في الكاميرون من القطن الكاميروني و عادي خالص

مصر اتعادلت مع الكاميرون و خرجتها من كاس العالم ( عارفين يعني ايه كاس العالم يعني ب 1000 بطوله افريقيا ) و عادي خالص

كذا مرة الزمالك ياخد بطوله افريقيا في دوله افريقيه و برضة عادي خالص

ايه وجه المشكله مع الناس دي بالذات عملنلهم ايه علشان كل دة بيتغلبوا من طوب الارض علي ملعبهم و برضة عادي الا مصر و اي فريق مصري

الموضوع دة محيرني جدااااااااااااا لاني بتعامل معاهم كتير و ناس كويسيين


حد عنده فكرة ليه ؟؟؟؟؟؟؟

اللي ينضرب ومياخدش حقه يبقي ملطشة

مش عاوز أقول مؤامرة يطلع حد يقول بخ.

اقتباس:

---

المشاركة الأصلية كتبت بواسطة Eng.Geo

اللي ينضرب ومياخدش حقه يبقي ملطشة

---

1111111111111
وحاجة كمان اننا مابنعملهمش بالمثل
لازم يعملو كدا
واحد بيضرب ويسكت مابيردش هيضرب تانى وتالت:I_angr1[1]:
ولا الحكممممممممم :36_1_50[1]:

اللي ينضرب ومياخدش حقه يبقي ملطشة

ربنا وحده اعلم انا ما زعلان عشان خسرنا امبارح في الماتش على قد ما زعلان على اللي بيحصلنا ..

من ساعة يوم ام درمان و انا بقيت اشوف الامور بمنظور تاااني خالص و في حاجات كنت مؤمن بيها اصبحت لا تهمني ببصله و الله

هقول ايه بس

حسبي الله و نعم الوكيل

الاب اللى ماديش بريستيج لاولاده و مايديش قيمه ليهم ومايعرفش يحميهم
و الاب اللى مايسألش على عياله و مش يرعاهم
يبقى اى كلب فى الشارع يعضهم و يهزئهم و محدش يقوله انت بتعمل كده ليه

فهمت ؟

حسبي الله ونعم الوكيل...

هما مش هييجوا يلاعبونا في مصر ؟

خلاص بسيطة أحنا هنروقهم بأذن الله كاسبين أو خسرانين عادي كبروا دماغكم الكورة مليانة شغب في كل حتة في العالم ومحدش يستنى معاملة الملوك من أي بلد عربي لمجرد أن أسمه عربي على أساس عشمانين في العروبة والأخوة لأ عم عشم مات وحوارات الحلم العربي عايشين فيها من أيام القرش الجبس ومتحققش لحد دلوقتي .

اقتباس:

---

المشاركة الأصلية كتبت بواسطة eng.geo

اللي ينضرب ومياخدش حقه يبقي ملطشة

---

عندك حق مليون في المية لو من اول فرقة مصرية انضربت في دولة عربية كان لينا رد فعل حقيقي بعيد عن الشعارات الرنانة بتاعة الشقيقة الكبري والقرف ده مكانتش اتكررت تانى
وتاريخ ليبيا في الكورة معانا
لما كان الزمالك بيلعب هناك ضربوهم وعمرو زكي اتعور
لما منتخب الكرة الخماسية لعب هناك انضرب واحد اللاعبين اتشل بسبب الضرب ورجع على كرسي متحرك
لما لاعيبناهم زمان في دورة الالعاب الافريقية في الجزائر بردو انضربنا
ودلوقت دور الاهلى
واي فرقة مصرية هتروح هناك هيتعمل فيها كدة ما دام مش بناخد حقنا
والماتش اللى هنا هايجي الامن المحترم ويمسك اي حد يعمل اي حاجة
وطبعا مخرج التليفزيون العبقري لو واحد من لاعبي ليبيا مسك بطنه من المغص هيفضل مركز عليه نص ساعة مش زي مخرج امبارح مفيش اي لمحة باحداث شغب الا وكان بيبعد عنها فورا

اقتباس:

---

المشاركة الأصلية كتبت بواسطة ashturbo

هما مش هييجوا يلاعبونا في مصر ؟

خلاص بسيطة أحنا هنروقهم بأذن الله كاسبين أو خسرانين عادي كبروا دماغكم الكورة مليانة شغب في كل حتة في العالم ومحدش يستنى معاملة الملوك من أي بلد عربي لمجرد أن أسمه عربي على أساس عشمانين في العروبة والأخوة لأ عم عشم مات وحوارات الحلم العربي عايشين فيها من أيام القرش الجبس ومتحققش لحد دلوقتي .

---

يا ريت

اقتباس:

---

المشاركة الأصلية كتبت بواسطة most_h

مش عاوز أقول مؤامرة يطلع حد يقول بخ.

---

لا مش مؤامره بس مصر دلوقتي ضعيفه جداااا و هنتكلم على الكورة ليه ماتشوفوا العماله المصرية في ليبيا بيحصل فيهم إيه

السادات علم ( بفتح العين و كسر اللام ) على ليبيا لما القذافي بدأ يخرف و يتكلم علينا

اقتباس:

---

المشاركة الأصلية كتبت بواسطة factorialx

لا مش مؤامره بس مصر دلوقتي ضعيفه جداااا و هنتكلم على الكورة ليه ماتشوفوا العماله المصرية في ليبيا بيحصل فيهم إيه

السادات علم ( بفتح العين و كسر اللام ) على ليبيا لما القذافي بدأ يخرف و يتكلم علينا

---

فاكتور ده لما كان السادات موجود
وقبلها ايام ناصر مكنتش تسمع حس ...... من دول

اقتباس:

---

المشاركة الأصلية كتبت بواسطة factorialx

لا مش مؤامره بس مصر دلوقتي ضعيفه جداااا و هنتكلم على الكورة ليه ماتشوفوا العماله المصرية في ليبيا بيحصل فيهم إيه

السادات علم ( بفتح العين و كسر اللام ) على ليبيا لما القذافي بدأ يخرف و يتكلم علينا

---

اقتباس:

---

المشاركة الأصلية كتبت بواسطة cairo2005

فاكتور ده لما كان السادات موجود
وقبلها ايام ناصر مكنتش تسمع حس ...... من دول

---

اقتباس:

---

المشاركة الأصلية كتبت بواسطة human12

الاب اللى ماديش بريستيج لاولاده و مايديش قيمه ليهم ومايعرفش يحميهم
و الاب اللى مايسألش على عياله و مش يرعاهم
يبقى اى كلب فى الشارع يعضهم و يهزئهم و محدش يقوله انت بتعمل كده ليه

فهمت ؟

---

كله كووم والمخرج كوم تاني..........فناااان انه مايطلعش بلده غلطانه....يالذات في الطوبة بتاعة بركات

حد خد باله من الغرااااااااب ههههههههههههههههههههههههه ههههه

وحد خد باله من جون الاهلى اللى بيلعب ببطىء شديد لدرجه انه فاكر ان الاهلى كسبان 4 صفر مثلا

حد خد باله ان مستوى الاهلى زفت والمدرب دة لا يصلح

حد خد باله ان ابو تريكه بقا عامل زى الجمل ومش بيجرى وتعب وكبر وبقا حالته تقرف

حد خد باله بقا ان الفريق الليبى تعبان جدا جدا جدا

اقتباس:

---

المشاركة الأصلية كتبت بواسطة human12

الاب اللى ماديش بريستيج لاولاده و مايديش قيمه ليهم ومايعرفش يحميهم
و الاب اللى مايسألش على عياله و مش يرعاهم
يبقى اى كلب فى الشارع يعضهم و يهزئهم و محدش يقوله انت بتعمل كده ليه

فهمت ؟

---

طول ما احنا بنقول عليه الأب هنفضل ناخد على قفانا

اقتباس:

---

المشاركة الأصلية كتبت بواسطة madooo

طول ما احنا بنقول عليه الأب هنفضل ناخد على قفانا

---

يا باشا انت مش هنا ولا ايه؟
فى نايل موتورز ماينفعش تقول كلام تانى :)
get to feel the boundaries of the system you are in.

اقتباس:

---

المشاركة الأصلية كتبت بواسطة human12

يا باشا انت مش هنا ولا ايه؟
فى نايل موتورز ماينفعش تقول كلام تانى :)
get to feel the boundaries of the system you are in.

---

ان كرامة مصر , لا تسمح بهذه التلميحات ..

و بعدين يعنى اللى ملوش ضهر بيتضرب على اى حته , اصل لو عملنا شغب هناك , هما واصلين للفيفا و احنا هنتوقف و ه هنخسر فى القضايا .

و لو عملنا شغب معاهم هنا هتلاقوا الامن المركزى بيضرب فى المصريين بالشومة لحد ما يموتوا .

يبقي ليه ميضربوناش هنا و هناك ؟؟

و بعدين دول اخواتنا العرب , يضربوا براحتهم و يشتموا براحتهم , احنا مش اخوات ؟

اقتباس:

---

المشاركة الأصلية كتبت بواسطة terrible_darsh

ان كرامة مصر , لا تسمح بهذه التلميحات ..

---

ايوه كده يا درش
انت من الشباب الواعدين اللى حاطط عينى عليهم اول ما اروح لاظوغلى هجيب سيرتك بكل خير

عايزك تجيب الاهرام و الجمهوريه و الاخبار
و تقرا مقالات علامات مصر اسامه سرايا و احمد رجب و القط

دول هيعوضوا الفتره اللى انت ماتأسستش فيها كويس فى كيفيه التعبير عن حب الوطن و الاب

شد حيلك انت من الكفاءات الواعده

اقتباس:

---

المشاركة الأصلية كتبت بواسطة human12

ايوه كده يا درش
انت من الشباب الواعدين اللى حاطط عينى عليهم اول ما اروح لاظوغلى هجيب سيرتك بكل خير

عايزك تجيب الاهرام و الجمهوريه و الاخبار
و تقرا مقالات علامات مصر اسامه سرايا و احمد رجب و القط

دول هيعوضوا الفتره اللى انت ماتأسستش فيها كويس فى كيفيه التعبير عن حب الوطن و الاب

شد حيلك انت من الكفاءات الواعده

---

يا رب نكون عند حسن الحظ يا طارق بيك ,انا مخلى الناس دى لما اتعمق فى الوطنيات .

حاليا بسمع شادية ( اصله معداش على مصر ) و ده من حسن حظه و الله انه معداش على مصر و بحاول كمان اعرف مين الشخص اللى شادية تقصده , ادعيلى بالتوفيق - دى مصر - مصر يا ولاد ..

المشكله انك لما بتتصرف اي تصرف نص كم في مصر و تحاول تاخد حقك كل حاجة بتبقي متصورة و الشكوي جاهزة و احنا بنتبهدل و نضرب و نتشتم و كل شيء و مفيش اي حاجة

كل مرة كدة مش معقوله المسئولين عندنا عبط و سذج للدرجة دي كل مرة تاخد علي قفاك مش ممكن و لو حد هنا ولع صاروخ حوالين الاستاد مش جوة بتتصور و بتطلع شكوي للفيفا و بهدله و وقف و نقل مباريات

بس انا برضة سؤالي اشمعني مصر في الغل دة كله منها هي مصر اي نعم مش بتعمل حاجة لفلسطين و مواليه اكتر لاسرائيل بس العرب كلهم كدة مش مصر بس طب اشمعنا احنا

و لما الواحد و وهو مسافر يقابل حد عربي زيه بنبقي زي الفل و اكتر بيحصل ايه في الماتشات و التجمعات الفنيه و السياسيه حاجة تانيه خالص

يعني حتي دخلات اللعيبه امبارح عنيفه جدااااااااااااااا لعيبه افريقيا بطلوا الدخلات دي من زمان

قبل ماتش مصر و الجزائر بتاع القاهرة قلنا الاعلام هيج الدنيا و قومها

ماتش امبارح مفيش حاجة هيجت الدنيا الناس جايه ثايرة لوحدها

و الله يا جماعه انا درست كورسات لناس كتير اوي من كينيا و غانا و الكاميرون و المغرب و الجزائر و ليبيا و بوركينا فاسو و نيجيريا .... الخ كلهم بيحبونا علي المستوي الشخصي جدااااااااااااااا و عارفين قيمه مصر و انها بلد الازهر الشريف مش عارف لما بنروح هناك ايه اللي بيحصل

و الموضوع برضة مش اننا بنضرب علي قفانا و ساكتين طب ما هما بيبقوا مستأنسين جدااااااااااا مع اي دوله افريقيه و الفريق دة لسة متعادل علي ملعبه مع فريق مغربي في الدور اللي فات و عادي خالص برة اشمعنا احنا

و برضة شايف لعيبه الاهلي امبارح محدش هيج الجماهير و لا حد ضيع وقت و لا حد ادعي الاصابه يعني مفيش سبب و اتهزمنا بمنتهي السهوله يعني الموضوع هتتضرب هتتضرب كسبت خسرت هتتضرب

ربنا يهدينا يارب و نعرف عدونا بجد

السادات عن أصل العرب و الله الراجل ده جامد ربنا يرحمه

YouTube - ‫ط®ط·ط§ط¨ ط§ظ„ط±ط¦ظٹط³ ط§ظ„ط±ط§ط.ظ„ ط§ظ†ظˆط± ط§ظ„ط³ط§ط¯ط§طھ ط¹ظ† ط§طµظ„ ط§ظ„ط¹ط±ط¨.wmv‬‎

السادات و القذافي و روسيا

http://www.youtube.com/watch?v=tenjF...eature=related

اقتباس:

---

المشاركة الأصلية كتبت بواسطة terrible_darsh

ان كرامة مصر , لا تسمح بهذه التلميحات ..
؟

---

اقتباس:

---

المشاركة الأصلية كتبت بواسطة human12

ايوه كده يا درش
انت من الشباب الواعدين اللى حاطط عينى عليهم اول ما اروح لاظوغلى هجيب سيرتك بكل خير

عايزك تجيب الاهرام و الجمهوريه و الاخبار
و تقرا مقالات علامات مصر اسامه سرايا و احمد رجب و القط

دول هيعوضوا الفتره اللى انت ماتأسستش فيها كويس فى كيفيه التعبير عن حب الوطن و الاب

شد حيلك انت من الكفاءات الواعده

---

جدع يا هيومان
احب انا اوي الناس اللى لما تقع دي تجيب سيرة اخواتها حبايبها بكل خير ويجروا رجليهم معاهم علشان ميقعدوش لوحدهم
واهو الخير يعم على الكل بدل ما يبقي على واحد بس يتعب اوي
على فكرة انا معرفكوش انتم الجوز ولا عايز اعرفكم:44:

اقتباس:

---

المشاركة الأصلية كتبت بواسطة factorialx

السادات عن أصل العرب و الله الراجل ده جامد ربنا يرحمه

youtube - ‫ط®ط·ط§ط¨ ط§ظ„ط±ط¦ظٹط³ ط§ظ„ط±ط§ط.ظ„ ط§ظ†ظˆط± ط§ظ„ط³ط§ط¯ط§طھ ط¹ظ† ط§طµظ„ ط§ظ„ط¹ط±ط¨.wmv‬‎

السادات و القذافي و روسيا

http://www.youtube.com/watch?v=tenjf...eature=related

---

الله يسامحك يا فاكتور
قلبت علينا المواجع اكتر ما هي متقلبة
فكرتني بخطابات الرئيس المؤمن
كان يوم 6 اكتوبر يروح العرض العسكري ومدته مش اقل من 4 ساعات وهو لابس البدلة التفصيل الالماني اللى مش باين الهدوم فيها من النياشين

وفي عيد العمال ناخد اجازة ويفضل يخطب في التليفزيون من 11 ولا 12 الظهر لغاية 4 ولا 6 المغرب
ولا كان بيوقف ولا يستريح ولا يهمه
اه صحيح مين فيكم فاكر فتحية بتاعة المنحة يا ريس

ازاى تبقى خالتك حنينه عليك و امك مش حنينه

ملناش كرامه جواها حيبقى لنا براها!!!!!!!!!!!!!

اقتباس:

---

وفي عيد العمال ناخد اجازة ويفضل يخطب في التليفزيون من 11 ولا 12 الظهر لغاية 4 ولا 6 المغرب

---

عامة

الرؤساء الحكام الافضال القادة العظماء التلاتة

بيعرفوا يخطبوا كويس جدا..................

اقتباس:

---

المشاركة الأصلية كتبت بواسطة cairo2005

على فكرة انا معرفكوش انتم الجوز ولا عايز اعرفكم:44:

---

الله الله الله !

متعرفناش احنا الجوز ! و كمان حاطط ايموشن بيلعب بصوابعه زى بركات , كده هيومان ميعملش حسابك معانا .

هنبقي 2 بس فى التخشيبة , مش هناخد حد تانى و لا هنقبل زيارات كمان .

اقتباس:

---

المشاركة الأصلية كتبت بواسطة dr.almaghraby

عامة

الرؤساء الحكام الافضال القادة العظماء التلاتة

بيعرفوا يخطبوا كويس جدا..................

---

ضيعت نفسك يا دكتور مغربي
كدة فيه واحد ناقص
مين هو اللى نقصته ؟؟؟؟؟؟؟

اقتباس:

---

المشاركة الأصلية كتبت بواسطة terrible_darsh

الله الله الله !

متعرفناش احنا الجوز ! و كمان حاطط ايموشن بيلعب بصوابعه زى بركات , كده هيومان ميعملش حسابك معانا .

هنبقي 2 بس فى التخشيبة , مش هناخد حد تانى و لا هنقبل زيارات كمان .

---

يا بركات يا تاعبهم
ميعملش حساب مين يا عم
انت اللى قلت وهو شجعك وانا اللى هبلغ عنكم

حد فاكر الشباب الي كانوا مسافرين ايطاليا عن طريق ليبيا واتقبض عليهم ورحلتهم ليبيا الى مصر وسلمتهم في السلوم للشرطة المصريه الشباب دول كانوا ولاد ناس وحاصلين على شهادات... ليبيا رحلتهم في اوتوبيسات زي البني ادمين لحد السلوم واستلمتهم الشرطة المصرية وخزنتهم هناك الى ان جائت عربية الترحيلات وكابستهم زي شكاير الاسمنت في العربيه الصفيح الزرقاء مع المجرمين وخلافه وطلعت العربيه من السلوم الي قسم الخليفة في مصر دون اي اعتبار ان العربية فيها بني ادمين وفي عز الصيف ولما العربية وصلت مصر كان شابين ماتوا من الخنقه ولحقوا الباقي والجرائد كتبت عن الموضوع ده وكانت فضيحه ( طبعا لو ماكنش ليك قيمة ولااحترام في بلدك عمرك ما هيكون ليك قيمه ولا احترام بره )

مع احترامى لكل الردود ولكن الملخص لكل ما يحدث لنا الان هو عدم الوعى والقراءه لاكثر من 90فى المائه من المصرين للتاريخ وخصوصا لتاريخ بلدنا تفضلوا بشاهده هذا الفيديو لتعرفوا كيف كنا والى اى حد وصلنا وللعلم هذا الفيديو فى ليبيا الشقيقه سبتمبر 1970
YouTube - ‫ط¹ط¨ط¯ ط§ظ„ظ†ط§طµط± ظپظٹ ظ„ظٹط¨ظٹط§ .........http://alaa1012.blogspot.com/‬‎