-
مراية كورولا
الحمدلله وقعت في واحد من اللي بيرمو نفسهم علي العربيات واحد رما نفسه علي عربيتي قال انا خبته يعني راح ماسك في المراية كسرها ووقع و اه وايه واوه راسي عيني رجلي ومعرفش اية علشان ياخد فلوس (حسبي الله ونعم الوكيل)المهم مجرد ماخد فلوس جم اتنين يسندوه مافيش بلف بعديها بيومين لقيت بيجري ورا واحد في الشارع زي الرهوان ولا فيه خدش وواحد قالي الواد دة لسه خبطاه عربية من شهرين فصاحببها ادا له فلوس فعجبتة الحكاية واشتغل فيها (بعد ما سيب ركبي) المهم موضعنا دلوقت المراية اللي كسرها هي المراية اليمين واكسرت من عند القاعدة الباغة او الفبر بس بقيت كف المراية كله سليم بالمراية نفسها مافيهاش خدش فهل ممكن اجيب قاعدة بس للمراية ولا لازم مراية كاملة جديدة وهل الحكاية لازم تتعمل في التوكيل علشان الضمان ولا ممكن تتعمل برة وعند مين.؟(العربية تويتا كرولا 2007)؟؟؟؟
-
fi al twkeeeeeeeeeeeeeeeeeeeeeeeeeeeel w tlama fi al dman a3tkd tb2a for free
IBIIIIIIIIIIIIIIIIIIIIIIIIIIIIIIIIIIIIIZZZZZZZZZZZ ZZZZZAAAAAAAAAAAAAAAAAAAA FOR EVER
-
لأ طبعا ده مش ببلاش :s
ده سوء استخدام....و مش عيب صناعه...
فتجبها علي حسابك.....و اعتقد ان صعب تلاقي القاعده بس لوحدها....
و جرب انزل الوكاله يمكن تلاقي هناك
-
طب عندك فكرة المراية كلها بكام تقريبا؟
-
حبيب قلبي قدر الله وما شاء فعل
كلم الرقم ده
24507018
ده المحل بتاع عرفة جابر وهو مركز قطع غيار معتمد من تويوتا ايجبت
واسالهم بكام
وان كانت اصلي ولا تايواني ولا صيني
وبلون العربي ولا سوداء ولا ايه ظروفها
وكمان تقدر تكلم تويوتا اجيبت في 16550
وتطلب قسم قطع الغيار تسال عن تمنها كام عشان يبقي عندك ريفرانس
معلش قدر الله وما شاء فعل
-
مش عارف بالنسبة للتويوتا ايه النظام بس انا معايا اوبل فكترا قبل كده اوتوبيس ابن حلال شالى المراية اليمين ورحت اشتريت الشاسية الباغة بس من التوكيل وركبهالى
انا مش عايزك تخاف من السعر الشاسية (القاعدة) بس كلفتنى حوالى 350 جنية :)
بس طبعا انت عارف ان مراية الاوبل فكترا خصوصا مختلفه عن المرايات التانية عشان ليها شكل مع الكبوت فعشان كده غالية حبتين
معلش بحب الالمانى مهما تكون اسعاره ألمانى :d
-
انا حصل معايا الموقف ده عن طريق اوتوبيس عام دخل شاللي المراية الشمال من نفس المكان اللي بتقول عليه "قاعدة المراية"
رحت التوكيل قالولي لازم تشتري المراية كلها ... لكن خدني مهندس على جنب وقاللي انت ممكن تروح لحد يحطلك دعامة حديد جوة المراية ويمعجنها ويدهنها بنفس اللون ومش هتبان ...
المهم نزلت شارع دمشق لواحد اسمه العربي قدام البنزينة بتاعة موبيل عملهالي بصراحة بحرفنة وخد 80 جنيه ... وشغاله بقالها حوالي شهرين ...
-
Content Relevant URLs by
vBSEO 3.6.0 PL2