في رايك ماهوا السر وراء عدم انتشار رينو سيمبول

**ashrafsadany** · 28-04-2010 02:47 AM

المشاركة الأصلية كتبت بواسطة zkralla

ازيك يا استاذ اشرف
كان ليا تعقيب صغير على النقط الى مكبرها من الاقتباس مع علمى أنك بتحترم اللوجان
أنا الى حاطط اللينك الى بتاع تقيم السيمبول
مش معنى سياره شعبيه أنها مش محترمه
اللوجان تصميم فرنسى صممت فى technocentre وهو مركز رينو للتصميمات الهندسية الواقع بالقرب من باريس
اللوجان تخضع للمواصفات الاوربيه لانها بتتباع فى دول اوربيه كتيرعلى رأسها فرنسا والمانيا

اخى الفاضل ازى حضرتك انا اعلم جيدآ ان السيارة لا تقارن بباقى المنافسين ودا فى كلامى انها افضل منهم بفارق كبير لاكن انا اقصد بشعبية هيا مستوى التجهيزات ومكونتها التى تجعلها تنافس فى فئة سعرية معينة
وموضوع ان تم تصممها فى فرنسا دا اكيد لان داتشيا شركة من شركات رينو فلازم تستفيد من تقنيات وامكنيات رينو لاكن فى الاصل واغلب مكونتها رومانية لاكن مقصدى من ان السيمبول تخضع للمواصفات الاوربية ما اقصدة هوالمكونات الداخلية للسيارة اغلبها فرنسى والكمبيوتر المانى والباقى تركى وبرضو يخضع للمواصفات الاوربية فى التصنيع

**zeyad_f** · 28-04-2010 08:01 AM

المشاركة الأصلية كتبت بواسطة ashrafsadany

هوا الموضوع محتاج شوية وقت والسيارة ان شاء الله تثبت نفسها ودا مش سهل فى مصر زى محصل مع عربية زى الفيات اللينيا نازلة من 2007 لاكن مبتدتش تنتشر الى اواخر 2009 لما اثبتت جودتها ومميزتها وفعلآ عربية انا شخصيآ بحبها ولولا انها مانيوال مكنتش ترددت لحظة فى اقتنائها لاكن السيارة بلفعل منتشرة فى الجزائر وتونس زى ال128 عندنا

دة كلام مظبوط 100% , ولاكن هذا في حاله استمرار التوكيل في استيراد السيمبول , ولاكن كان في واحد زاميلنا في المنتدي حاجز السيمبول وهما في التوكيل قالو ان الدفعة الي جاية اخر الشهر الي جاي هتكون اخر دفعة, لان ثمن السيمبول غلي برة ومش هيقدرو يستوردها بسعرها الجديد علاشان هتكون غالية. في هذة الحاله اعتقد ان السيمبول هيكون مقدر لها عدم الانتشار. والسؤال هوة هل عدم انتشار السيارة يعتبر عدم اثبات كفائة ؟

**hossam_ggg** · 28-04-2010 12:41 PM

المشاركة الأصلية كتبت بواسطة zeyad_f

دة كلام مظبوط 100% , ولاكن هذا في حاله استمرار التوكيل في استيراد السيمبول , ولاكن كان في واحد زاميلنا في المنتدي حاجز السيمبول وهما في التوكيل قالو ان الدفعة الي جاية اخر الشهر الي جاي هتكون اخر دفعة, لان ثمن السيمبول غلي برة ومش هيقدرو يستوردها بسعرها الجديد علاشان هتكون غالية. في هذة الحاله اعتقد ان السيمبول هيكون مقدر لها عدم الانتشار. والسؤال هوة هل عدم انتشار السيارة يعتبر عدم اثبات كفائة ؟

لا دا مالوش اتصال بعدم كفائه العربيه هيا بعدم وجود ربح منها وراها عالي للتوكيل بتاعها يعني من الاخر مش هايقدر يطلع فيها مبلغ كويس زي ماهو عايز فيجبها تاني ليه

**zeyad_f** · 29-04-2010 12:32 AM

المشاركة الأصلية كتبت بواسطة hossam_ggg

لا دا مالوش اتصال بعدم كفائه العربيه هيا بعدم وجود ربح منها وراها عالي للتوكيل بتاعها يعني من الاخر مش هايقدر يطلع فيها مبلغ كويس زي ماهو عايز فيجبها تاني ليه

المشكله ان ديما الناس بتقيس نجاح او فشل العربية بمدي انتشارها ودي حاجة غريبة لان في عربيات كتيرة منتشرة زي الافيو مثلا مع ان فية ناس كتير في المنتدي وغير المنتدي بتشتكي منها ومازالت العربية دي في انتشار مستمر!!
بس الحاجة الي فعلا تخلي الواحد يقلقك هية لما التوكيل يبطل يستورد العربية لانها غليت ومش هتقدر تنافس في السوق المصري , و بالتالي حتكون مش منتشره , مش كدة قطع الغيار هتكون قليلية و مش متوفره او تكون غالية لان العربية سعرها غلي برة ؟

**ashrafsadany** · 29-04-2010 01:04 AM

سياسة التوكيل فى توافر قطعة الغيار فى الغالب مبتكونش مرتبطة بأنتشار العربية او عدم انتشارها وكذلك سياسة التسعير لان فى جميع الاحوال هوا فى حالة عدم توافر القطعة عندو خط استيراد مفتوح مع المورد الرئيسى فغالبآ بيديك 15 يوم لحين توافر اى قطعة حتى لو مش موجودة وكذلك التجار الكبار الى بيستوردو قطع الغيار وعمومآ السيارة اغلب الاجزاء الميكانيكية مشتركة مع كليو 2005 اوتوماتك ودا غالبآ متوفر برة التوكيل وجواة
واعطاء لمثال على كلامى ان انتشار قطع الغيار ليس لة علاقة بأنتشار العربية ولاكن مرتبط بحجم استهلاك القطعة من عدمة وحجم الطلب عليها انا كان معاية تويوتا 2007 وطبعآ انتا عارف يعنى اية تويوتا انتشارآ وتوافر قطع غيار ومستوردى لها خارج التوكيل ورغم كدا فى كارتيرة بلاستك مسئولة عن تغطية منطقة اسفل الموتور حتى الاكصدام الامامى ولم تكن متوفرة فى السوق بلكامل عند اكبر وكلاء تويوتا ولا التوكيل نفسة لدرجة ان سبب سؤالى عليها انها اتسرقت من عندى من تحت العربية لان شكل حد كان عايزها وملقهاش فى السوق راح سارقها من عندى وعجبى بس دا حل ممكن يطمن بردة ممكن لو ملقتش قطعة غيار تروح لواحد حرامى يسرقهالك من عربية تانية بس للاسف الحرامى هيبيع ويشترى فيك علشان العربية مش منتشرة ومشبعيد يبتزك

**emadhassan** · 29-04-2010 01:24 AM

السيمبول يا جماعة ممتازة جدا انا استلمتها من شهرين و مرتاح جدا يكفى انها موفرة فى البنزين و كمان التقفيل رائع ووكيل محترم التعامل معاهم زى الساعة مافيش ميعاد قالوا عليه وطلع فض مجالس من ساعة ما حجزت العربية حتى الان 0كل عيبها انها ضيقة شوية فى الصالون ودى حاجة نسبية وفقا لطول الركاب و عدد افراد الاسرة لو مش طوال اوى او عدد قليل مش حيكون فى اى مشكلة وانا مع استاذ اشرف فى تحليله للأسباب عدم انتشارها0

**zeyad_f** · 30-04-2010 10:56 PM

المشاركة الأصلية كتبت بواسطة ashrafsadany

واعطاء لمثال على كلامى ان انتشار قطع الغيار ليس لة علاقة بأنتشار العربية ولاكن مرتبط بحجم استهلاك القطعة من عدمة وحجم الطلب عليها انا كان معاية تويوتا 2007 وطبعآ انتا عارف يعنى اية تويوتا انتشارآ وتوافر قطع غيار ومستوردى لها خارج التوكيل ورغم كدا فى كارتيرة بلاستك مسئولة عن تغطية منطقة اسفل الموتور حتى الاكصدام الامامى ولم تكن متوفرة فى السوق بلكامل عند اكبر وكلاء تويوتا ولا التوكيل نفسة لدرجة ان سبب سؤالى عليها انها اتسرقت من عندى من تحت العربية لان شكل حد كان عايزها وملقهاش فى السوق راح سارقها من عندى وعجبى بس دا حل ممكن يطمن بردة ممكن لو ملقتش قطعة غيار تروح لواحد حرامى يسرقهالك من عربية تانية بس للاسف الحرامى هيبيع ويشترى فيك علشان العربية مش منتشرة ومشبعيد يبتزك :c_laugh[1]:

مش عارف اقولك اية يا استاذ اشرف , انا مش مضدق الي انا بقراة الناس ضميرها اتعدم , معقول حد يسرق قطعة غيار من عربية في الشارع .... انا طبعا مقصدش اكدب حضرتك بس فعلا انا مندهش

و مش متخيل ان دة ممكن يكون حل اساسا حتي لو الحرامي هيبتزني . لان ببساطة الي ماحبوش لنفسي ماحبوش لغيري . ولا انت رئيك اية ؟

**ashrafsadany** · 30-04-2010 11:23 PM

يا اخى الفاضل حضرتك بس الى اكيد جديد فى مصر او فى حفاظة الله ربنا يجعلنا دائمآ فى حفاظتة واولادنا واموالنا
السيمبول اتسرق الاريل بتاعها بعد ماجبتها بحوالى 5 شهور فى الدقى وكان فى اخ معاة نيسان تيدا جديدة نزل لقاها على حجارة وسرقين الاربع جنوط وكان مصورها هنا فى المنتدى الحمد لله انها بتيجى على اد كدا ربنا يخلف علينا بلخير ويحفظلنا اموالنا واولادنا