عرض للطباعة
الموضوع مش لى يا جماعة
اطمنوا
انا واحد معرفة حصله الموضوع ده....فى فيصل...مش مخالف عكس اتجاه السير
الظابط ما رديش يديله وصل وأخد الرخصتين
وقاله المفروض تاخد حبس....لكن روح نيابة مرور فيصل وادفع الغرامة
هل فيها حبس....ولا لو دفع ما يتحبسش....وهل فيها واسطة؟؟؟
يعنى لو كلمتله حد ....ينفع يخرج منها
برجاء سرعة الرد يا جماعة
ازااي خد الرخص ومدلووش وصل
المفروض ياخدوا عيل النياابة ويدفع
ولو مدفعش ياخد حبس
انما كدة بقي مش عارف
انا مرة اتمسكت عكس الاتجااة ومكنتش اعرف
واديت امين الشرطة 5 جنية ههههههه اة والله
وتحيا حكومة مصر
غرامة عكس الإتجاه 1050 أو 1150 مش فاكر بالضبط ، لو عندك واسطه ألحق الظابط قبل ما الرخص تروح الإسم لأنها لو راحت و إتسجلت يبقي خلاص ولازم تدفع المخالفه
اقتباس:
المشاركة الأصلية كتبت بواسطة yalahwy2010
المفروض يديله وصل طبعا ازاي ياخد الرخص بدون وصل
عموما لو في واسطه حيجبله الرخص من الظابط
وحتى لو المخالفه اتسجلت الواسطه فايدتها
انه حيديله الحد الادنــــــــــــــــــــ ــى من الغرامه
الظابط قاله لو حد مسكك قلهم ان عادل عبد المولى هو اللى سحبهم
طيب ما حدش يعرف الحبس قد ايه؟؟؟؟
والغرامة كام؟
الغرامة لا تقل عن 1000 ولا تزيد عن 3000 و يتم سحب الرخص و السيارة الىى الحضانة الى ان يتم الدفع
و فى بعض الاحيان لو عكس الاتجاة فى شارع رئيسى و حيوى جدا يحبس السائق الى ان يتم عرضة ع النيابة و تكون مدة الحبس لا تقل عن شهر و لا تزيد عن ثلاثة شهور مع دفع الغرامة
شكرا يا جماعة على الردود...انا كتبت وما كنتش شفت الردود
الف شكر
ياباشا أنا الموضوع دة حصل معايا مرة بعربيتى الاوبل وسحب الرخصتين وقالى ملكش إيصلات وبكرة تيجى لى مرور فيصل عشان تدفع المخالفة وإحتمال يبقى فيها حبس
بس الحمد لله أول أما أتمسكت كلمت والدى ووالدى كلم واحد تبعه وجابلى الرخصتين لحد البيت
بس أهم حاجة لو تعرف حد فى قسم الهرم كلمه بسرعة قبل ما يسجل المحضر عشان لو إتسجل محضر يبقى لازم يدفع الغرامة
عمي اتسحبت منه في 6 اكتوبر ودفع 1200 جنيه عشان ياخد الرخص
انا لسه دافع الغرامة بتاعت عكس الاتجاه 1050 جنيه و مفيهاش حبس خالص كان زمان لكن دلوقتى الحبس لبتوع الاجرة بس وطالما اخد الرخصة و ماداهوش وصل يبقى سير عكس الاتجاه ومافيهاش واسطة خالص
هيحصل الأتي
الظابط هياخد الرخص ويعمل بيهم محضر إن السواق (فر هاربا) وده عشان الظابط مش هيعرف يتحفظ عليه لغاية ما الكمين يخلص
هتروح النيابة في حالتين
الحالة الأولي يكون المحضر لسة في القسم وفي الحالة دي وكيل النيابة هيبعتك القسم عشان تجيب المحضر و هتفاجأ إنك جي مع عسكري متكلبش للعرض علي النيابة
الحالة الثانية يكون المحضر راح النيابة وده نادرا ما يحدث
كده كده النيابة هتفتح معال تحقيق سريع كده
حبس أو كفالة علي حسب ما النيابة دي ماشية وغالبا كفالة للملاكي
العقوبة من 1000 إلي 3000 جنية
لو النيابة إدت أمر جنائي هيبقي 1000 جنية لو وكيل النيابة نزل القضية جلسة القاضي هيحكم براحته من 1000 إلي 3000
طب مخالفه كسر الاشاره الي بالكاميرات بكاااام ؟؟؟؟؟؟؟
اقتباس:
المشاركة الأصلية كتبت بواسطة ahmedbahgat
ياساتر ,,, الواحد مايمشيش مخالف أفضل
اقتباس:
المشاركة الأصلية كتبت بواسطة mido_fiat_128
معلش بس كلام حضرتك مش مظبوط فى النقطه دى
الحبس موجوده وبتتعمل جنحه سير عكسى
انا اخويا من اسبوعين حصل له ده واول حاجه بتوع المرور بيعملوها انهم بيبلغوا فى اللاسيلكى عن المخالفه ومادامت اتبلغت فى اللاسلكى يبقى خلصت
وغرامتها 1100 جنيه
انا حصل مع اخويا كده سحب الرخصتين ومادلوش حاجه
وقاله لو اديتلك وصل يبقي لازم احبسك انت والعربيه فا امشي احسن وتعالي بكره النيابه ادفع وخدهم
بس المشكله بقي ان اخويا كان نازل اجازه من الجيش ومشي يوميها بليل
وروحت انا لحد القسم الصبح وحطيت رخصتي مكانه ب 50 جنيه للموظف طبعا
وعمل المحضر بأسمي
بس الظابط بصراحه عمل واجب مالوش حل
دخلت لوكيل النيابه لقيت المخالفه سير عكس الاتجاه وتعريض الاخرين للخطر - و سب وقذف الظابط اثناء تأديه عمله - الهروب من الكمين
وطبعا ةوكيل النيابه قالي انت فاكر نفسك بن لادن ولا ايه ولما حكيتله اللي حصل قالي ولا يهمك ودفعني 700 جنيه فقط
ربنا يجازيه كل خير بجد كان راجل محترم وزوق جداااااا
يا نهااااااااااااااااااار ابيضاقتباس:
المشاركة الأصلية كتبت بواسطة hema_lancer
ايه ده ياعم ده روقك آخر روقان
بس اكيد اخوك عمل معاه حاجة ضايقته برضه مهو مش هيعم كده منه لنفسه
بالنسبة لموضوع السحب
هو بيسحب الرخص بدون ايصال ده طبيعي لانه المفروض انه بيحسبك لحد العرض مع النيابة
ولو تفتكرو ان الدنيا هاجت من فترة علشان في سيدات اتحبسوا وباتوا في القسم وطبعا انتوا عارفين او سمعتوا قبل كده عن البيات في الاقسام ربنا يحفظنا
وبياخد الظابط الرخص علشان يضمن انك ترجع تاني يوم علشان تتعرض على النيابة
اللهم اعيذنا من عكس الاتجاه
نفسي اعرف ازاي يحطوا واحد دخل عكس اتجاه في الحبس مع المجرمين :dontudear:
+111111111111111اقتباس:
المشاركة الأصلية كتبت بواسطة wghazi
السلام عليكم ورحمه الله وبركاته
المكان دا انا حصل معايا نفس الموقف
حضرتك هتريح اسبوع
وهترج قسم الهرم تسأل عن محضر بتاريخ يوم السير عكس الاتجاه تاخد نسخه من المحضر ب 5 جنيه
تطلع صاروخ على مرور فيصل
تحت الكبرى ادامه واحد بتاع عصير قصب هتنتظر عن الباب الحديدى مش عند الشباك لحد ما يفتح الشملول العسكرى المدنى تروح دافع يدولك الرخص مدبسه 1000000 دبوس بعد نص ساعه
الغرامه 1021 جنيه بالضبط وهياخد 1030 على اساس يجبهالك بدرى عن ميعادها قله لا هستنى وهيجبهالك لان مفيش اولويه يعنى هتدفع رشوه وتاخد ذنب انت وهو ومش هتاخدها الا فى وقتها يبقى وفر على روحك الوقت و افلوس والذنب
وربنا يكفينا شر عكس الاتجاه وانا بقول للناس كلها المسافه اللى صاحب الموضوع اخدها مخالفه مفروض تكون دوران عكس الاتاه ب 50 جنيه بس بس هما ولا ........*
وانا ساكن اصلاً هناك مش عاوز اقلكم كل يوم اكتر من 20 محضر دا غير بقا المطاردات اللى بتحصل كانى فى شيكاجو :)
كده خلاص اتقيدت جنحه
الغرامه من 1050 الى 1125
ربنا يعوض عليك
دفعتها شهر 8 اللى فات
انا دفعتها 1120 هيا 1020 و 100 علشان الرخصه الهاه كانت مسحوبه وماشي بوصل منتهي من 3 سنين
:fun_36_3_4[1]:اقتباس:
المشاركة الأصلية كتبت بواسطة party_0000