هات من الاخر بكام انا مليش خلق للفصال ده :44:
عرض للطباعة
10 جنيه !!!!!!
والعيش والملح اللى بيننا يا راجل...
كفاية 2 جنيه فى الحصة....
و3 مرات فى الاسبوع واخر الكورس نبدأ العملى...
سيبك من الكلام الفاضي ده يا ابو الشنانير و اطلع من دول يا راجل
ده انت حاطط مدافع و صواريخ موجهه في المحل
كفايه كده ولا اقول الباقي؟
الله يرحم ايام الفرعون اياه يا شنوري
ده انت كنت خاربها
بجد ليك وحشه و كل ما افتكر يوم اسكندريه تيجي علي بالي
عايزك تشيل المعاد المضروب بتاع عيد ميلاد المنتدي و تحطلنا المعاد الصح
علشان نعرف نقابل الناس الصح
و سلام للجدعان
الرجاله اه
الاندال لأ
هههههههههههه انت تخش على التاجر وتقوله اوعى يغرك جسمك هههههههههههههه والله المنتدى دا عسل سكر والناس اللى هنا ملهومش حل التجار معندهمش ضمير فى مصر خالص يشوفوك محترم وابن ناس الحاجه اللى بالف تبقى بالف ونص علشان راكب عربيه ولا مبتفاصلش اوبتتكلم باحترام يبقى هيبعلك بالغالى والتجار هنا جشعين يعنى مش بيكسبو بما يرضى الله لا دول بيكسبو اضعاف تمن السلعه انا مش عارف بيعملو كدا ليه ميكسبو اه مفيش مشكله بس بما يرضى الله دا حتى ربنا مش هيباركلهم فى الرزق دا كدا فعلا بتهيئلى الكلام دا فى مصر بس مش فى حته تانيه علشان فى انجلترا مثلا كنت سمعت انك بعد استعمال المنتج لفتره وطلع فيه عيب بترجعه للمحل ويدوك فلوسك تانى كمان ويطلبو منك انك يعنى تعفو عنهم ومتقاضيهمش ام الاحترام والتعامل النضيف مش هنا لو اشتريت حاجه من حد وخرجت من باب محله بعد كدا ميعرفكش اصلا يالله نشوف الحاجات دى فى دنيا تانيه بقى
ملآخر
خد معاك واحدة ست
انا والدتى بتفاصل فى الحاجة لدرجة ان البياع ممكن يسيبهالها ببلاش بس تطلع من المحل بتاعة ههههههههههههههههههههههههه هاقتباس:
واحدة ست
شوف يا سيدى موضوع الفصال ده بقي شئ اساسي لغياب الامانة من معظم البائعين والجشع والطمع الزايد
المهم اول حاجه فكر فى انك اول انت وبيتك بكل فرق هتنزله وده على فكرة مش بخل
فى حالات توافر فرصة تسعيير فى اكتر من مكان يبقي تمام وتختار واحد يكون عنده سماحة كدا وابن حلال تاخد وتدى معاه فى الكلام
طيب لو مفيش فرصة للتسعير يبقى على حسب منظورتك للشئ
مثلا انت رايح تجيب حاجة ب 100 ج تسال نفسك تنفع معاك بكام وتكون مرضى وموفر ومبسوط مثلا 80
يبقي تروح وتاخد وتدى فى الكلام معاه
بص ياسيدى بعد السلام عليكم انا جيت لك مخصوص وديه اول مرة وان شاء الله انا هبقى معاك على طول وتكسب زبون جديد
هيقولك تحت امرك تشرف
ها كام هيقولك ب 100
انت شوف يا سيدى انا مبحبش الفصال فشوف انت هتكرمنى فيها بقد ايه والجيات كتيير ولازم تعمل معايا واجب وتضايفنا
هيقولك يبقي عشان خطرك 90
تروح مطلع ال 80 ومديهملوا مرضيش يعنى انا جيت معاك دوغرى وانت برضوا مصمم يعنى خلاص بقي خليها عليك المرادى
لو موفقش اديله خمسة كمان وشكرا على قد كدا
وتمشى وانت حاسس انك انتصرت عليه والشعور ده لذيذ جدا بغض النظر عن الفلوس ممكن ترميها فى اى حاجه بعد كدا
انا مرة كنت رايح اعمل بار لمحل اتصلاات بتاع واحد معرفة ورايح اتفق مع النجار راح قيل عشان خطركم انت بس ومن الاخر يبقي مصنعية 200 ج قولت له انت بتتكلم ازاى يا عم انا جيلك انا واتلات شباب زى الورد ولازم تعمل معانا واجب وتضيفنا وتكرمنا فى السعر كمان
رد واحد جنبة لازم تكرم الشباب حالتهم تعبانة انت مش شيفهم كلهم دقنهم طويلة اهوا رديت وقلت اه ممعناش فلوس نحلق هههههههههه
قال خلاص يبقي لكل واحد 10 ج يحلق بيها قلت له تمام طب وواجب الضيافة كل واحد حاجة سقعة كمان يبق هنديلك130 ج
فاق بقي من التهريج لما سمع المبلغ زقال ليه هى الحاجة الساقعة بكام
قولت له محنا مبنشربش غير كانز المهم خد فى الاخر 140 ج
بس كان حوار جامد جدا
انا مش ليا في الفصال خالص. اخش المحل الراجل قالي سعر كويس وعجبني ماشي. غير كدا اسيبوا وامشي حتى لما بحب افاصل والراجل يوافق صحابي يقولولي ايه اللي خلاك تفاصل وتتكلم كانت هتنزل عن كده لولا انك اتكلمت هو وافق.:khd:
مفيش احسن من البنات الستات والبنات في الفصال وخير دليل والدتي ساعات بقول لو انا البياع انا هطردها من المحل.
لكن المفاجأة الاقي اللي مش متوقعه والراجل وافق :O_stupid[1]:
فى البلد دى و زمم بعض التجار لاااااااازم تفاصل وتفاصل كويس
انا مكنتش بفاصل كان اخرى اقلة نزلها شوية و اديلة اللى يقولة
بس مرة سألت على حزام كدة واحد واقف فى الشارع قالة 15 انا كنت بسأل بس مش هشترى بعرف سعرة
قلتلة شكرا و مشيت
قالى 13 قلتلة لا قالى 10 قلتلة مش عايز اصلا قالى 8 و بعدين قالى 7 وانا ماشى قلتلة واللة انا مش هشترى انا بسال بس قالى طب شوف عايزة بكام !!
فى طرقتين بعملهم مثلا الحاجة ب 120 فى مثلا انة اقلة اخرها كام يقلى كذا احاول انزل معاة شوية وبعدين نحط سعر فى النص مثلا احط انى عايزها ب 90 و لو جت ب 100 مش هزعل
وفى طريقة تانية بقى صحابى بيعملوها و دى ساعات بتصيب و ساعات بتعصب البياع
انة يقول مثلا 130 تقلة 50
هيقلك ازاى و بتاع دى جملتها عليا 100 وتبداء معاة من 100
بس جامدة اوى دى
الستات بقى فى الفصال سبحان اللة
احنا مثلا اقول سعرى و هوة يقول سعرة وياشترى يمشى
دول بقى بحسهم مش هيمشو هتقرفو لحد ماتخد بالسعر اللى فى دماغهم و تعمل نفسها مغلوبة عشان لو جتلة تانىd:
طول ما التجار معليهمش رقابة
هيسرقوا فى عز الضهر
واكبر دليل انه المفروض اى سلعة يوضع عليها السعر يبان للكفيف
مش يقولك خامة ايه وبلد مش عارف ايه
ده قلة ادب ياراجل
ويقعد يحلف ميت امين انه ميعرفش ميرفت يمين
انا الحمد لله كل حاجة بشتريها لازم افاصل فيها
ودى هى القاعدة اللى كلنا لازم نتبعها لان كل التجار لما بيقولوا السعر بيكونوا عاملين حساب الفصال
وعلشان الخطة تنجح انا باتبع الاتى:
1- لازم وانت بتشترى وقبل ما تسأل عن السعر تطلع اى عيب فى السلعة حتى لو كان عيب وهمى وتقنع بيه البائع علشان لما يقولك على السعر تقدر تفاصل معاه كويس بحجة هذا العيب
2- لو كنت معجب جدا بالسلعة وشايف انها لقطة لازم تظهر على وجهك علامات عدم الرضا عن السلعة وان انت بتشتريها غصب عنك واوعى تصرح للبائع انك معجب بيها
3- لو بتشترى سلعة من مكان فيه محلات جنب بعض بتبيع نفس السلعة وبعد ما تنفذ 1 و 2
قول للبائع انا عاوز من الاخر انا سألت فى محلات قابلك ولو انت قلتلى اقل منهم هشترى منك
طبعا هيقولك سعر وممكن فعلا يكون اقل من المحلات الاخرة بس برده فاصله تانى
شكرا على الردود يا رجالة.....
مسألتناش لية واحنا قاعدين فى القهوة امبارح
بص يا mencho عاطف ده ولد بيعرف ازاي يجر رجلنا ويدحلبنا في الكلام علشان الموضوع يشعشع والقعدة تحلو والكلام بيجيب كلام والناس تستفييييييد