ازاى افاصل ؟؟؟؟؟!!!!

**ganash** · 24-04-2010 07:19 PM

انا زيك بالضبط ما اعرفش افاصل خالص يقولى كذا اديله وخلاص بانتظار الخبراء

**بحري** · 24-04-2010 07:23 PM

متشغلش بالك بموضوع الفصال
قبل ما تشتري حاجة أو تاخد خدمة إسأل على سعرها...... مناسب ليك وإنت شايف المصلحة اللي بيحققها تساوي الفلوس دي.. ادفع وريح دماغك وخلي الناس تسترزق
لو السعر مش مناسب ليك لأي سبب أو شايفه مبالغ فيه قول للبائع ألف شكر واتدور امشي...بس خلاص
لو كل الناس عملت كده محدش حيغلي الأسعار و حتلاقي التاجر هو اللي بيمسك فيك ويتحايل عليك إنه يديلك السلعة بثمن عادل بمكسب معقول له وفايدة مناسبة لك

**3ateef** · 24-04-2010 07:27 PM

بارك الله فيك يا استاذ بحرى...

الاخوة الأفاضل اللى مش بيعرفوا يفاصلوا...

تم الاتفاق باجماع معظم الآراء على ان تسأل عن السعر قبل الشراء..
والله الموفق....

تحياتى...

ويا ريت لو فى نصايح ازاى ابقى زبون رزل مع تاجر رزل....

**M.Zaher** · 24-04-2010 07:28 PM

المشاركة الأصلية كتبت بواسطة qenacity

انا بروح للتاجر واقول له بما يرضى الله الحاجه دى آخرها كام . وهو وضميره

ده انت لقطه
لازم ياباشا تسال على السعر قبل ماتشتري حاجة و ماتشتريش من اول محل يقابلك اسال في كذا مكان الاول

**M.Zaher** · 24-04-2010 07:37 PM

المشاركة الأصلية كتبت بواسطة 3ateef

بارك الله فيك يا استاذ بحرى...

الاخوة الأفاضل اللى مش بيعرفوا يفاصلوا...

تم الاتفاق باجماع معظم الآراء على ان تسأل عن السعر قبل الشراء..
والله الموفق....

تحياتى...

ويا ريت لو فى نصايح ازاى ابقى زبون رزل مع تاجر رزل....

ادي اول الرزاله

بص دايما البائع محتاجلك زي مانت محتاجله
ولازم هايحليللك الحاجة اللى بيبعها تقوم انت بقى تطلع فيها القطط الفاطسه بس مش بالكذب يعني
يعني يقولك دي اصليه قوله عادي يعني مهيا موجوده عند كل الناس نفس الاصلى
دي بتنور في الظلمه قوله طب في النور هاتعمل ايه هاتصفر مثلا
و كده يعني بس اهم حاجة الجرأة انا بلاحظ دايما ان ناس كتير وهيا رايحة تشتري بتبقى خايفة يمكن خايف يتضحك عليه ولا يتغش و ده بقى اكتر واحد بيتضحك عليه
خليك جرئ و انت هاتعرف تاخد حقك
وبعدين خد بالك بقى من نقطه مهمه لو بتشتري مثلا و قعدت تفاصل مع الراجل هوه قاللك 1500 جنيه مثلا لو لقيته نزلك مبلغ كبير مثلا قاللك خلاص نمشيها 1350 اعرف انه هجاس لانه 150 جنيه كتير في تمن حاجات كتير
وخد المثال ده روحت اسال على كمبيوتر للعربيه الراجل قاللى ده المفتوح و اللى بيركب على عربيات كتير قولتله انا بقى ايه يعني على اساس اني مشغل اسطول عربيات دايو و كل يوم هاركبه في عربيه
قاللى ده الاصلى قولتله المهم يقضى الغرض و يشتغل
السعر كام يا معلم قاللى 1500 جنيه قولتله ليه يعني ده اعلى سعر سمعته كان 600
يابيه والله اخره و مش عارف ايه طب بص اخره 900 جنيه طبعا كنت هاقوله كلمه مش تمام
بس ادي كل القصه
و بعدين بقى الخبراء لسه محدش قال رأيه اللى هما بقى مين البناااااات

**dolly13** · 24-04-2010 07:39 PM

طبعا ماخاب من استشار
اول خطوة فى طريق الفصال انك تسال عن السعر وتعمل نفسك بتقلب فى الحاجة كويس وبعدين تسيبه وتمشى وغالبا وانت ماشى هايقولك على سعر اقل يبقى انت كدة ربطت معاه السعر بس برده ماتشتريش
وتقولله انك هاتلف شوية وتعدى عليه تانى
وكدة كدة لازم تسال على الاقل فى 3 محلات وبعدين لوحدك هاتقدر تعرف ايهما افضل وترجع تشتر منه
لكن برده لازم تاخد بالك من حاجة
ممكن تلاقى تفاوت كبير فى الارقام وده يخليك تدقق قوى فى المنتج علشان مايبقاش مضروب وده بيبان من حالة المنتج نفسه مش بس بلد المنشا
وربنا يوفقك
المشكلة ان الواحد بيعمل كدة حتى لو هايشتر كيلو طماطم
بلد مايعلم بيها غير ربنا

**Terrible_DaRsH** · 24-04-2010 07:45 PM

كنت زيك زمان كده لدرجة انى كنت بجيب الحاجة و تترمى علشان مليش نفس .

دلوقتى بدخل المحل و اشوف الحاجة و اقدر سعرها لو سعرها ماشي مع الرجل يبقي تمام لو مش ماشي بمشي انا على طول .

**M.Mosaad** · 24-04-2010 07:48 PM

انا بحس ان القدرة علي الفصال دي مش حاجة مكتسبة دي حاجة الواحد بيتولد بيها يعني ناس تعرف تفاصل و ناس لأ

انا للاسف من الناس اللي لأ

**نور القمر** · 24-04-2010 07:48 PM

انا بريح دماغي واروح اماكن السعر فيها موحد بدون فصال حتى لو اغلى سنة عشان في الاخر عمرك ما هتغلب البائع
انا بكون مع ماما والاقيها تنزل السعر للربع ولا التلت واقعد ازغدها من تحت لتحت خايفة البياع يتعصب علينا وفي الاخر الاقيه بيوافق
طبعا انا لو هفاصل هخاف اعمل زيها فريحت دماغي خالص لان اكتر حاجة بكرها الفصال سواء كانت بائع او مشتري

**3ateef** · 24-04-2010 07:49 PM

المشاركة الأصلية كتبت بواسطة Moh_Zaher

ادي اول الرزاله

بص دايما البائع محتاجلك زي مانت محتاجله
ولازم هايحليللك الحاجة اللى بيبعها تقوم انت بقى تطلع فيها القطط الفاطسه بس مش بالكذب يعني
يعني يقولك دي اصليه قوله عادي يعني مهيا موجوده عند كل الناس نفس الاصلى
دي بتنور في الظلمه قوله طب في النور هاتعمل ايه هاتصفر مثلا
و كده يعني بس اهم حاجة الجرأة انا بلاحظ دايما ان ناس كتير وهيا رايحة تشتري بتبقى خايفة يمكن خايف يتضحك عليه ولا يتغش و ده بقى اكتر واحد بيتضحك عليه
خليك جرئ و انت هاتعرف تاخد حقك
وبعدين خد بالك بقى من نقطه مهمه لو بتشتري مثلا و قعدت تفاصل مع الراجل هوه قاللك 1500 جنيه مثلا لو لقيته نزلك مبلغ كبير مثلا قاللك خلاص نمشيها 1350 اعرف انه هجاس لانه 150 جنيه كتير في تمن حاجات كتير
وخد المثال ده روحت اسال على كمبيوتر للعربيه الراجل قاللى ده المفتوح و اللى بيركب على عربيات كتير قولتله انا بقى ايه يعني على اساس اني مشغل اسطول عربيات دايو و كل يوم هاركبه في عربيه
قاللى ده الاصلى قولتله المهم يقضى الغرض و يشتغل
السعر كام يا معلم قاللى 1500 جنيه قولتله ليه يعني ده اعلى سعر سمعته كان 600
يابيه والله اخره و مش عارف ايه طب بص اخره 900 جنيه طبعا كنت هاقوله كلمه مش تمام
بس ادي كل القصه
و بعدين بقى الخبراء لسه محدش قال رأيه اللى هما بقى مين البناااااات

ايوه يا مدرسة....

المشاركة الأصلية كتبت بواسطة dolly13

طبعا ماخاب من استشار
اول خطوة فى طريق الفصال انك تسال عن السعر وتعمل نفسك بتقلب فى الحاجة كويس وبعدين تسيبه وتمشى وغالبا وانت ماشى هايقولك على سعر اقل يبقى انت كدة ربطت معاه السعر بس برده ماتشتريش
وتقولله انك هاتلف شوية وتعدى عليه تانى
وكدة كدة لازم تسال على الاقل فى 3 محلات وبعدين لوحدك هاتقدر تعرف ايهما افضل وترجع تشتر منه
لكن برده لازم تاخد بالك من حاجة
ممكن تلاقى تفاوت كبير فى الارقام وده يخليك تدقق قوى فى المنتج علشان مايبقاش مضروب وده بيبان من حالة المنتج نفسه مش بس بلد المنشا
وربنا يوفقك
المشكلة ان الواحد بيعمل كدة حتى لو هايشتر كيلو طماطم
بلد مايعلم بيها غير ربنا

شكرا على المعلومات...

الموضوع: ازاى افاصل ؟؟؟؟؟!!!!

LinkBack

أدوات الموضوع

عرض

-

-

-

-

-

المواضيع المتشابهه

ده ازاى كده !!

ازاى دة ؟؟؟؟؟؟؟؟؟

ركن ازاى ؟

الكلمات الدلالية لهذا الموضوع

المفضلات

المفضلات

ضوابط المشاركة