ازاى افاصل ؟؟؟؟؟!!!!

**Ahmed Anwer** · 24-04-2010 07:57 PM

متفاصلشي ،،،،

ابحث كويس عن السلعة اللي انتا عاوزها

و اشتريها من أرخص سعر اتقالك

**M.Zaher** · 24-04-2010 08:05 PM

المشاركة الأصلية كتبت بواسطة Ahmed Anwer

متفاصلشي ،،،،

ابحث كويس عن السلعة اللي انتا عاوزها

و اشتريها من أرخص سعر اتقالك

جامده الفكره دي

**3ateef** · 24-04-2010 08:07 PM

المشاركة الأصلية كتبت بواسطة ahmed anwer

متفاصلشي ،،،،

ابحث كويس عن السلعة اللي انتا عاوزها

و اشتريها من أرخص سعر اتقالك

والله حل مريح...ومن غير وجع دماغ

شكرا...

**A.Saad** · 24-04-2010 08:30 PM

اول خطوة لضرب التاجر لو بتشترى حاجة غالية
اثاث
سيراميك
تروح الصبح
لان التاجر بيبقى لسه فاتح وعايز يستفتح زى ما بيقولوا
لكن بعد كدة خلاص
بيتنمردوا

تانى حاجة
السوق بتاع فصال ولا لا
اغلب الحاجات فى مصر فصال
لكن محدش مثلا يروح توكيل اديداس يفاصل
ولا حتى توكيل تيد لاموند

هقولكم على حوار افتراضى
انت : بكام
التاجر : 100
انت : اخرها كام
التاجر : ببلاش ليك
انت : كدة تبقى غالية علشان من الحلوين
التاجر : الغالى يرخصلك
انت : اخرها كلم
- احنا كدة هزرنا وصاحبنا البياع
نخش على الجد
التاجر 95
انت لا : 60
التاجر 90

..................
مقدار التنزبل بقى حسب خبرتك فى الشراء
وحسب السوق اللى بتشترى منه
يعنى الوكالة تفاصل فيها جامد
التوفيقية اقل شوية

طريقة تانية بقى بس ساعات مش بتصيب اوى
انت : سعرها كام ومن الاخر علشان مش عايز افاصل
وعلى فكرة
لازم التاجر يعرف انك لفيت السوق او فهمت اسوق
علشان يبقى عار فانك واخد فكرة وممكن تسيبه
كمان اكتر غلط
انك تشوف البضاعة ومتسالش على تمنها قبل ما تسيب المحل - لان لو رجعت له همش هينزل حاجة - واما يقولك
بص للتاجر باستغراب واندهاش
وسيبه
وشوف محل تانى

**mahmoudselim** · 24-04-2010 11:01 PM

قول الدعاء دا قبل ما تدخل السوق او داخل محل مثلا وان شاء الله ماحدش هيغلبك في البيع, بس الاهم ان تكون نيتك صافية لله والحاجة ال هتشتريها تستخدمها في الخير , وبرضوا وانتا بتتفرج علي السلعة وقررت الشراء قول ( اللهم لا خلابة) حديث عبد الله بن عمر رضى الله عنه أن رجلاً ذكر للنبى صلى الله عليه وسلم أنه يخدع فى البيوع فقال : إذا بايعت فقل : لا خِلاَبةَ متفق عليه ـ اللؤلؤ والمرجان ـ وقوله صلى الله عليه وسلم : من غشنا فليس منا .رواه مسلم ؛ وقوله : ولا تناجشوا . متفق عليه

دعاء دخول السوق
قال الرسول صلى الله عليه وسلم من دخل السوق فقال ( لا إله إلا الله وحده لا شريك له له الملك وله الحمد يحي ويميت وهو حي لايموت بيده الخير وهو على كل شئ قدير)

كتب الله له ألف ألف حسنه ومحا عنه ألف ألف
سيئه ورفع له ألف ألف درجه وفي روايه أخرى وبنى له بيتا في الجنه.

**3ateef** · 24-04-2010 11:18 PM

بارك الله فيك...

**SHNORY** · 24-04-2010 11:46 PM

المشاركة الأصلية كتبت بواسطة 3ateef

مشكورين على الافادة....
بس احنا كلنا فى أمس الحاجة الى خبير.....
ويفضل اجنبى...

يا شنووووووووووووورى.....

يا باشا انا مليش في الفصال نهائي
وعاوز اقولك اني بكرهه
بس بتبع اسلوب تاني
ييجي مثلا البياع يقولي دي ب100 جنيه
اقوله هما 60 يمشي معاك الكلام ولا امشي علشان انا بتخنق من الفصال ومش بحبه فتعالالي في الدغري
فبييجي في الدغري معايا
ولما كنت بشتري موبيلات استعمال زمان في المحل
كنت بحط للزبون الفلوس والموبايل جنب بعض
وبقوله يا تاخد الفلوس يا تاخد الموبايل ومتتكلمش كتير
بس
دي نوعيه الفصال البسيطه اللي بستعملها

**SHNORY** · 24-04-2010 11:55 PM

المشاركة الأصلية كتبت بواسطة 3ateef

طريقة الأمر الواقع....

شكرا يا شنوووووووووورى....

العفو يا باشا
بس انا من كتر التعاملات زهقت من الكلام مع الناس
علشان كده بعملها
واللي ميجيش معاه ييجي مع غيره
واحيانا بدفع كتير في حاجه تمنها اقل واحيانا بدفع تمن كويس
يعني تقدر تقول انها طريقه فعاله بنسبه 50%