ايه رايكم في العربيات المستعمل من بورسعيد؟؟؟؟؟

**tutankhamoun** · 29-01-2008 09:16 AM

المشاركة الأصلية كتبت بواسطة mido_honda

عربيات المعاقين بتاخد حظر بيع 3 سنوات وفيه ناس بتدفع غرامه وتتصالح مع الجمارك بس لازم تشتريها باسم حد معوق
اشهر سياريتين شعبيتين في ( بورسعيد ) الهوندا والجولف وحتلاقي حالات زيرو باذن الله

حظر بيع سيارات المعاقين 5 سنوات و ليس 3
أنا لي 3 أصحاب معاقين و معاهم سيارات معاقين و متأكد مليون % من الكلام ده

**zezo13178** · 30-01-2008 02:36 AM

الحظر كان 5 سنين واتخفض ل 3 سنين يا باشا والله اعلم

**Mostafa Taher** · 30-01-2008 06:12 AM

خد اى عربية استيراد هناك وادقع الجمرك بتاعها اللى اسمها ضريبة الخزينة وادفع غرامة فك حظر البيع للمعاق 9800 جنية ورخص باسمك

**fakoussa** · 31-01-2008 11:24 AM

الاخ مصطفى بكرى كلامه صحيح شروط شراء السيارات فى بورسعيد :
-لابد من ان تكون من مواطنى بورسعيد
-يسمح للاسرة الواحدة بامتلاك سيارة واحدة فقط منطقة حرة
-لا يجوز دفع الجمارك على السيارة المنطقة الحرة بجميع انواعها و موديلتها

يعنى من الاخر مينفعش تشترى عربية منطقة حرة بورسعيد و تدفع جماركها و ترخصها ملاكى .

**mostafabakry** · 08-09-2008 01:06 PM

المشاركة الأصلية كتبت بواسطة fakoussa

الاخ مصطفى بكرى كلامه صحيح شروط شراء السيارات فى بورسعيد :
-لابد من ان تكون من مواطنى بورسعيد
-يسمح للاسرة الواحدة بامتلاك سيارة واحدة فقط منطقة حرة
-لا يجوز دفع الجمارك على السيارة المنطقة الحرة بجميع انواعها و موديلتها

يعنى من الاخر مينفعش تشترى عربية منطقة حرة بورسعيد و تدفع جماركها و ترخصها ملاكى .

الظاهر انك من بورسعيد يا باشا صح ولا انا غلطان

بصراحة البورسعيدية هما اللي متظبطين صح الصح بسبب المنطقة الحرة دي انا لما بكون هناك عنيا بتزغلل من العربيات اللي بشوفها هناك

هي مشكلتها الوحيدة حكاية تصريح محدد للخروج من بورسعيد و بيكون تقريبا 3 شهور
الحكاية دي هي اللي منعاني من ان اشتري عربية منطقة حرة بإسم المدام اصلها من بورسعيد و طبعا احنا عايشين برا بورسعيد فمش عارف ازاي نحل المشكلة دي
السؤال اللي هو محيرني و مش لاقي اجابة عليه

ايه موقف العربيات المنطقة الحرة الحالية بعد الغاء المنطقة الحرة من بورسعيد زي ما بنسمع حاليا انها خلاص هتتلغي
هل هيجمركوها و لا هيبقي ايه نظامها ساعتها
يا ريت لو حد عنده معلومة يفيدنا بيها و يا سلام لو كان بورسعيدي (ابو نسب زي ما بنقول عندنا في الصعيد)