-
ليه الحقد؟
وانا ماشي النهاردة فؤجئت بواحدة بتعدي الشارع وبتخبط المرايا اليمين بشنطة ايدها لدرجة ان ازاز المرايا وقع علي الارض وهي عدت الشارع زي ما يكون معملتش اي حاجة سمعت صوت ارتطام المرايا بالارض ومشيت طبعا الشارع كان زحمة جدا لدرجة اني وقفت اجيب ظهر المرايا بالعافية وبعد مسافة طويله عشان اعرف اركن
واشتريت مرايا غيرها ب 40 جنية اصلية للانسر
السؤال بقي
ليه الحقد اللي بيبقي في الناس ده.؟؟؟؟؟
وفي ناس راكبيين عربيات اغلي من بتاعتي بكتييييييييييييير بس الظاهر ان انا اللي حظي وحش
وانا من كتير غيظي حبيت افضفض معاكم
وحسبي الله ونعم الوكيل
-
ربنا يديها على اد نيتها....
وبس...
-
ربنا يعوض عليك , عادى جدا و توقع اكتر من كدة
فيه ناس كتير مبقاش يهمها حاجة ,و ده مش حقد ولا حاجة , دى لا مبالاة
-
ايه دة انا حصل معايا نفس الموقف وكنت حاسس ان بنسبة 85 %
ان الست اللى خبطت المراية بالشنطة قصدها تخبطها بس الحمد لله ساعتها الكف اتعلق فى السلك بتاعه وركبت كف المراية ركب ورجع زى ما كان
عموما يا باشا قدر الله وماشاء فعل وربنا يحفظنا جميعا من شرور النفوس
-
تقريبا معظم الناس بقت بتحقد على بعض ومش شرط في العربيات بس لا في كل حاجة والناس ماشيه بالمبدا اشمعنى ده عنده واحنا لا , المهم انا حصلي موقف كنت سايق بعربيتي اللانوس قبل ما ابيعها في ميدان التحرير فظهر قدامي واحد بيعدي الشارع ولا كانه بيتمشي على البحر المهم فانا بكلكسله علشان يخلص فقالي " براحه يا عم ولا علشان انتوا ركبتوا عربيات خلاص تدوسوا علينا " فانا في الاول بحسبه بيضحك فبصيتله تااااااني لاقيت علامات الغضب مليانه في وجهه , ربنا يسترها معانا والله بجد لاحسن الواحد قرررررررررررررررررف
-
الحمد لله على قد كدة
بس فعلا بقى فيه ناس تخصص اذية الخلق
-
اشكركم علي رودكم يا جماعه بس الواحد من قرفه والله من الناس دي بقي خلااااااااااااص مش قادر بجد يتحمل وربنا يهدي الناس دي وبدل ما يحقدوا يركزوا في شغلهم ده لو كانوا بيشتغلوا اصلا ومن شغلهم يقدروا يعملوا اللي هما عايزينه بدل الحقد والغل ده
رنبا يهدي
-
القد ليه؟!
عشان اصحاب العربيات دول اولاد تييت و بيدوسو بيها ع الغلابة
)مش عارف الناس دي لو عرفو اني معايا عربيتين هيعملو فيهم ايه)
-
ربنا يجازيهم على قد نيتهم و احسن
-
يبقى انت اكيد فى مصر
ياباشا عادى...خد من ده كتييييييييير
امال هية العربيات الزيرو بتبقى مليانة خرابيش بالطول والعرض ومرسوم عليها لوحات فنيه ومحفور عليها اسامى منين
ماهو كلو من الناس المحترمة الكتييييييييير اللى ماليين الشوارع
اانا مرة كنت ماشى باللانسر وهية لسه زيرو فوقفت عشان عيال راكبين عجل يعدو...بدل ميقولولى متشكرين لقيت واحد منهم مد ايده وقام رازع المرايا بكف ايده...الحمد لله المرايا اتقفلت بس ومحصلهاش حاجة
ده بدل ميقولولى شكرا انى وقفتلهم اعديهم!!!!!!!!...بس ده مش حقد وبس..دى قلة ادب كمان
ربنا يرحمنا من الاشكال دى
Content Relevant URLs by
vBSEO 3.6.0 PL2