المصلحجية ....

**نور القمر** · 24-04-2010 07:44 PM

المصلحجية لفظ مهذب بدل من لفظ الاندال اللي ممكن يثير حفيظة البعض
تعيش طول عمرك تكون علاقات صداقة مع المحيطين اللي القدر وقعهم في طريقك ووقعك في طريقهم
مرددا لشعار الصداقة جميله ... والصديق وقت الضيق
ومتتأخرش في تقديم المساعدة للاخرين مادامت في قدر استطاعتك وممكن كمان تفضل الاخرين على نفسك بوقتك ومجهودك وتفضل اخرين على اخرين
ومادمت قادر على العطاء ومظهرش حد غيرك قادر على العطاء اكثر منك فأنت ديما في المقدمة عندهم
سؤال شبه يومي بالتليفون ومجاملات ببعض العبارات الرقيقة يليها بعض الطلبات
وتعالى قصر في الطلبات دي لاي سبب من الاسباب مرة وراء التانية
تلاقي التليقونات اتقطعت والمجاملات اتقطعت .. حتى في وقت احتياجك لهم مش هتلاقي حد
للاسف ده السيناريو السائد دلوقت بنسبة 90 % من المحيطين والمعارف اللي ممكن يكون من ضمنهم اقرب الناس لك
مدام مصلحتهم معاك قلت او انتهت اذن انت كمان كشخص كنت تمثل بعض الاهمية في اي جانب من جوانب حياتهم سواء شغل او اجتماعيات او اي مصلحة اياً كان مجالها...خلاص مبقاش لك اي اهمية
وممكن متكونش قدمت حاجة لحد لكن احتجت لهم وممكن تكون الحاجة دي بسيطة وتافهة وعندك عشم فيهم وتلاقي التنفيض التمام لاي حجة لكن لو في مصالح متبادلة يا سلام كل حاجة تبقه تمام
صدق المثل اللي بيقول الصديق وقت الضيق ... ومثل اخر الناس معادن
ومع الوقت كل شخص بيظهر معدنه اذا كان دهب ولا الماظ ولا صفيح مصدي .... وما اكثر الصفيح المصدي في حياتنا المطلي بطبقة لامعة تعتقد انها دهب ويستغل لمعانه في استغلالك لاقصى قدر ممكن وبمرور الوقت الطبقة اللامعة المزيفة تبدأ في الزوال ويظهر كل انسان على حقيقته
عشان كدة لازم الواحد مننا تكون علاقته بالناس علاقة سطحية وميجيش على نفسه لاي سبب من الاسباب او يسمح للاخرين باستغلاله عشان فعلا مفيش حد يستاهل

**w-m-a** · 24-04-2010 07:58 PM

انا بهدى النفوس
تقصدى مين بالكلام ده............هه
...................................
يابنتى الدنيا كلها مصالح صدقينى مفيش الا والديك هما الوحيدين فقط الى بيعرفوكى من غير مصلحه والباقى (الا من رحم ربى )كلهم مصلحجيه

**ahmed_su** · 24-04-2010 08:00 PM

ما تقلبيش علينا الموااااااااااااااااجع ...........

انا خلاااااااااااااااص طهقت من الصنف ده :(

**3ateef** · 24-04-2010 08:03 PM

المشاركة الأصلية كتبت بواسطة w-m-a

انا بهدى النفوس
تقصدى مين بالكلام ده............هه
...................................
يابنتى الدنيا كلها مصالح صدقينى مفيش الا والديك هما الوحيدين فقط الى بيعرفوكى من غير مصلحه والباقى (الا من رحم ربى )كلهم مصلحجيه

+1111111111111

من الاخر....

**romeo_6887** · 24-04-2010 08:04 PM

كل اللي اعرفهم ناس مصلحجيه و الحمد لله
بجد انا حزين ان مليش صديق بجد
كله مصلحجي معايا عشان مبقدرش اقول لا لحد
و لو قلت لا الكل ينفضلي و الحمد لله علي كل حال

**Khaled_Nowaihy** · 24-04-2010 08:05 PM

المشاركة الأصلية كتبت بواسطة نور القمر

المصلحجية لفظ مهذب بدل من لفظ الاندال اللي ممكن يثير حفيظة البعض
تعيش طول عمرك تكون علاقات صداقة مع المحيطين اللي القدر وقعهم في طريقك ووقعك في طريقهم
...........................................
عشان كدة لازم الواحد مننا تكون علاقته بالناس علاقة سطحية وميجيش على نفسه لاي سبب من الاسباب او يسمح للاخرين باستغلاله عشان فعلا مفيش حد يستاهل

قلبتى على المواجع يا أختى بكلامك ده .... المشكلة انهم ما بيتكسفوش حتى لو انكشفوا ... وبنضطر نتعايش معاهم مع انهم يستاهلوا ضرب النار
لنا الله وحسبنا الله ونعم الوكيل

**3ateef** · 24-04-2010 08:06 PM

المشاركة الأصلية كتبت بواسطة romeo_6887

كل اللي اعرفهم ناس مصلحجيه و الحمد لله
بجد انا حزين ان مليش صديق بجد
كله مصلحجي معايا عشان مبقدرش اقول لا لحد
و لو قلت لا الكل ينفضلي و الحمد لله علي كل حال

نصيحة ::: نفض لكل اللى انت شايفهم عارفينك مصلحة...والصاحب اللى بجد حتلاقيه واقف معاك..