ساعات بسمع زن وساعات وش وساعات الاقى السماعات اللى وراء هما اللى شغالين من غير وش ولا زنه هل دة حسب الشريط اللى شغال ولاالسماعات عايزة تتغير ؟
ومقاسها كام ونوعها ايه بالنسبه لانوس 1
عرض للطباعة
ساعات بسمع زن وساعات وش وساعات الاقى السماعات اللى وراء هما اللى شغالين من غير وش ولا زنه هل دة حسب الشريط اللى شغال ولاالسماعات عايزة تتغير ؟
ومقاسها كام ونوعها ايه بالنسبه لانوس 1
طيب ماتجرب شريط تانى
أو تشغل الراديو
وشوف الخروشه منين بالضبط
عيب من الشريط ولا من السماعه ؟
بالنسبه للأصوات اللي بتحصل
لو حضرتك مركب Mp3 Modulator ممكن يعمل كده , لو معلي نسبه الصوت داخل الإم بي ثري لغايه الأخر (15 درجه) لازم يعمل كده
لكن لو مش مركب ام بي ثري , بص على الفيش اللي راكبه في السماعات اللي وراء من جوه الشنطه
احيانا الفيشه دي بتتهز او تتخلع شويه من مكانها , وبتعمل صوت غريب
http://i815.photobucket.com/albums/z.../Image0122.jpg
اضافه لكلامي
مقاس السماعات هو 16
ومفيش عمر افتراضي للسماعات , ده حسب الاستخدام
يعني في واحد بيضغط على السماعات اوي بأصوات عاليه متداخله وده بيخلي الرق بتاعها مع الوقت يرزع ويعمل اصوات , و كده تبوظ اسرع من الطبيعي
وفي واحد بيعلي الصوت لكن لغايه اعلى نقطه في نقاء الصوت وعدم تداخل الأصوات , وبيعرف يظبط الصوت اللي طالع من البلاير بتاعه , وبالتالي بيعرف ياخد من السماعات احسن اداء ليها وكمان يحافظ عليها اطول فتره ممكنه
طبعا ده غير المحافظه عليها من السوائل والتلامس المباشر لرق السماعه خاصه وهي شغاله
الكلام ده عن تجربه
طيب مقاس السماعات اللى فى الباب كاماقتباس:
المشاركة الأصلية كتبت بواسطة محمد الشامي
وايه افضل ماركه وسعرها كام .....ولا كل الموجود صينى
اقتباس:
المشاركة الأصلية كتبت بواسطة mahdyez
المفروض ان السماعات كلها مقاس واحد (ورا و ادام)
انا شوفت السوني اكسبلود والكينوود نفس المقاس وحلوين وبيعملو شغل مش وحش , بس للأسف مش فاكر الأسعار
في ادريان في فيصل وفي فرع في التوفيقيه ممكن تسأل في الأقرب ليك , وخلي بالك ان اللي هيقولك الصناعه ماليزي او تايواني يبقه كذااااااااب , لانه كله صيني , الياباني ممكن تجيبه من بره مصر , خاصه اللي راجع من الإمارات
ملحوظه , لو حضرتك عايز تغيير بنفس المقاس (بالنسبه للسماعات الخلفيه) لانك مش حابب تركب سماعات اكبر او بيضاوي فهقولك على فكره كويسه اعرف واحد بتاع كاسيت شغال بيها في اللانوس
بيجيب طقم البايونير البيضاوي مثلا , وطبعا ده بيكون وات اعلى وحجم اكبر
وبدل ما يفتح على رف التابلوه من ورا عشان يسقط السماعات جواها
بيركب السماعه من تحت من جوه الشنطه , يعني الإطار الخارجي لوش السماعه بيكون راكب على القاعده الحديد بتاعت التابلوه
وفي الحاله دي ممكن تركب نفس وش السماعات الأصليه بتاعت اللانوس وكأنك مش مغير سماعات ولا حاجه
ولو السماعات الجديده ليها وش , ممكن تركبه على التابلوه من فوق عادي , لكن بدون اي حفر او تقطيع في الصاج
عيوب الموضوع ده بس هو ان في نسبه من الصوت بتتحجز او بترتد نتيجه اصطدامها بحافه التابلوه (فتحه السماعات الأصليه) , لكن في تقديري الشخصي إن الإرتداد في الصوت ده بيكون بنسبه ضعيفه جدا لا تتعدي الـ 5% من قوه ونقاء الصوت
لكن المميزات من رأيي كتير , ومن ضمنها انك بتعدل طقم سماعاتك الخلفي بدون اللجوء للتقطيع في الصاج والتابلوه , وكمان بتحافظ على شكل العربيه , وكمان بتاخد صوت احسن من العادي , لان الرق بتاع السماعات العاديه ورق , لكن الرق في السماعات الأكبر جلد , وبالتالى بييز أعلى ونقاء افضل
لكن بالنسبه للسماعات الأماميه لازم تركب نفس المقاس , ولكن فرق الرق الجلد من الورق اكيد هيبقه ملحوظ وهتحس بالرضاء عن طقم السماعات بعدها
اتمنالك التوفيق
ممكن تقلى فين بتاع الكاسيت اللى بيشتغل فى الانوساقتباس:
المشاركة الأصلية كتبت بواسطة محمد الشامي
طيب بالنسبه للسماعات الاماميه هل هى نفس الماركه بايونير
اقتباس:
المشاركة الأصلية كتبت بواسطة mahdyez
بالنسبه لمكان بتاع الكاسيت اللي بتكلم عنه هو في اول الهرم ورا المحافظه , لكن الموضوع مش هيفرق اذا كنت هتروح لحد بيفهم في اللانوس ولا لا , لان مهما اختلفت الأنواع والماركات فالحكايه كلها عباره عن نفس السماعات والأسلاك ومشغل الصوت , يعني عايزين بس حد دماغه فاهمه كويس وعنده عده نضيفه
هو حضرتك ساكن فين ويمكن اساعدك توصل لحد قريب منك ؟
بالنسبه للسماعات الأماميه ممكن تركب بايونيير او كينوود والسوني اكسبلود , التلاته كويسين وهتلاقيهم نفس الأداء تقريباً , بس طبعا هتجيبهم نفس مقاس اللي راكب عندك
اكيد اخواننا خبراء الصوت هنا ممكن يفيدونا اكتر
انا ساكن فى فيصل شكرا لذوقك فين بالظبط خلف المحافظهاقتباس:
المشاركة الأصلية كتبت بواسطة محمد الشامي
اقتباس:
المشاركة الأصلية كتبت بواسطة mahdyez
هو للأسف انا مش عارف اسم الشارع بالظبط
لكن حضرتك لما تكون جاي من اول الهرم وماشي وعلي يمينك المحافظه , بعدها على طول في شارع على اوله مسجد صغير
ادخل الشارع ده , ولما تمشي فيه للأخر هتلاقي نفسك طلعت على شارع فيصل , قبل ما تطلع على شارع فيصل هتلاقي الشارع بدأ يلف معاك شويه , في الملف ده هتلاقي محل اسمه "الرضوان" على الشمال وهتلاقي فيه صاحب المحل اسمه "مصطفى" على ما اتذكر , هو راجل بتاع ربنا وامين , ومن النوع اللي بيقولك على الصيني صيني (مش ماليزي وتايواني) , هتلاقي عنده سماعات وبلايرز وجي ام , وكل ما يخص انظمه الصوت
اجازته يوم الاحد تقريباً
لكن بخلاف محل "الرضوان" حضرتك عندك ادريان كويس جدا , وفي محل كبير على شارع فيصل قريب من شارع ضياء , وفي كمان في الدقي محل جنب جاد اللي قبل ميدان الدقي , وفي فرع تاني لـ ادريان في التوفيقيه لكن معندهمش تركيب
سامحني لو كان وصف العنوان ملخبط شويه
تسلم ياباشا على وصف العنواناقتباس:
المشاركة الأصلية كتبت بواسطة محمد الشامي
بص يا باشا ...اول حاجة السماعات اللي في الباب اصغر من اللي راكبة ورا والاتنين اتعب من بعض يعني السماعات (احمد بهجت 60 وات فقط)اما الكاسيت اللي موجود فيها( كلاريون) بردة تعبان وصوتة مكتوم ومش نقي خالص &كمان شرايط بس...
الفكرة انت عايز صوت مواصفاتة اية & المبلغ اللي معاك كام
لانك لو مش هاتركب gm يبقي مش محتاج تقطع في الصاج ورا وممكن تجيب سماعات نفس المقاس اللي عندك (بيونير او كينوود) ابعد عن السوني لانها وحشة ..وماتجيبش سماعات اعلي من 250 وات علشان مش هاتستفاد بيها الا لما تركبgm (سعرها حوالي 200جنية)
تاني حاجة هات كاسيت نضيف زي بيونير (في موديلات بتبدا من 480 جنية)...كل دة اقتراحات علي حسب انت معاك كام وعايز تسمع صوت اية؟؟؟؟؟؟؟؟؟
هل البيونير به كارت ميمورى او فلاشهاقتباس:
المشاركة الأصلية كتبت بواسطة bakkarahmed
هو gm فائدته ايه وسعرة كام
الانواع النضيفة اللي فيها كارت ميموري بتيدا من 550 جنية الgm يعني امبليفاير بيضخم طبقات الصوت ودة بيركب في حالة انك تجيب سماعات 300وات وطالع علشان تستفاد بيهم والاسعار بتبتدي من 320 جنية(دة انوع الشعبي الرخيص) وبتوصل لمبالغ عالية اوي حسب السماعات اللي راكبة والصبات وفي ناس بتركب اتنين gm المهم انت معاك كام؟؟؟ومواصفات الصوت اللي عايزة اية؟؟؟يعني عايز بيز ولا عايز صوت نقي ونضيف وبس ؟؟اقتباس:
المشاركة الأصلية كتبت بواسطة mahdyez
انا حاسس انت عايز تخدمنى وتيجى بس كدة انا ها تعبك ......ولا انت عارف محل مضمون ممكن نروحلهاقتباس:
المشاركة الأصلية كتبت بواسطة bakkarahmed
يا باشا انا تحت امرك بس انا ركبت الكلام دة في الفيوم مع اني باشتغل في مصر 3ايام اسبوعيا (علشان ماعرفش حد مضمون اتعامل معاة)اقتباس:
المشاركة الأصلية كتبت بواسطة mahdyez
الف مبروك ياباشا طيب قلنا التفاصيل والاسعاراقتباس:
المشاركة الأصلية كتبت بواسطة bakkarahmed
مبدئيا لو انت مش بتحب الخبط والرزع ممكن تريح نفسك من وجع حفر سماعات وهاتعمل الاتي:
1-هاتغير الكاسيت العقيم بتاع الانوس وتجيب واح بيونير (بيبدا من 470 جنية)
2-هاتركب سماعات بيونير مدورة (نفس مقاس السماعات اللي عندك) 250واط مكان السماعات اللي ورا عندك...وهتسمع صوت نضيف...
الحل التاني لو عايز تسمع صوت عالي وبيز وكلام دة :
بردة لازم تغير الكاسيت.
2 -هات gm كينوود 350 واط (400جنية)
3-سماعات بيونير 400 واط تايلاندي (280 جنية)بس هاتوسع مكان السماعات اللي ورا في الصاج زي ما قولتلك...
الف شكر على الشرح ....وانا فعلا مابحبش الخبط و الرزع علشان بيبقى معايا ناس كبيرةاقتباس:
المشاركة الأصلية كتبت بواسطة bakkarahmed