الموضوع: هى سماعات الانوس مقاس كام وهل لها عمر افتراضى

ساعات بسمع زن وساعات وش وساعات الاقى السماعات اللى وراء هما اللى شغالين من غير وش ولا زنه هل دة حسب الشريط اللى شغال ولاالسماعات عايزة تتغير ؟
ومقاسها كام ونوعها ايه بالنسبه لانوس 1

بالنسبه للأصوات اللي بتحصل

لو حضرتك مركب Mp3 Modulator ممكن يعمل كده , لو معلي نسبه الصوت داخل الإم بي ثري لغايه الأخر (15 درجه) لازم يعمل كده

لكن لو مش مركب ام بي ثري , بص على الفيش اللي راكبه في السماعات اللي وراء من جوه الشنطه

احيانا الفيشه دي بتتهز او تتخلع شويه من مكانها , وبتعمل صوت غريب

اضافه لكلامي

مقاس السماعات هو 16

ومفيش عمر افتراضي للسماعات , ده حسب الاستخدام

يعني في واحد بيضغط على السماعات اوي بأصوات عاليه متداخله وده بيخلي الرق بتاعها مع الوقت يرزع ويعمل اصوات , و كده تبوظ اسرع من الطبيعي

وفي واحد بيعلي الصوت لكن لغايه اعلى نقطه في نقاء الصوت وعدم تداخل الأصوات , وبيعرف يظبط الصوت اللي طالع من البلاير بتاعه , وبالتالي بيعرف ياخد من السماعات احسن اداء ليها وكمان يحافظ عليها اطول فتره ممكنه

طبعا ده غير المحافظه عليها من السوائل والتلامس المباشر لرق السماعه خاصه وهي شغاله


الكلام ده عن تجربه

المشاركة الأصلية كتبت بواسطة محمد الشامي

اضافه لكلامي

مقاس السماعات هو 16

طيب مقاس السماعات اللى فى الباب كام
وايه افضل ماركه وسعرها كام .....ولا كل الموجود صينى

المشاركة الأصلية كتبت بواسطة mahdyez

طيب مقاس السماعات اللى فى الباب كام
وايه افضل ماركه وسعرها كام .....ولا كل الموجود صينى

المفروض ان السماعات كلها مقاس واحد (ورا و ادام)

انا شوفت السوني اكسبلود والكينوود نفس المقاس وحلوين وبيعملو شغل مش وحش , بس للأسف مش فاكر الأسعار

في ادريان في فيصل وفي فرع في التوفيقيه ممكن تسأل في الأقرب ليك , وخلي بالك ان اللي هيقولك الصناعه ماليزي او تايواني يبقه كذااااااااب , لانه كله صيني , الياباني ممكن تجيبه من بره مصر , خاصه اللي راجع من الإمارات


ملحوظه , لو حضرتك عايز تغيير بنفس المقاس (بالنسبه للسماعات الخلفيه) لانك مش حابب تركب سماعات اكبر او بيضاوي فهقولك على فكره كويسه اعرف واحد بتاع كاسيت شغال بيها في اللانوس

بيجيب طقم البايونير البيضاوي مثلا , وطبعا ده بيكون وات اعلى وحجم اكبر
وبدل ما يفتح على رف التابلوه من ورا عشان يسقط السماعات جواها
بيركب السماعه من تحت من جوه الشنطه , يعني الإطار الخارجي لوش السماعه بيكون راكب على القاعده الحديد بتاعت التابلوه
وفي الحاله دي ممكن تركب نفس وش السماعات الأصليه بتاعت اللانوس وكأنك مش مغير سماعات ولا حاجه
ولو السماعات الجديده ليها وش , ممكن تركبه على التابلوه من فوق عادي , لكن بدون اي حفر او تقطيع في الصاج

عيوب الموضوع ده بس هو ان في نسبه من الصوت بتتحجز او بترتد نتيجه اصطدامها بحافه التابلوه (فتحه السماعات الأصليه) , لكن في تقديري الشخصي إن الإرتداد في الصوت ده بيكون بنسبه ضعيفه جدا لا تتعدي الـ 5% من قوه ونقاء الصوت

لكن المميزات من رأيي كتير , ومن ضمنها انك بتعدل طقم سماعاتك الخلفي بدون اللجوء للتقطيع في الصاج والتابلوه , وكمان بتحافظ على شكل العربيه , وكمان بتاخد صوت احسن من العادي , لان الرق بتاع السماعات العاديه ورق , لكن الرق في السماعات الأكبر جلد , وبالتالى بييز أعلى ونقاء افضل

لكن بالنسبه للسماعات الأماميه لازم تركب نفس المقاس , ولكن فرق الرق الجلد من الورق اكيد هيبقه ملحوظ وهتحس بالرضاء عن طقم السماعات بعدها

اتمنالك التوفيق

بص يا باشا ...اول حاجة السماعات اللي في الباب اصغر من اللي راكبة ورا والاتنين اتعب من بعض يعني السماعات (احمد بهجت 60 وات فقط)اما الكاسيت اللي موجود فيها( كلاريون) بردة تعبان وصوتة مكتوم ومش نقي خالص &كمان شرايط بس...
الفكرة انت عايز صوت مواصفاتة اية & المبلغ اللي معاك كام
لانك لو مش هاتركب gm يبقي مش محتاج تقطع في الصاج ورا وممكن تجيب سماعات نفس المقاس اللي عندك (بيونير او كينوود) ابعد عن السوني لانها وحشة ..وماتجيبش سماعات اعلي من 250 وات علشان مش هاتستفاد بيها الا لما تركبgm (سعرها حوالي 200جنية)
تاني حاجة هات كاسيت نضيف زي بيونير (في موديلات بتبدا من 480 جنية)...كل دة اقتراحات علي حسب انت معاك كام وعايز تسمع صوت اية؟؟؟؟؟؟؟؟؟

المشاركة الأصلية كتبت بواسطة bakkarahmed

بص يا باشا ...اول حاجة السماعات اللي في الباب اصغر من اللي راكبة ورا والاتنين اتعب من بعض يعني السماعات (احمد بهجت 60 وات فقط)اما الكاسيت اللي موجود فيها( كلاريون) بردة تعبان وصوتة مكتوم ومش نقي خالص &كمان شرايط بس...
الفكرة انت عايز صوت مواصفاتة اية & المبلغ اللي معاك كام
لانك لو مش هاتركب gm يبقي مش محتاج تقطع في الصاج ورا وممكن تجيب سماعات نفس المقاس اللي عندك (بيونير او كينوود) ابعد عن السوني لانها وحشة ..وماتجيبش سماعات اعلي من 250 وات علشان مش هاتستفاد بيها الا لما تركبgm (سعرها حوالي 200جنية)
تاني حاجة هات كاسيت نضيف زي بيونير (في موديلات بتبدا من 480 جنية)...كل دة اقتراحات علي حسب انت معاك كام وعايز تسمع صوت اية؟؟؟؟؟؟؟؟؟

هل البيونير به كارت ميمورى او فلاشه
هو gm فائدته ايه وسعرة كام

المشاركة الأصلية كتبت بواسطة mahdyez

هل البيونير به كارت ميمورى او فلاشه
هو gm فائدته ايه وسعرة كام

الانواع النضيفة اللي فيها كارت ميموري بتيدا من 550 جنية الgm يعني امبليفاير بيضخم طبقات الصوت ودة بيركب في حالة انك تجيب سماعات 300وات وطالع علشان تستفاد بيهم والاسعار بتبتدي من 320 جنية(دة انوع الشعبي الرخيص) وبتوصل لمبالغ عالية اوي حسب السماعات اللي راكبة والصبات وفي ناس بتركب اتنين gm المهم انت معاك كام؟؟؟ومواصفات الصوت اللي عايزة اية؟؟؟يعني عايز بيز ولا عايز صوت نقي ونضيف وبس ؟؟

المشاركة الأصلية كتبت بواسطة bakkarahmed

المهم انت معاك كام؟؟؟ومواصفات الصوت اللي عايزة اية؟؟؟يعني عايز بيز ولا عايز صوت نقي ونضيف وبس ؟؟

انا حاسس انت عايز تخدمنى وتيجى بس كدة انا ها تعبك ......ولا انت عارف محل مضمون ممكن نروحله