السلام عليكم ورحمه الله
بعد الصيانة اللي عملتها من يوم , جربت العربية لقيت ان دواسة البنزين تقيلة عن الأول مش سلسة ... مع العلم ان الميكانيكي طبعا فك سلك الأكسراتير عشان ينظف البوابة .. تفتكروا يكون هو ده سبب تقل دواسة البنزين ؟
عرض للطباعة
السلام عليكم ورحمه الله
بعد الصيانة اللي عملتها من يوم , جربت العربية لقيت ان دواسة البنزين تقيلة عن الأول مش سلسة ... مع العلم ان الميكانيكي طبعا فك سلك الأكسراتير عشان ينظف البوابة .. تفتكروا يكون هو ده سبب تقل دواسة البنزين ؟
جرب ترش wd40 علي البكره و السلك نفسه و شوف
انت ممكن تحرر السلك من البكره من عند المنافولد
وهتلاقي جراب السلك من الناحيه التانيه اللي داخله على الكابينه مكبوسه جوا سدر العربيه شويه
شدها بالراحه هتلاقيها طلعت معاك عادي
كده السلك اصبح حر فـ ايدك (من ناحيه الموتور) , شوف السلك بيمشي جوه الجراب بسلاسه ولا خشن شويه ؟؟
لو لاقيت حركه السلك جوا الجراب بتاعه خشنه يبقه ممكن ترش جوا الجراب wd40 بس حاول متخليش اي زيادات من السائل تفضل جوا الجراب
وبعدها ركبه تاني وشوف النتيجه
ولو طلع الموضوع مش من السلك يبقه اكيد البكره محتاجه تتنضف بالـ wd40
وممكن تنضف البوابه بالمره عشان تتأكد ان المكان ده مفيش فيه حاجه محتاجه صيانه تاني
طمنا على النتيجه لما تجرب الحل ده
ممكن يكون حرك المسمار اللى على بكره الاكسراتير
اتاكد ان الميكانيكى محشرش جراب السلك فى السرفو لما فك السلك من على البوابة... احيانا الصنايعية بيعملوا كدة عشان يبعدوا السلك عن شكتهم و هما شغالين و بينسوا يرجعوة مكانة فا بيبقى الجراب زانق على السلك و مسبب ثقل فى الدواسة
MMamdouh