المشاركة الأصلية كتبت بواسطة Moh_Zaher
لما عرفت ان العيب في الكمبيوتر و ده طبعا بعد ما اتاكدنا من ان كل حاجة تانيه سليمه يعني الحساسات كلها تمام و الرشاشات سليمه و الضفيره بتاعتها مافيهاش اي حاجة و الموبينه سليمه
فااكتشفنا ان العطل اكيد في الكمبيوتر نفسه حتى البشمهندس سمير قاللى جرب واحد تاني قبل ما تشتري
قولت مدام انا كده كده ها جرب فا اجرب بقى و اشوف ايه العطل فيه ودورت كتير على النت على الداتا شيت بتاعته لكن للاسف مالقيتش حاجة فقولت اما افكه على امل الاقي حاجة
وفعلا لما فكيته لقيت رجل الرجيلاتور مقطوعه قلت يبقى اكيد فيه حاجة ادامه عامله شورت عشان كده اتقطع فقست الدايودات اللى ادامه و المقاومات و الحمد لله لقيت الدايود فعلا عامل شورت
نفس الدايود ده موجود في بورد الهاردات ركبته و الحمد لله كله اشتغل
و الموضوع الحمد لله طلع بسيط و ماخدش وقت كل التعب اللى تعبته في تركيب الكنترول مكانه تاني لانه بيبقى مزنوق ولازم اقفل السوسته عليه عشان مايتهزش