مشروع الضرائب العقارية الجديد

**Ahmed Samy** · 24-01-2008 11:26 PM

ماهي مش هاتهبطه
وناس كتير مش عتعبر و مش هاتأجر برضه
غاية ما هناك ان الحكومة هاتضرب ال 10% دول و بس

**أبو عبدالله** · 25-01-2008 03:26 PM

يا جماعه دي تخلف وهبل
يعني انا ابقى قاعد في شقتي اللي ساكن فيها وربنا كان مقدرلي انها تبقى كبيره فوق الــ 200 متر
يروح يقيمها بالسوق حسب المنطقة اللي انا فيها ويوقلي اجارها في السنة حوالي مثلا 8400 جنيه
يعني هتدفع كل سنه 840 جنيه على الشقة اللي انا ساكن فيها هيا دي رفاهيه ان اسكن ولا المفروض ان احنا نبات في الشارع

ده تخلف والله العظيم ولو احنا نقدر الناس اللي مش قادره تكفي معيشتها اليوميه واحتياجاتها وساكنين في بيتهم الملك يدفعوا عليه ليه

اما عن موضوع اللي شاري شقق وبيأجرها فهو مش هيدفع الفلوس لوحده هيحملها على اللي هيأجر طبعا

**szrateb** · 26-01-2008 09:38 AM

المشاركة الأصلية كتبت بواسطة أبو عبدالله

يا جماعه دي تخلف وهبل
يعني انا ابقى قاعد في شقتي اللي ساكن فيها وربنا كان مقدرلي انها تبقى كبيره فوق الــ 200 متر
يروح يقيمها بالسوق حسب المنطقة اللي انا فيها ويوقلي اجارها في السنة حوالي مثلا 8400 جنيه
يعني هتدفع كل سنه 840 جنيه على الشقة اللي انا ساكن فيها

طيب افرض انة قيم ايجارها الشهري 3000 جنية لو الشفة في مصر الجديدة أو المهندسين مثلا يبقى الايجار السنوي 36000 جنية يعني ندفع ضرائب 3600 جنية سنويا!!!! وكمان جايز ان الايجار يعلى كل سنة وبالتالي الضريبة تعلى هي كمان

**أبو عبدالله** · 26-01-2008 12:36 PM

المشاركة الأصلية كتبت بواسطة szrateb

طيب افرض انة قيم ايجارها الشهري 3000 جنية لو الشفة في مصر الجديدة أو المهندسين مثلا يبقى الايجار السنوي 36000 جنية يعني ندفع ضرائب 3600 جنية سنويا!!!! وكمان جايز ان الايجار يعلى كل سنة وبالتالي الضريبة تعلى هي كمان

ايوه صح كده

يعني حضرتك لو عندك شقه في منطقة ايجاراتها عاليه وبالتالي من الممكن جدا ان يكون دخلك ليس بهذه المقدرة
يبقى حضرتك تبيع الشقه وتروح تسكن في اللي هتقدر تدفع لها ضرائب عقارية

**Powert** · 26-01-2008 12:50 PM

لسه القانون مانزلش او اتعرض او اي حاجة من ملامحه ظهرت

الكلام اللي اتقال في البيت بيتك طلع محمود سعد حمار ومكانش فاهم اي حاجة

الراجل بيكلمه على المالك ومحمود مصمم على المستأجر ويقوله انا هأجر وادفع

كذا تاخد ضرايب ليه هو يرد عليه يقوله هاخد من المالك ومحمود مصمم على المستأجر

في كمان ميزة ان القانون ده هيظيط العلاقة ما بين المالك ومستأجر وياريت يتعمل على

اللي ليهم ايجار قديم واللي قاعد في شقة 200 متر ويدفع 5 جنية ايجار شهرى ليها

ده كده يبقى حررررررام

**Powert** · 26-01-2008 01:34 PM

ماشي بس الراجل كان بيتكلم ان لو حد عنده شقة تمنها مليون جنية مشتريها بعد سنه 97

هتدفع في سنه 3 الاف جنية يعني مبلغ يعتبر زهيت وكمان الحسبة دي هتتحسب على اقل

سعر المتر في المنطقة و كمان هيكون حسب الخدمات اللي موجودة في المنطقة

اما قبل 97 فامحدش قال حاجة