-
عيب في فرامل لانسر 2007
انا امبارح كنت في مشوار والفرامل بقيت أدوس عليها بقوقة عشان تفرمل
السرفو اختبرته تمام شيكت على التيل كله تمام
مش عارف يبقى العيب فين يمكن ان الفرامل عايز يتاخد منها هوا ؟؟؟؟
أرجو من ذوي الخبرة المشورة
الفرامل بقت عاملة زي الحجر رجلك تتعب عشان تفرمل امبارح رجلي قعدت توجعني طول اليوم كنت سايق لمدة ساعتين في وسط البلد
-
اتاكد ان زيت الفرامل مش ناقص و كمان شوف تيل الفرامل يمكن عايز يتغير
لو زيت الفرامل ناقص لازم تعرف التسريب جه منين
-
ثقل الدواسة يعنى مشكلة سيرفو... انت اختبرت السيرفو ازاى؟؟
MMamdouh
-
انا اختبرت السيرفو عن طريق اني دست على الدواسة و العربية مطفية و بعدين شغلت العربية لقيت الدواسة بتنزل معايا مش كدة يبقى السيرفو تمام؟
-
احتمال يكون فيه تنفيس من خرطوم هواء السيرفو
وبعدين 2007 يعنى فى الضمان يبقى وديها التوكيل احسن
-
بيتهيألي ان الفرامل عندك ضعيفة ممكن تكون عايز يتاخد منها هوا
جرب كده وقلنا
-
أنا رحت التوكيل قالوا لي الفرامل كويسة مع اني بدوس على الدواسة كتير عشان تفرمل
يا راجل ده الفيرنا لما تلمس بس الدواسة تلاقي العربية وقفت مكانها
الحمد لله على كل حال بس والله الواحد تعب و شقي عشان يجيب العربية و في الآخر تتطلع فراملها بالمنظر ده ربنا يعوض علي و بيقولك ياباني !!
-
يا اخي خليك صبور شوية علي العربية....
واذا عرف السبب بطل العجب...
العربية كويسة ان شاء الله مافيهاش حاجة.....
كل ايلي هاتعملة انك هاتروح لواحد بتاع عفشة كويسة جداا ومشهود لة بالكفاءة...
هايكشف علي مجموعه الفرامل كلها ....السيرفو والمستر العمومي والمساتر بتاعة العجل....ويزود زيت وياخد الهوا....ويبص علي التيل وعلي الرجلاش بتاعه..
وبعدين تجرب العربية وتشوف....وتتابع لو زيت الفرامل نقص...علشان لاقدر الله لو في تسريب....
وبعدين اطمن ما دام دة عيب فردي ....يعني هايكون فية سبب بس ما حدش لسة عرف يكشفة....يعني مش عيب في موديلات السنة كلها مثلا.....
وربنا يوفقك ان شاء الله....
-
حضرتك متعرفش حد كويس ؟
متشكر جدا على رد حضرتك
أصل انا كنت متوقع ان التوكيل يكتشف العيب بس هو قالي ان العربية كده كويسه بس انا مش مقتنع و مش حرجعلهم تاني طبعا ان شاء الله اروح لواحد شاطر يطلعلي العيب
Content Relevant URLs by
vBSEO 3.6.0 PL2