يا اسود عايزين كل الللي في المنتدي يتكلم اية رايكم تقدر تغير عربيتك لعربية تانية اقصد الماركة يعني تطلع من شركة بيجو
لشركة تانية ولا اية وياريت تختار وتقول سبب اختيارك لية اسبابك انك تسيبها
عرض للطباعة
يا اسود عايزين كل الللي في المنتدي يتكلم اية رايكم تقدر تغير عربيتك لعربية تانية اقصد الماركة يعني تطلع من شركة بيجو
لشركة تانية ولا اية وياريت تختار وتقول سبب اختيارك لية اسبابك انك تسيبها
لو هنزل من البيجو وده اعتقد انه صعب اوى بس ممكن اجيب بي ام او اعلى الموديل فى بيجو غير كدا لا
السلام عليكم
اولا : باحمد ربنا ان اول عربية ليا كانت بيجو
ثانيا : اكيد لو سيبت حبيبتى البيجو 305 فده علشان اتدرج فى نفس المجال واجيب مثلا ال 405 فهى ان شاء الله عربيتى اللى جاية وهكذا دواليك
ثالثا : اكيد بقى لو سيبت البيجو خالص وخرجت بره مجالها فده هايكون علشان حلم من احلامى وهاخرج بره البيجو بس علشان احققه ويمكن بعد ما احققه ارجع تانى للبيجو وهو حلم امتلاك السيارة (جيب شيروكى)
معرفش أركب غير السيارات الفرنساوى ....ودا عن تجربة لسيارات كثيرة جدا ومع إحترامى للألمانى..بس أنا بركب أقل فئات الفرنساوى بأكون مرتاح فيها عن الأنواع التانية
على الرغم من امتلاكى لاحد سيارات البيجو الممتازة(بيجو405)
الااننى بعد حركات الحكومة الفرنسية الاخيرة
بدأت افكر اجيب عربية ماليزية (هو انا يعنى احسن من شرطة المملكة المتحدة)
عشان افتخر انى راكب عربية صناعة اسلامية
بيننى و بينكم ما بقتش عايز انفع فرنسا فى اى حاجة حتى فى قطع الغيار
أنا ممكن أبيع اللانسر عشان أجيب لانسر أو كورولا لو الميزانية تسمح أو واجا لو الفلوس قصرت
لكن مستحيل هبيع ال 504 أبدا
بس الصراحة مش مقتنع بالبيجو الجديد يمكن عشان مجربتش أي عربية فيهم لحد دلوقتي
[QUOTE=amrfox2002eg;3872591902]السلام عليكم
اولا : باحمد ربنا ان اول عربية ليا كانت بيجو
ثانيا : اكيد لو سيبت حبيبتى البيجو 305 فده علشان اتدرج فى نفس المجال واجيب مثلا ال 405 فهى ان شاء الله عربيتى اللى جاية وهكذا دواليك
ثالثا : اكيد بقى لو سيبت البيجو خالص وخرجت بره مجالها فده هايكون علشان حلم من احلامى وهاخرج بره البيجو بس علشان احققه ويمكن بعد ما احققه ارجع تانى للبيجو وهو حلم امتلاك السيارة (جيب شيروكى)[/
QUOTE]
كلام جميل بس تقريبا دة مش زمن الشيروكي ولا اية رايك
[QUOTE=mohamedadelemam;3872591963]معرفش أركب غير السيارات الفرنساوى ....ودا عن تجربة لسيارات كثيرة جدا ومع إحترامى للألمانى..بس أنا بركب أقل فئات الفرنساوى بأكون مرتاح فيها عن الأنواع التانية[/
انا معاك ان الفرنسي تحس انة خفيف او اسهل وامتع في القيادة
QUOTE]
هي شرطة المملكة عربيتها ماليزية انا الصراحة معرفش واتمني مصر تصنع علربية
طبعا اللي معاة 504 او 505 ميقدرش يبيع لانة بيبقي في صلة جامدة بينة وبين عربيتة
السلام عليكم
فعلا لناس كتير قد يكون"كلام جميل بس تقريبا دة مش زمن الشيروكي ولا اية رايك"
بس بالنسبة ليا انا ده حلم قديم وانا لا اتنازل عن احلامى الا بعد تحقيقها علشان كده ممكن اجيب شيروكى وتقعد شوية وبعدين ارجع للبيجو انما نقطة الفيصل هى نقطة تحقيق الحلم وبعد كده اللى يجيى بعديه مش مهم
إخوتى الأعزاء مالكى الأسد الفرنسى
علشان الفرصة وجودة السيارة وحالتها الرائعة
أنا بعت البيجو الأسد 405 وجبت أوبل فيكترا 2000 سى سى كاملة كاملة ألمانية الصنع موديل 97 cdx
ربنا يبارك لك في الاوبل
ياريت تقول راي حضرتك في التغيير وهل الاوبل احسن في اية ياريت تفيدنا وشكرا
تغيير البيجو صعب
انا اتعلمت على عربية والدي الاسد 504 وركبتها كتيييييير
و اول عربية جبتها كانت 1283p
وبعدين عدت للبيجو بال 305 ثم ال 405
في حالة التغيير اتمنى اني ما أخرجش عن البيجو وربنا يوفقني في 406
أو لحل الأمثل هو الحل العملة الاستاذ حرفوش وهي سيارة اوروبية المانية محترمة زي الاوبل كدة
والله يا جماعة انا اذا ربنا كرمني ان شاء الله بفلوس هتنازل عن عربيتي عشان اجيب اختها الكبيرة
ال 505 حبيبتي حبيبتي حبيبتي ويمكن مغيرهاش
وان شاء الله اذا ربنا فرجها عليا اوي هجيب 307 هاتشباك مش استيشن
اما بقي لو لقيت الفانوس السحري هطلب 523i زيروووووووو
يا محمد ربنا يكرمك واسال علي صحابك اللي في السعودية وطمنهم عنك بصراحة هما زعلوا منك
وانا مقدرش على زعلك يا حودة بس بص كدة علي وقت الكتابة هتلاقية 3.57
يعني كنت لسة راجع من المكتب وبصيت علي المواضيع الجديدة ونمت شوية ونزلت ولسة شايف الرسالة
اينعم انا بعت العربية بس مستغناش عن البيجو برضوا وبالاخص ال 405 وببتدى افكر مستقبلا هل ممكن اجيب 405 تانى ولا406ولا 205 وحولها جى تى اى
بصراحة التلاتة افجر من بعض
انا في السعودية في جدة واتمني واتشرف بمعرفتك
اهلا بحضرتك يا استاذ احمد انت شغال اية انا شغال مندوب مستلزمات طبية
انا بحب عربيتي والله بس هي مغلباني شوية .. شويتين .. 3 شويات ..
معلش بس عشان اول عربية ليا وجايباها مستعمل وكان شراء مستعجل شوية ..
بس عموما انا مبحبش سواقة الياباني بحس انها خفيفة جدا مقارنة بالبيجو او الاوروبي عموما ..
ولو غيرت البيجو هيبقى فولكس
ازيكم يااسود المنتدي تخيلوا في واحد باع 305 وعايز يجيب فيات وبيقول ان بيجو متخلفة وشركة وحشة اية رايكم وفيات احسن منها
معلش مع احترامى طبعا للأستاذ اللى باع وبيقول على البيجو وحشة
انا معاى عربية 305 واكيد لو بعت هابيع علشان اغير لبيجو اعلى وان كنت ارى ان اللى معاى ديه وبحالتها المتوسطة اسد-ليث-غضنفر
من ضمن تقسيمات مجتمع مالكى السيارات فى نظرى قسمين قسم بيبص على المستوى القريب(اسعار قطع غيار ومدى توافرها قريبة منه وميكانيكية وسعر اعادة البيع وسهولته)والقسم التانى له نظرة ابعد واشمل فى العربية وجودتها وايه اللى ممكن يديهولها وياخده منها
واخيرا النهارده كنت على الدائرى وقابلت بيجو 304 استيشن متظبطة وجامدة ادانى التحية ورديت عليه وشدينا قدام بعض شدة الاخوات من نفس الاب والام واديناها واعتقد ان الطريق كان بيتفرج علينا عربيات قديمة فى نظره اسد على الطريق والدليل حى امام عينهم وفى وسط الشدة عديت كده جنب 128 ماشية بالعافية قولت الحمد لله ال 128 ماشية بالعافية وجايبة اخرها واحنا الاتنين عدينا من جنبيها زى الصاروخ وكنا لسه فى اول الشدة
تعرفوا انا كان معايا فيات 128 وهي تعتبر من الفئات القليلة في الفيات وبيعتها واشتريت 305 وهي بردو تعتبر من الفئة القليلة في البيجو
وعاوز اقول انة مفيش مقارنة بين الاتنين غير انهم 4 كاوتشات و4 ابواب وشنطة وكبوت وبس
ومع ذللك انا ممكن مستوي ال 305 اقارنة باداء ال 132 اللي هي اعلي موديلات الفيات وكمان ال305 تكسب