الموضوع: حرمان السيارات الفارهة من البنزين المدعم

المشاركة الأصلية كتبت بواسطة aif

اولا انا مبسوط بالمناقشة الراقية دي .... ومهما تنوعت اللآراء فهي في الآخر مفيدة للجميع
..
الجمارك والضرائب يدفعها الجميع وليس الاغنياء فقط
مثلا الحصيلة الكبرى من الضرائب هي من مرتبات الموظفين في الدولة والقطاع العام والخاص
الجمارك دي ع الجميع
العربية ال128 عليها جمارك ( على مكوناتها ) وكذلك الفيرنا والكورولا مرورا بالمرسيدس والجاجوار والرولز رويس ..... وطبعا لما عربية سعرها كبير بيكون ضريبتها وجمركها كبير
كون ان الناس مش بياخدو خدمات بقدر الضريبة اللي بيدفعوها ده موضوع عام ع الجميع ... بل في كل الدول النامية بلا استثناء تقريبا .... وده بسبب الفساد والبيروقراطية وسوء الادارة واحنا دي الحاجات اللي عندنا منها فاااائض وممكن نصدر كمان ... يعني ده موضوع تاني غير موضوعنا ده

.....
اما موضوع الفكر الاشتراكي .... انا مستغرب شوية لكلامك ....... الدعم الحكومي هو اللي يعتبر فكر اشتراكي .....
احنا هنا بنطالب بتقنين الدعم ..... يبقى ازاي فكر اشتراكي؟؟؟؟
احنا بنقول ان الناس تاخد البنزين بتمنه الفعلي ومن غير دعم ..... والفئات الفقيرة تاخد كمية محددة من البنزين بسعر مدعوم من الدولة .... واللي عاوز اكتر ممكن يشتري زيه زي الغني
اما حكاية ان الغني يمون زي الباشا ويمشي دي مش صح
لأن كله بيمون مع بعض
اللي معاه بون بيديه للبنزينة بدل الفلوس ... واللي بيشتري بفلوس واقف معاه في نفس المكان ....البنزينة بتصرف البونات دي بنفس سعر البنزين العادي .....
زي بالظبط بونات الجيش والشرطة والحكومة اللي بيمونو بيها سيارات الجهات بتاعتهم
...
يعني انت ببساطة عندك عربية وتستحق دعم ... نتستلم بونات ب 60 لتر بنزين من التموين كل شهر .... بيخاسبوك على اللتر ب 1.75 قرش ....
بتروح تمون زيك زي الغني ...... بس هو بيدفع فلوس وانت بتديلهم البون ..... والمحطة بتصرف قيمة البون ده من الحكومة بشكل مجمع بالقيمة العادية بدون دعم
.....
اللي انتهى من العالم المتقدم هو الدعم العيني ..... يعني لما الدولة تدعم العيش ب عشرات المليارات ..... ويتسرق منه نسبة كبيرة .... وناس تشتري العيش المدعم ده وتأكله للمواشي علشان هوا ارخص من العلف .... ده كلام ؟؟؟
المفروض ان الدعم يبقى نقدي مش عيني
المحتاج الدولة تديله بقدر ما يوازل الفرق بين ثمن السلعة تالحر والثمن المدعم ... وهو يشتري زيه زي غيره
او تديله بونات مخفضة ممكن يشتري بيها زيه زي الأغنياء .....
ياريت اكون قدرت اوصل الكلام اللي أقصده

شكرا علي كلامك و اعتقد اني فاهم قصدك و ان فعلا متفق معك في حاجات كتير و علي فكرة انا ضد الدعم تماما بس مش مع حلول تعقد المشكلة اكثر تخيل بعد تنفيز القانون الي هيحصل:
1- كل الاسعار هتغلي علشان التجار هيقولوا الدعم اتشال حتي لاو كانوا مزودوش سعر للسولار.
2- لاو كان في كوبنوات تخيل الطوابير و السرقة الي هتحصل و في الاخر مش هناخذ الكوبونات.
3- الدعم دة هيكون علي 80,90 و لا 92!!!

و الي اقصدة بالتفكير الاشتراكي انة مينفعش ميكونش في مساوة بين الغني و الفقير في كل قوانين الدولة حتي الدعم يعني مش علشان غني اقلبة و مديلوش خدمات الي عايز اقولة ان ممكن يكون في حلول اخري انسب و ابسط مثلا رفع الدعم عن قطاع كامل مثل الشركات او المصانع و يعوضوهم بحافز علي الانتاج او تخفيض الضرائب عليهم مثلا او يشيل نسبة من دعم البنزين علي الكل و يعوض الفقير بدعم مادي مثلا لانة محتاجة و الغني لا.

و بعدين غير الكلام دة الشعب كلة غني و فقير طالع عينة من غلاء الاسعار و الجمارك الي بتوصل ل280% علي العربيات الفارهة و الضرائب بأشكالها و الوانها و انعدم الخدمات في حين ان الدولة عندها مصادر للدخل مهمة جدا و مش بتحاول تنميها كل الافكار ازاي اخذ فلوس من جيوب الناس طب لية ميفكروش يجيبوا فلوس من برة البلد عن طريق الاستثمارات , تنمية الزراعة و التصدير و الصناعة ولا حتي السياحة, خمس اثار العالم و اماكن مصايف و اماكن شتوية و مش عارفين نجذب السياحة و السبب الاول الاهمال ,شوفت كوشك تحصيل التذاكر بتاع الاهرامات حاجة تكسف بجد.

كلام قديم ومعاد بيتقال كل ما يحبوا يرفعوا سعر سلعه
هو فى امريكا والدول المتقدمه- اللى بيستوردوا البنزين مش بينتجوه زينا- فى سعرين- هو سعر واحد
البنزين هنا اغلى من امريكا - وال 80 التعبان هنا سعر البنزين فى الخليج
الكلام الفارغ ده دايما يسبق مصايبهم
علشان يضربوا الناس ببعض- سؤال - التهم بتوع الحكومه ومجلس الهبش مش الشعب- بيدفعوا تمن بنزين اصلا