ياترى المرسيدس B-Class تعتبر سيارة حريمى؟
ياريت تجاوبونى لأنى مقدم على الشراء والحكاية دى عاملالى مشكلة
عرض للطباعة
ياترى المرسيدس B-Class تعتبر سيارة حريمى؟
ياريت تجاوبونى لأنى مقدم على الشراء والحكاية دى عاملالى مشكلة
ماتقلقش من موضوع حريمى ده إلا لو هاتجيبها لونها أحمر
توكل على الله و مبروك مقدما
انا شايف انها عربية جميله جدا وش حريمى ولا حاجه
مش حريمى ولا حاجة يا باشا توكل على الله
اتكل على الله ، عربية جميلة وبالذات اللون الابيض والاسود
متورها ضعييف جدا وشبه الماتريكس وحريمي فعلا
عزيزى شاهين ( ومن غير بنز )
واضح انك عميل ل BMW ...
علربيه فاشله دفع امامى مش هى دى قوه المرسيدس بس عللى العموم انا حاببها عشان العلامه بتاعه المرسيدس عليها مش اكتر
يا شاهين حرام عليك لما المرسيدس متورها صعيف امال يبقى ايه اللى متوره قوى الاسبرانزا مثلا
كان معانا الA-class 2007 (اللي هي الاخت الصغري للB-class) و سافرنا بيها مسافة بتاع 1000 كيلو....أقل ما يقال عنها انها تحفة.....لحد 190 مكناش حاسين بحاجة..و ناعمة و واسعة بغباء
الB عملية جدا و فخمة و الخامات اللي فيها محترمة جدا...و مش حريمي ولا حاجة...بس مش برستيج...يعني ماينفعش تبقي مدير أو ذو منصب عالي و تركبها...لكنها مناسبة للرجال في سن المعاش أو الشباب لحد سن 30 سنة
مش عارف مبحسش انها مرسيدس و مش برستيج كده
دوس يا راجل
ولا حريمي ولا حاجه
بس هي تنفع للستات و الرجالة برضه
تصميم شيق و مميز و مليانة حاجات من جوه (عربية مسلية)
خامات محترمة و توكيل فوووووووق المحترم
ألف مبروك مقدما
انا بحترم العربية دى جداً هى و اللى سايقنها ..فعلاً ناس بتفهم عربيات
صعب تقول على عربية حريمى دلوقتى هما بقوا فى كل حاجة حتى الجيب و الدودج
لو فكرت كدة هتتعب .
شكرا يا جماعة على الردود المفيدة
عيبها موتورها ضعيف قوى 1500 سى سى على وزن العربيه تخيل
وكمان سرعتها القصوى 174 بس
جايبين بيها 195 علي طريق العين السخنة:)اقتباس:
وكمان سرعتها القصوى 174 بس
دا مش كلامى على فكره دا الارقام اللى نازله مع العربيه
استاذ اميركو
مقلتناش عملت اية في قرار الشراء بين المرسيدس ولا النيسان:011:
واذا كنت اشتريت b class ياريت تقولي رايك فيها اية
واخبار قطع الغيار
ياريت تشاركنا برايك
واوعي تخبي حاجة خالصصصصصصص :auto:
مش عارف اقولك عليها ايه زي الفل ولا حلوة ولا ايه يعني دي مرسيدس اصلها مش الكلام ده اللي يتقال عليها اقل ما يقال عنها انها تحفه
محمد بية ابيزا
كفاية ردك عليا لاني انا من محبين مشاركاتك
بس بيقولوا ان قطع الغيار بتاعت العربية دي مش موجودة الا في الوكيل
ويمكن تلقيها برة بس بصعوبة
وشكرا علي متابعتك
((ربنا يهدي ياباشا))