اثناء القيادة: ماذا تفعل في الموقف التالي ؟؟

**ahmedabutaleb** · 25-04-2010 11:47 AM

لو انا مكانك بجد كنت عملت الاتى
الطريق ده اكيد 60 مش 90 ودى السرعة القانونية للحارة الشمال همشى شمال على 60 واسيبه يعيط ورايا وهوا مستحيل يفكر يخبط فيك لانه عارف ان الفيرنا صاج ضعيف وثبات مفيش يعنى لو فكر يهوب هوا الخسران
وانا بعمل كده عموما فى المشى بتاعى باخد الحارة الشمال وعلى اقصى سرعة مقررة فى الطريق ده 60 او 90 ومش ببص فى المرايا الا لو عايز افادى واحد قدامى

**د.محمود صلاح** · 25-04-2010 11:51 AM

الألتزام لحارتك وبسرعتك ومدي اشارة تخطي كما تفضل أغلب الإخوة وقالوا

SS · 25-04-2010 12:39 PM

المشاركة الأصلية كتبت بواسطة mohamed_karioka

معلش يا جماعه مع احترامى لكل الردود بس واضح ان معظم الردود مش ردود ناس ركزت انه بيقول طريق سفر او مش بتسافر بالعربيه اولا انت غلطان انك طلعت من النص نقل على ملف ودا مروريا غلط المفروض لما تيجى تطلع من العربيه اللى قدامك تدى اشاره شمال و تعدى منه و ترد على طول يمين لان انا كل سواقتي على طريق سريع و بشوف سرعات غريبه 180 وانته طالع فممكن واحد يكون جاي بسرعه يلاقى سيادنك و النص نقل مشرفين فى وشة

كلامك سليم تماماً ....بس صاحب الموضوع بيقول انه ماشى فى الشمال..و أن الطريق حارتين

ماجبش سيرة التخطى خالص

أو ع الأقل ده اللى انا فهمته

**hse920** · 25-04-2010 02:20 PM

اكيد كل الناس عارفه قاعدة ( تجنب خطاء الغير )

محدش عارف ظروف الراجل اللى جاى من ورا ده ايه فى السواقه وعربيته هتسعده انه يهدى ولا ياخد الغرزه (ويمكن يكون متمكن على الاخر )

طلما حضرتك كبست بنزين على الاخر وبرضو الراجل عدى معنى كده ان المسافه كانت هتعديه مستريح بسرعته كان ممكن تقلل خمسه كيلو مثلا ويبقى زياده امان ليك انت داخل على ملف

كمان مش معنى انى ملتزم بالسرعه القانونيه على الطريق وماشى قافل الطريق يبقى ده الصح

وياريت الناس اللى بتقول كنت سيبه يلبس فى اى حاجه ولآ ينزل فى اى ارض ده تخيل لقدر الله انه حصل كده هيكونو فرحانين

**Imhotep** · 25-04-2010 02:33 PM

انا عادة بسيب العالم بتاعة الغرز دى تعدى براحتها عشان مش عايز وجع دماغ بس برضه احيانا بتنح معاهم و يخبطوا دماغهم فى الحيط

**shaddadfalcon1** · 25-04-2010 04:13 PM

هعمل نفسي مش شايفه ومش هوسعله طالما انا ماشي بالسرعه القانونيه لللحاره اللي انا فيها ولو خبطني هدفعه تمن غلطته

لو عايز يجري ومعدي السرعه القانونيه يبقي يصرف نفسه بقي

وده اللي انا بعمله لما ابقي مستعجل - لان مش من الذوق اني اخلي واحد ماشي في طريقه يوسعلي - ليه هو انا مين يعني

ممكن اغلس عليه لو انا ماشي ورا وكان اجره او نقل في الحاله دي هو اصلا ملوش يمشي في الحاره دي خالص

وفي الأول والأخر هو موضوع مذاج يعني ساعات بوسع لاي حد حتي لو موتوسيكل بس طبعا الواحد مش بيبقي رايق دايما وبتطب معايا برود وبواخه احيانا

**Mzeid** · 25-04-2010 04:16 PM

هفضل زي ما
لأن دا طريقي و سرعتي من الاول فاللي يجي بعدي هو اللي يظبط نفسه علي

**mmans** · 26-04-2010 02:00 AM

والله تبع الموقف و بتع حالتى المزاجية لو انا شارب سفن و مروق الطاسة ههدى و اخليه يعدى و مليون سلامة
انما لو كنت سخن و مش فى المود طبعا بلا نقاش هقفلهاله و مش بس كده لاء هقوم مهدى و اشغل انتظار و امشى جمب النقل و هو يخبط دماغه فى احلى حيطه