عرض للطباعة
لما تكون ماشي في طريق سفر
على 90 - 100 في الحارة الشمال
الطريق حارتين
و ماشي في ملف
و متوقع اي حاجة... ممكن مطب .. ممكن توكتوك عايز يلف طالع من اي حتة ... إلخ
و شايف في المرايا واحد (ظريف) راكب فيرنا جاي طاير بجد ....
مع العلم ان الحارة اليمين كان فيها ربع نقل ماشي بطئ..يعني لو كنت دخلت يمين كان لازم تهدي
هتدي إشارة يمين و تدخل يمين و تزنق نفسك ورا الربع نقل و تخليه يعدي ولا تلتزم بحارتك و هو يتصرف و لا تشد بسرعة عشان تعدي الربع نقل اللي على اليمين بدل اللي جاي من ورا ما يعمل غرزة ؟؟
لو هو لسه محددش هيعدى منين ...
هخلينى انا فى الشمال ...
هو هييجى فى اليمين ..
تخطيطا لاخد الغرزه ..
لما يبقى ييجى فى اليمين (مش ورايا يعنى)
هبقى اهدى شويه ..
عشان متبقاش الغرزه ضيقه اوى عليه (مراعاه لانها فيرنا هههه اوعى تزعل بهزر)
ياخد هو الغرزه و الف مليون سلامه ..
بس عاوز اقول حاجه ..
ممكن حد يقرا كلامى ده يقول عليا حمار ...
انا قلت الكلام ده "نظرى" وقت التنفيذ سهل اوى ان قرارى يبقى مختلف ..
تبعا لظروف الطريق الى مهما كان الواحد مش هيحسها غير لما يكون سايق ...
تكمل زى ما انت فى حارتك و بنفس سرعتك و سيبك من بتاع الفيرنا هو يبقى يتصرف مع نفسه
انا عن نفسي هفضل تنك وزي مانا وهو بيجري يوسع وحتى لما بكون بجري مبديقيش من حد موسعليش بادام أنا كاسر السرعة القانونيه
التزم بحارتي و هو يتصرف بس ساعات تلاقيه كبس عليك جامد سعتها ممكن تقرص شوية وتعدي النقل لو كان اليمين مش مكسر
فى الملف ممنوع التنقل بين الحارات
فالحل تكون زى مانتا ونفس السرعه وهو يضرب دماغه فى الحيط
:36_6_3[1]::36_6_3[1]::36_6_3[1]:
:funny34d::funny34d::funny34d::funny34d:
حسب مزاجى ساعتها وحسب قربه منى
يعنى لو لسه بعيد ويلحق هو يهدى
ههدى وامشى جنب النقل بالظبط وهقفل له الغرزة على الاخر عشان يحترم نفسه واعلمه الادب
ولو غير كدة او حسيت انه غشيم وممكن يلبس فيا و قدامى فاضى هجرى طبعا لحد ما اعدى من جنب النقل واجى قدام النقل واهدى تانى عشان انا دخلت الحارة البطيئة وبعدين ابقى ارجع لحارتى بعد ما الافندى يعدى ( مع ان مفيش حاجة اسمها حارة بطيئة وحارة سريعة في مصر بس يلا ) مع ان الصح بقى ان افضل في حارتى ويتصرف هو بس برضه اتصرف انا لو حسيت انه غشيم ومش شايف قدامه
في الغالب انا كنت هعمل كده بالظبطاقتباس:
المشاركة الأصلية كتبت بواسطة amrelsaqqa
بس في حاله انه كان غشيم هجري و اعدي النقل بس مش هغير حارتي
هخليه ياخد الغرزة من قدام النقل
على فكرة... الكلام دا كان النهاردة الظهر... كنت راجع من طنطا ... و بقول مفيش فيكترا عليها استيكر نايل موتورز على الطريق ....؟؟؟ :E_braces[1]:اقتباس:
المشاركة الأصلية كتبت بواسطة KHALED AYMAN
انا إللى عملته ان فضلت ماسك شمال زي مانا بس كبست بنزين جامد .. بس هو عداني برضه بغرزة مميتة... (اصلي كبست من غير ما اسقطت نقلة!)اقتباس:
المشاركة الأصلية كتبت بواسطة Eng.M Mahran
تمام... انا لما يكون الطريق فاضي و مستقيم بحوال اخلي الشمال لالي جاي اسرع... و بيني بينك .. البص في المرايات متعب... لو الواحد يعرف يسوق من غير ما يتابع مرايات هيعيش حياته فعلاً زي التاكسياتاقتباس:
المشاركة الأصلية كتبت بواسطة yoko
هو لية الناس بتكبس كدا ؟؟اقتباس:
المشاركة الأصلية كتبت بواسطة mragh
مهو ممكن يقلب نور و هو سايب مسافة و خلاص ... دا الواحد بيشوف بلاوي على الطرق :(
كلام سليم قانوناً ... بس احنا في مصر يا باشا.... في مطبات و يوتيرنز في الملفاتاقتباس:
المشاركة الأصلية كتبت بواسطة omaroof
انا بعمل كدا لو واحد عمال يقلب لي نتور بيعمي او مشغل سرينة او لو واحد طافي النور خالصاقتباس:
المشاركة الأصلية كتبت بواسطة amrelsaqqa
لدرجة ان كان فيه ميكروباص مرة جاي ورايا طافي النور خالص ... و لما كان عايز يعدي قعد يقلب و بتاع و فعلاً مكونتش واخد بالي منه عشان اللي وراه كان نوره عالي اوي ... روحت ماشي موازي لعربية ماشية بطئ ... و فضلت ماشي على 70 لحد اقرب مطب .... و مخلتشو يعدي غير عند المطب... نفسي يفهموا ان النور عشان بالليل
:I_angr1[1]:
شكراً يا شباب على المرور
انا مش حاطط الاستيكر ..
ههههههههه
اصله غالى اوى عليا هههههههه
عموما
70300
شوفها فى اى حته ..
وقفها ..
ان شاء الله تلاقى اخويه مش انا ههههههههههههههههههههههههه ههههه
بس على فكره انا كنت على طريق طنطا النهارده
بس بالاوكتافيا ..
في إتجاه منص و لا طنطا ؟؟اقتباس:
المشاركة الأصلية كتبت بواسطة khaled ayman
انا كنت في اتجاه منص
و عربيتي لونها دهبي عليها الإستيكر على الإزاز اللي ورا :))
اهم حاجة قول لأخوك ان في اعضاء من منتدى عربيات بيوقفوا الناس ... هههههههههه
لالااقتباس:
المشاركة الأصلية كتبت بواسطة M.Osman
انا المحله طنطا ..
انت كنت جاى على المحله بقى ولا ايه ؟
عموما انا كنت على الاتجاه الى رايح و الى جاى :E_braces[1]:
عشان روحت صد رد على طول ....
لأ .. كنت في مشوار في طنطا عند قرايبي و مروح (صد رد برضه !)اقتباس:
المشاركة الأصلية كتبت بواسطة khaled ayman
همشي في طريقي عادي كأني مش شايفه و خلي السرعه تنفعه
القانونى خليك فى الشمال وعدى من النقل بنفس سرعتك القانونيه وشغل اشاره يمين وادخل قصاد النقل وعديه
تفاديا بقا لواحد زى ده انه ميلحقش يفرمل او انه تعوم منه العربيه فى الملف او اى سيناريو تانى يؤدى لا قدر الله لكارثه
لو قريب منى ومش هتجيبنى انى اسبقه ههدى واسيبه ياخد الغرزه مرتاحه بدل ما ياخدها مقفوله ويدخل فيا , لو لسه المكان يسمح لى اسقط واعديه هشغل اشاره يمين واسبق النقل ادخل قصاد واعديه
فى كل الحالات لو انت بتفقد جزء من تركيزك وتفكيرك بيتشتت من النظر فى المرايات اثبت فى مكانك وسرعتك وسيبه يتعامل ان شاء الله حتى ينزل فى جنينه اللارينج
حاول دايما تبعد الخطر عن نفسك لأنك مش هتمنع كل الناس انها تجرى او تاخد غرز , يعمل اللى يعمله المهم انت تبعد نفسك عنه
صح برضه ... و اضمناقتباس:
المشاركة الأصلية كتبت بواسطة horas3000
نورتني برأيك
حلوة اوي جنينة اللارينج دي ...ههههههههههه... نورتني يا احمد باشااقتباس:
المشاركة الأصلية كتبت بواسطة ahmed0nouh
بس لازم الواحد يخلي باله فعلاً من اللي جاي من ورا عشان ميتفاجئش بيه قدامه و هو بياخد غرزه ...شكراً ليك يا باشااقتباس:
المشاركة الأصلية كتبت بواسطة romeo_6887
اقتباس:
المشاركة الأصلية كتبت بواسطة ahmed0nouh
+11111111
تماام كدة
حسب مزاجي
ممكن ازود شوية وأعديه
وفي الأغلب هبقي بنفس سرعتي وأدي أشارة يمين ومرحش يمين ( غلاسة بقي ) ومعديهوش
ولو حبيت أغلس أكتر ممكن بعد مادي الأشارة اليمين ومعديهوش كدة كدة هو هيبقي ورايا لغاية ما النقل يتأخر شوية وبعدين هو ياخد غرزة وييجي جمبي وفي الحالة ده اول ملاقيه جمبي هشد جامد معاه وأسبقه :)
:)
لما بيحصلى الموقف دا خصوصا من الميكروباصات ويرعش لى التور بشغل الانتظار وبريح دماغى
حسب ظروف الطريق والحالة المزاجية و المجانيين اللى ماشيين معايا
كنت زمان هاقفلها عليه بدون أدنى تفكير
بس دلوقتى و بعد مواقف كتير شوفتها و منها عربية بمقطورة على الأوتوستراد حاول يعمل نفس الحركة
كان فى الشمال و رايا و راح فى اليمين عشان يعمل غرزة ما بينى و و ما بين مقطورة ماشية فى اليمين بعدي بمسافة صغيرة
و طبعاً الباشا ملحقش و كانت النتيجة انى سمعت احلى صوت فرامل ..مع تعريض بسيط من المقطورة
اللى كان سهل اوى تتقلب فوقي :N_no[1]:
فطالما فيه حد متخيل أنه ممكن يعمل غرزة ضيقة بمقطورة على سرعة 90 فى مسافة عشرين متر
يبقى الأحسن طالما الظروف (يعنى سرعته و سرعتك و عرض الطريق...الخ) تسمح للبهايم من النوعية ديه (مع الأعتذار للبهايم) تعدى بدون مشاكل ليك حتى لو اضطريت انك تهدى شوية
يبقى سيبه يغور ....و قادر ربنا يرزقه بتريلا من غير فرامل و لا كونتاينر طاير من عربية نقل:10D5C8w1107:
لكن لو لقيت الغباء معدى و انه مصر ياخدها ع الضيق لدرجة انه فى احتمال كبير يخبطنى و لو هديت له فى خطر عليه ....
يبقى ما فيش مانع اقفلها عليه حتى لو اضريت ارمى عليه شوية بدل ما يموت نفسه و يموتنى معاه :I_angr1[1]:
بس طبعاً قرارك هيتبنى على متغيرات كتير بتختلف من موقف للتانى
ربنا يستر طريقك و يتوب علينا
لو انا مكانك بجد كنت عملت الاتى
الطريق ده اكيد 60 مش 90 ودى السرعة القانونية للحارة الشمال همشى شمال على 60 واسيبه يعيط ورايا وهوا مستحيل يفكر يخبط فيك لانه عارف ان الفيرنا صاج ضعيف وثبات مفيش يعنى لو فكر يهوب هوا الخسران
وانا بعمل كده عموما فى المشى بتاعى باخد الحارة الشمال وعلى اقصى سرعة مقررة فى الطريق ده 60 او 90 ومش ببص فى المرايا الا لو عايز افادى واحد قدامى
الألتزام لحارتك وبسرعتك ومدي اشارة تخطي كما تفضل أغلب الإخوة وقالوا
معلش يا جماعه مع احترامى لكل الردود بس واضح ان معظم الردود مش ردود ناس ركزت انه بيقول طريق سفر او مش بتسافر بالعربيه اولا انت غلطان انك طلعت من النص نقل على ملف ودا مروريا غلط المفروض لما تيجى تطلع من العربيه اللى قدامك تدى اشاره شمال و تعدى منه و ترد على طول يمين لان انا كل سواقتي على طريق سريع و بشوف سرعات غريبه 180 وانته طالع فممكن واحد يكون جاي بسرعه يلاقى سيادنك و النص نقل مشرفين فى وشة
كلامك سليم تماماً ....بس صاحب الموضوع بيقول انه ماشى فى الشمال..و أن الطريق حارتيناقتباس:
المشاركة الأصلية كتبت بواسطة mohamed_karioka
ماجبش سيرة التخطى خالص
أو ع الأقل ده اللى انا فهمته
اكيد كل الناس عارفه قاعدة ( تجنب خطاء الغير )
محدش عارف ظروف الراجل اللى جاى من ورا ده ايه فى السواقه وعربيته هتسعده انه يهدى ولا ياخد الغرزه (ويمكن يكون متمكن على الاخر )
طلما حضرتك كبست بنزين على الاخر وبرضو الراجل عدى معنى كده ان المسافه كانت هتعديه مستريح بسرعته كان ممكن تقلل خمسه كيلو مثلا ويبقى زياده امان ليك انت داخل على ملف
كمان مش معنى انى ملتزم بالسرعه القانونيه على الطريق وماشى قافل الطريق يبقى ده الصح
وياريت الناس اللى بتقول كنت سيبه يلبس فى اى حاجه ولآ ينزل فى اى ارض ده تخيل لقدر الله انه حصل كده هيكونو فرحانين
انا عادة بسيب العالم بتاعة الغرز دى تعدى براحتها عشان مش عايز وجع دماغ بس برضه احيانا بتنح معاهم و يخبطوا دماغهم فى الحيط
هعمل نفسي مش شايفه ومش هوسعله طالما انا ماشي بالسرعه القانونيه لللحاره اللي انا فيها ولو خبطني هدفعه تمن غلطته
لو عايز يجري ومعدي السرعه القانونيه يبقي يصرف نفسه بقي
وده اللي انا بعمله لما ابقي مستعجل - لان مش من الذوق اني اخلي واحد ماشي في طريقه يوسعلي - ليه هو انا مين يعني
ممكن اغلس عليه لو انا ماشي ورا وكان اجره او نقل في الحاله دي هو اصلا ملوش يمشي في الحاره دي خالص
وفي الأول والأخر هو موضوع مذاج يعني ساعات بوسع لاي حد حتي لو موتوسيكل بس طبعا الواحد مش بيبقي رايق دايما وبتطب معايا برود وبواخه احيانا
هفضل زي ما
لأن دا طريقي و سرعتي من الاول فاللي يجي بعدي هو اللي يظبط نفسه علي
والله تبع الموقف و بتع حالتى المزاجية لو انا شارب سفن و مروق الطاسة ههدى و اخليه يعدى و مليون سلامة
انما لو كنت سخن و مش فى المود طبعا بلا نقاش هقفلهاله و مش بس كده لاء هقوم مهدى و اشغل انتظار و امشى جمب النقل و هو يخبط دماغه فى احلى حيطه
هوسعله بأقصي سرعة
انا مضمنش ظروفه ايه
هافضل ماشي زي مانا لأني ماشي باقصى سرعة مسموحة مع المحاولة قدر الامكان اني البسه في الربع نقل او مطب لان دي قلة ذوق
- طبعا قانونيا ماتوسعشي لو انت عالسرعة القانونية
- بص هو خلاصة الكلام لما باحس ان اللي ورايا عايز يعدي باديله اشارة يمين من بدري وفي اول فرصة هوسعله !!!!! ونفس الموضوع لما اللي وراك يقعد يقلب نور بهبل واصرار مش طبيعي باديله اشارة يمين عشان يفهم اني عايز اوسعله بس ظروف الطريق مش سامحة عشان جنبي عربية مثلا وساعات بابقى ماشي في اليمين باديله برضة اشارة يمين عشان احسسه بغباوته وان مفيش حتة اروحها
كنت باجري مرة عشان والدي تعبان بازمة قلبية في البيت لوحده وباحاول اوصل البيت في اسرع وقت والثانية ممكن تفرق في موقف زي دا وكنت مشغل الانتظار وعمال ارعش بالنور واتمنيت ساعتها ان كل واحد باقلبله نور يوسعلي وكان في فعلا ناس بتسجيب بسرعة ماكنتش مصدقها ويوسعلي بس للأسف كان في ناس بتغلس ومترضاش توسع واضطريت اقضيها غرز لما ييجي واحد قدامي ومش راضي يوسع او يدي اشارة شمال وساعات كمان يهدي عشان يقفل عليا غرزة - يعني مش عايز يعديني وخلاص
من يومها لو اي حد عايز يعدي بوسعله لو حالة الطريق تسمح عشان ماتضمنشي ظروف الناس !!!! انا ضد الجري بكل المقاييس ومش باتخطى الستين جوة البلد ويوم ماجري يبقى تمانين تسعين بالكتير اوي