المشاركة الأصلية كتبت بواسطة محمد الشامي
يسمع منكم ربنا :11:
انا تقريبا في الحاله دي هقضي معظم حياتي في العربيه , وده لأسباب كتير
1- اول حاجه تفضل تلف مصر من اولها لأخرها وتسافر وتروح وتيجي ومش حاطط في دماغك تكاليف البنزين
2- في عز الصيف والحر ومش جايلك نوم تروح نازل تقضي وقتك في العربيه وانت مشغل التكييف وعااااااايش , وده توفيراً لفاتوره الكهرباء , اللي بيحطو عليها 30 جنيه زباله ,, وطبعا في الحاله دي ممكن تستضيف ضيوفك في العربيه وتلفو في الشارع كمان , او تاخدهم وتقعدو على النيل او البحر (حسب المكان اللي عايش فيه)
3- وقتها كل ما يكون عندك ضيف في بيتك وهو ماشي هتحلف عليه 100 حلفان انك لازم توصلو لغايه بيته حتى لو كان في أخر الأرض وحتى لو كان معاه عربيته , ودي عزومه بقلب مش عزومه مراكبيه كالعاده
بس والله ياجماعه يمكن وقتها لما ناخد على الوضع الجديد نبدأ نقول ده البنزين غالي وعايزينه يرخص شويه , يوصل لـ 15 قرش او 19 قرش (زي شركات المحمول:C_laugh[1]:)
او مثلا تمون 3 لتر ومن اللتر الرابع تمون مجاناً من 12 بالليل لـ 12 الضهر , طبعا + جنيه رسوم فتح التانك :C_laugh[1]:
ياااااااااااااااااه :C_laugh[1]: خليتو الواحد يحلم :C_laugh[1]: