حتعمل ايه لو لتر البنزين بقى ب 30 قرش ؟؟؟؟!!!

**shrifelmasry** · 29-04-2010 10:59 PM

ها أنزل أجيب برميل بنزين 95 .... و ها أتعلم الادمان برحاتى و أقعد اشم فية عشان انسي أحوال البلد .

و أتصور جنب البرميل صورة بالحجم الطبيعي و احطها فى مدخل البيت ... عشان الاحفاد بعد ما أموت يتفشخروا بالصورة قدام اصحابهم .

و ها بيع تكييف البيت ... و انزل اقعد فى تكييف العربية ، و الضيوف اللى يجو اقعدهم فى التكييف و الطلبات من اى كشك و احنا بنتمشي .
و اسمي العيال : اوكتين 95 ، أوكتين 92 و اخر العنقود يبقى أوكتين 97 .

**Ahmed Galal** · 29-04-2010 11:39 PM

مش هاروح اى مكان الا بالعربية حتى لو لحد البقال اللى فى اخر الشارع و احرق و افرك فى الشوارع براحتى و كل ما يجيلى مزاج اروح حتة البس و اشد مفتاح العربية و انزل و اتعرف بقا على معالم مصر السياحية من اول الهرم للسد العالى و بعدين حد فى البيت يدلق عليا جردل مية عشان اصحى لاننى طولت كده فى الحلم

**gebreel** · 29-04-2010 11:43 PM

ياااااااااااااااااااااااا ااااااااااااااااه ده انا هنزل ابوس العربية و الف بيها لحد ماخلص البنزين الغالي بتاعها و اروح افول التانك كامل و بدل مادفع 90 جنيه هدفع 25 جنيه و مش اي بنزين ده 95 كمان =)