ظابط مرور مكلبش عربيه شرطه و قصتى أمام محكمه المنشيه

**AMA** · 25-04-2010 03:19 AM

دى صورة لقيتها على النت قولت أحطها نشمت شوية فى ولاد الــــ (حلال طبعا)

قصتى بقى أدام محكمه المنشيه كانت غريبة شوية (متقلقوش كنت واقف بتفرج بس)

قبل كدة كانت عربية فخمه كدة واقفة أدام المحكمه والله مافاكر نوعها أصلا و أنا ماشى عادى جدا و عربيه مرور ماشيه و لقيت العربيه دى و مرة واحدة العسكرى نزل و الظابط طبعا قاعد جوة و بيشرب سجارة و العسكرى خلص مهتمه والعربيه بتاعة المرور بتتحرك و مرة واحدة لقيت أتنين ببدل كدة بيقفوا عربيه المرور و بيقولوا للظابط تخيلوا أية !!؟
أنت عبيط أزاى تعمل كدة فى العربيه أنزلى هنا لحسن أخليك تندم أنت و أبن الـ....... إلى مشغلك طبعا كله عارف الباقى و مرة واحدة ألاقى ظابط المرور نازل أقسم بالله العظيم أنا بقيت مبرق أنا قولت هينزل يدغدغهم و لقيته بيقولهم أنا أسف طيب دى بتاعة مين قالوله دى بتاعة المستشار كذا كذا و دا لو طلع دلوقتى و لقى العربيه كدة هيوديك فى داهيه روح نزل الحمار إلى راكب ورا ده يفكها عشان مخلكش تقلع البدله دى و بكل هدوء الظابط بنفســـــــــــه راح فك العربيه ولا حتى قالهم طيب بطايقكم أشوفها ولا أى حاجة و بكل هدوء كدة رجع تانى قالهم أحنا أسفين يا بشوات و ركب العربيه و عربية المرور دى طاااااااااارت
أقسم بالله العظيم الموقف دة خلانى لحد ماروحت بيتنا وأنا مستغرب جدا جدا جدا

و على فكرة تانى موضوع إنهاردة أعمله عن الشرطة شكلنا هنتمسك

**romeo_6887** · 25-04-2010 03:37 AM

بلدنا بلد الوسايط و المناصب مش الشهادات و الاخلاق

**Samah AbdAllah** · 25-04-2010 03:38 AM

سلطة القضاء اقوى وليها هيبتها برده

**Mostafa.Mahran** · 25-04-2010 03:44 AM

يا باشا دى العربيات عند المحكمة بتقف صف رابع والناحية التانية عند البحر و محدش بيقدر يكلمهم

**د.محمود صلاح** · 25-04-2010 12:57 PM

اللهم أحييني مسكيناً وامتني مسكيناً واحشرني في زمرة المساكين

**shaddadfalcon1** · 25-04-2010 01:05 PM

كل قوي فيه اللي اقوي منه

وفعلا علي البحر قدام النيابه العامه العربيات هناك واقفه ومش سايبه غير مكان واحد تعدي العربيات اللي علي البحر كلها

انا مره كنت راكن هناك صف تالت او رابع مش فاكر
وجه الونش من ورايا متكلمش بس شاور وقاللي اطلع ومعتقدش انه بيكلم اي حد واقف هناك لانه عارف ان العربيات اللي هناك كلها بتاعة الناس الكبيره

**hugan** · 25-04-2010 04:00 PM

هي دي مصر مستشار ايه وضابط ايه عالم كلهم تييت الامير فيليب زوج ملكه انجلترا حوكم بان تم منعه من القياده لمده 6 اشهر لمخالفته السرعه القانونيه علي احدي الطرق واهو جوز الملكه تقولو مستشار ولا قاضي والضابط الهزوء مع الا سف في اللفظ كان احسن له يستقيل ولا يتشتم الشتيمه دي فعلا في مصر اللي ما لوش ضهر ينضرب علي بطنه شويه طلبه فاشلين في الثا نويه والدوله تخليهم بني ادمين ويذلو في خلق الله ان الله لينصر الدوله الكافره العادله ولا ينصر الدوله الظا لمه المسلمه العدل العدل هي دي المشكله

-

-

-

الموضوع: ظابط مرور مكلبش عربيه شرطه و قصتى أمام محكمه المنشيه

LinkBack

أدوات الموضوع

عرض

ظابط مرور مكلبش عربيه شرطه و قصتى أمام محكمه المنشيه - انشر الموضوع فى :

-

-

المواضيع المتشابهه

انا اتخنقت من البلد دي (مشكله مع ظابط شرطه)

قصتى مع التيجو بعد مرور 6500 كيلو

اياك و التحدث مع ظابط شرطه !

خبطه بسبب ظابط شرطه

الكلمات الدلالية لهذا الموضوع

المفضلات

المفضلات

ضوابط المشاركة