السلام عليكم,

انا عندى طلب وسوْال, الطلب لو فى حد من اخوانا يعرف اجيب منين او ادامو الغطاء الفيبر بتاع المرايا اليمين (حتة الفيبر اللى على طول تقع دى) العربية استرا 2004 اوتوماتيك 1600. لو حد عندو ياريت يقولى علشان دوخت علية مش لاقية حتى منصور بيه قلى 180 جنية وقالولى هنطلبة لانو مش موجود :( وقلبت التوفيقية وهانى اوبل واخواتة .... مفيش. حتى لو بلاستيك مش لازم بتاعها يعنى.

السوْال بقى بخصوص الزيت, اية احسن زيت موتور موبيل 1 ولا شيل ؟
انا بستخدم موبيل 1 بس فى ناس كتير بتشكر فى شيل مش عارف مين احسن ...

شكرا واسف للأطالة.