أنا متهيألي التليفزيون والفيديو ممكن ياخدو من بطارية العربية أو الاتوبيس . المولد داه كان في rv إلي كنا مأجرنو شغال 24 ساعة. لما كنا بنقف في حتة علشان ننام ونطفي الموتور كنا بنبقى سامعين صوته شغال علشان التكييفات والتليفزيونات والثلاجة ،..
طيب أحنا قولنا ان 250 وات بـ250 جنيه
طيب لو عايز اشغل كام شاشة كدة حوالى 3 مثلا زى برنامج بيمب ماى رايد و سماعات و دى فى دى بلاير و سى دى بلاير يبقى كدة كام وات ؟
طبعا مع شاحن لابتوب و هكذا
وهل فيه أى خطورة ؟
و أزاى بيتم تبيرد المولد ؟ ولا فيه مبردات معاهم مراوح و كدة
ياباشا انا لسة شايف ال300 وات ب150 جنية فى فتح الله بيتباع وكنت بفكر اشترى واحد اشغل علية صب الكمبيوتر بس عاوز اعرف هياثر على العربية فى حاجة ولا عادى
بالنسبة للتبريد هو بيبقى فية مروحة زى الباور سبلاى كدة
عند راديوا شاك روح اسال وريح نفسك هما عندهم كذا نوع ولحد 500 فولت
وات = فولت x امبير
اخر ولاعة العربية 15 امبير, يعني 180 وات (15 * 12)
غالبا المحولات الرخيصة دية بتبقى كفائتها في حدود 50%, يعني هيسحب من العربية 180 وات وهيديك 90 وات بس, (وال 90 التانيين بيتحولوا لحرارة, عشان كده بيحتاج تبريد).
ممكن توصله على البطارية على طول, ومش حيبقى خطر على العربية ولا حاجة, في ناس بتركب جي ام وبتشغل صب ووفر 1500 وات من غير بطارية تانية ولا حاجة. بس طبعا الحمل حيبقى تقيل على الدينامو وعمرة هيقصر.
انما اذا كان الموضوع سماعات كمبيوتر ولا شاشات LCD فطبعا استهلاكها اقل من كده بكتير ومتعملش مشكلة.
انا على حد علمى
انه لازم يبقى موجود فى راديوشاك
طيب هوا سعرة فى حدود من كام لكام ؟
و أية اضرارة مثلا يعنى ممكن ينفجر ولا يسيح ولا أية ؟
و هل لو أشتغل مثلا مع المطبات و الكلام دة ممكن السماعات تفصل ؟
و هل السماعات بتطلع نفس الجودة لما تكون شغالة على Mp4 مثلا ؟
أنا لاقيت الجهاز المطلوب بيخرج 230 فولت على بطارية العربية وممكن توصيله مكان الولاعة
أنا جالي SMS من محل إسمه ISPOT وهو محل متخصص لبيع أجهزة الكومبيوتر Apples وكذلك المنتجات الخاصة بالشركة وكمالياتها زي Iphone وIpod
المهم الرسالة بتقول إنهم عاملين خصم 20 % على الكماليات لمدة 3 أيام بمناسبة الإحتفال بالسنة الأولى
فروحت الفرع إلي جمب الشغل بتاع المعادي جمب أولاد رجب اللاسلكي
لاقيت عندهم الجهاز المطلوب بيخرج 300W وحتى 230 فولت على البطارية بوصلة خاصة معاه أو حتى على الولاه ومعاه الوصلة بتاعتها برضه ماركة Belkin محترمة ومعروفة ومتجربة وكمان ضمان سنتين وكمان إمكانيات وهمية منها إغلاق أوتوماتيك لمنع تلف مكونات السيارة ومنبه إنخفاض شحن البطارية وحاجات تانية كتير وهمية وصغير وخفيف وبصراحة أنا شايف إنه فرصة جداً وبأقل من 300جنية
بجد ميتسابش
موقع المحل www.ispot-eg.com