المطبخ عندي ولع حالا

**aymanmaly** · 25-04-2010 10:41 AM

الف مليون سلامة عليك
بس انت مقلتش عملت اية فى البطاطس
وطبعا لازم تحكلنا لما البيت هايصحى اية المواقف الى هاتحصل(ردود الافعال)

**Eng.Geo** · 25-04-2010 10:48 AM

الف حمداله علي سلامتك
حاسس بيك قوييييييييييي
حصلي الموقف ده مرتين
الأولي
أخويا حط البراد علي النار ( براد زجاج بأيد وغطا بلاستيك ) ونزل ونسيه وأنا بعد ييجي ساعة شميت ريحة مش ولا بد فروحت علي المطبخ لقيت نااااااااار بس ممسكتش في حاجة خالص كانت فوق البراد بس
قمت مطفي النار بتاعة البتجاز ومش عارف اطفي النار اللي جوا البراد وخايف البراد ينفجر وانا اتشلفط ويا سلام بقي لو رميته بميه :)
فكرت وقلت مفيش غير اني اجيب حاجة وارميها
جبت رز ( ايوة رز ) وشرمتها فيه
لقيت الدنيا بتقل والموقف بقي احسن
قلت طاب مانا اطفيه اسرع قبل ما ينفجر
جبت ( دقيق ) ورميته لقيته انطفي :)
بس كان وقت عصيب
الموقف التاني :
ماما حطت الأكل في الفرن وبعد شوية لقت الفرن مش شغال
قالت يخرب بيت الزهايمر نسيت اشغله
وهوب بتدوس علي الزرار قام الفرن منفجر ) وبابه طار
ستر ربنا ان ماما كانت جمب الفرن مش قدامه
الحكاية بقي انها شغلت الفرن ونسيت تولعه وجه واحد ابن حلا ( أكيد من البيت ) وطفاه علي اساس ان حد فتحه غلط
والحمد لله ماما ماتلمستش ولا حتي بهباب
انا كنت قاعد في قوضتي ولقيت البلكونة اتفتحت والدنيا دمار عندي جريت علي المطبخ لقيت المصيبة ولقيت ماما مخضوضه
قمت قايلها في ايه وكدة
وبعد ما الموقف كله خلص قمت قايلها مش ... مش عارف ليه حاسس مطبخنا وسع :):):)

**lancerevolution** · 25-04-2010 10:59 AM

الحمد لله إنها جت على قد كدا

**Terrible_DaRsH** · 25-04-2010 11:12 AM

ايه ده !!!! ياقوت ولع ؟

و الله يابنى كنت نايم ساعتها , الف سلامة يا ريس و لو عايز حد ينظف معاك قولى و متتكسفش .

هــنــام تانى على طول :)

**hazoom2006** · 25-04-2010 11:43 AM

الف سلامة والحمد لله ان النار مش جت على خرطوم الغاز

قلى البطاطس اصلا يعتبر من المهام المستحيله بالنسبالى بس بينفع برده

**eng.octooo** · 25-04-2010 12:17 PM

الحمد لله انها جت على كدة ...

انا بقا من كام يوم كنت باحاول اعمل ستيك مشوى فى الفرن وحطيتة فى صينية تيفال (والدتى بتحب الصوانى التيفال بتوعها جدااااااااااااااااااااااا ا اكتر من عيالها ههه المهم)

حطيتها ونسيتها اكتر من 3 ساعات تقريبا وكنت فى البيت لوحدى ....فتحت الفرن لقيتها سوداااااااا وفيها حتتت لونها احمر !!!!

رحت حاططها تحت الحنفية لقيتها عملت طشششششششششششش ههههههه والصينية باظت اول ما ما والدتى عرفت عملتى طششششششششششششششششش كبيرة فى دماغى هههههههه

**HeMa_LanCeR** · 25-04-2010 02:54 PM

المشاركة الأصلية كتبت بواسطة a.saad

حمدالله على سلامتك
انت كدة هتخلينى اجيب طفاية حريق فى البيت
كمان انت لازم تأمن الخراطيم اللى قريبه من النار دى
لو تبعدها يكون احسن
او دور على نوع مضاد للحريق
او هات عازل حراراى لفه عليه

احنا بالفعل عندنا طفايه 4 كيلو مخصوصه للبيت
غير بقي كام واحده كيلو من اللي بينتهي صلاحيتهم بالنسبه للمرور :)